శ్రీ కృష్ణాష్టకం
వసుదేవసుతం దేవం కంసచాణూరమర్దనం |
దేవకీపరమానందం కృష్ణం వందే జగద్గురుం || ౧ ||
అతసీపుష్పసంకాశం హారనూపురశోభితం |
రత్నకంకణకేయూరం కృష్ణం వందే జగద్గురుం || ౨ ||
కుటిలాలకసంయుక్తం పూర్ణచంద్రనిభాననం |
విలసత్కుండలధరం కృష్ణం వందే జగద్గురుం || ౩ ||
మందారగంధసంయుక్తం చారుహాసం చతుర్భుజం |
బర్హిపింఛావచూడాంగం కృష్ణం వందే జగద్గురుం || ౪ ||
ఉత్ఫుల్లపద్మపత్రాక్షం నీలజీమూతసన్నిభం |
యాదవానాం శిరోరత్నం కృష్ణం వందే జగద్గురుం || ౫ ||
రుక్మిణీకేళిసంయుక్తం పీతాంబరసుశోభితం |
అవాప్తతులసీగంధం కృష్ణం వందే జగద్గురుం || ౬ ||
గోపికానాం కుచద్వంద్వకుంకుమాంకితవక్షసం |
శ్రీనికేతం మహేష్వాసం కృష్ణం వందే జగద్గురుం || ౭ ||
శ్రీవత్సాంకం మహోరస్కం వనమాలావిరాజితం |
శంఖచక్రధరం దేవం కృష్ణం వందే జగద్గురుం || ౮ ||
కృష్ణాష్టకమిదం పుణ్యం ప్రాతరుత్థాయ యః పఠేత్ |
కోటిజన్మకృతం పాపం స్మరణేన వినశ్యతి ||
ఇతి శ్రీ కృష్ణాష్టకం ||
Shri Krishnaashtakam
vasudēvasutaṃ dēvaṃ kaṃsacāṇūramardanaṃ |
dēvakīparamānaṇdaṃ kṛṣṇaṃ vaṇdē jagadguruṃ || 1 ||
atasīpuṣpasaṅkāśaṃ hāranūpuraśōbhitaṃ |
ratnakaṅkaṇakēyūraṃ kṛṣṇaṃ vaṇdē jagadguruṃ || 2 ||
kuṭilālakasaṃyuktaṃ pūrṇacaṇdrānibhananaṃ |
vilasatkuṇḍaladharaṃ kṛṣṇaṃ vaṇdē jagadguruṃ || 3 ||
maṇdāragandhasaṃyuktaṃ cāruhāsaṃ caturbhujaṃ |
barhipiñchāvacūḍāṅgaṃ kṛṣṇaṃ vaṇdē jagadguruṃ || 4 ||
utphullapadmapatrāxaṃ nīlajīmūtasannibhaṃ |
yādavānāṃ śirōratnaṃ kṛṣṇaṃ vaṇdē jagadguruṃ || 5 ||
rukminīkēḷisaṃyuktaṃ pītāmbarasuśōbhitaṃ |
avāptatulasīgandhaṃ kṛṣṇaṃ vaṇdē jagadguruṃ || 6 ||
gōpikānāṃ kucadwaṇdwakuṅkumāṅkitavaxasaṃ |
śrīnikētaṃ mahēṣwāsaṃ kṛṣṇaṃ vaṇdē jagadguruṃ || 7 ||
śrīvatsāṅkaṃ mahōraskaṃ vanamālāvīrājitaṃ |
śaṅkhacakradharaṃ dēvaṃ kṛṣṇaṃ vaṇdē jagadguruṃ || 8 ||
kṛṣṇāṣṭakamidaṃ puṇyaṃ prātarutthāya yaḥ paṭhēt |
kōṭijanmakr̥taṃ pāpaṃ smaraṇēna vinaśyati ||
iti śrī kṛṣṇāṣṭakam ||