శ్రీ కిరాతాష్టకం
అస్య శ్రీకిరాతశస్తుర్మహామంత్రస్య రేమంత ఋషిః దేవీ గాయత్రీ ఛందః శ్రీ కిరాత శాస్తా దేవతా, హ్రాం బీజం, హ్రీం శక్తిః, హ్రూం కీలకం, శ్రీ కిరాత శస్తు ప్రసాద సిద్ధ్యర్థే జపే వినియోగః |
కరన్యాసః
ఓం హ్రాం అంగుష్ఠాభ్యాం నమః |
ఓం హ్రీం తర్జనీభ్యాం నమః |
ఓం హ్రూం మధ్యమాభ్యాం నమః |
ఓం హ్రైం అనామికాభ్యాం నమః |
ఓం హ్రౌం కనిష్ఠికాభ్యాం నమః |
ఓం హ్రః కరతల కరపృష్ఠాభ్యాం నమః |
అంగన్యాసః
ఓం హ్రాం హృదయాయ నమః |
ఓం హ్రీం శిరసే స్వాహా |
ఓం హ్రూం శిఖాయై వషట్ |
ఓం హ్రైం కవచాయ హుమ్ |
ఓం హ్రౌం నేత్రత్రయాయ వౌషట్ |
ఓం హ్రః అస్త్రాయ ఫట్ |
భూర్భువస్సువరోమితి దిగ్బంధః |
ధ్యానం
కోదండం సశరం భుజేన భుజగేంద్రభోగా భాసావహన్
వామేనచ్ఛురికాం విభక్షలనే పక్షేణ దక్షేణ చ |
కాంత్యా నిర్జిత నీరదః పురభిదః క్రీడన్కిరాతాకృతే
పుత్రోస్మాకమనల్ప నిర్మలయా చ నిర్మాతు శర్మానిశమ్ ||
స్తోత్రం
ప్రత్యర్థివ్రాతవక్షఃస్థలరుధిరసురాపానమత్తా పృషత్కం
చాపే సంధాయ తిష్ఠన్ హృదయసరసిజే మామకే తాపహం తమ్ |
పింఛోత్తంసః శరణ్యః పశుపతితనయో నీరదాభః ప్రసన్నో
దేవః పాయాదపాయాచ్ఛబరవపురసౌ సావధానః సదా నః || ౧ ||
ఆఖేటాయ వనేచరస్య గిరిజాసక్తస్య శంభోః సుతః
త్రాతుం యో భువనం పురా సమజని ఖ్యాతః కిరాతాకృతిః |
కోదండక్షురికాధరో ఘనరవః పింఛావతంసోజ్జ్వలః
స త్వం మామవ సర్వదా రిపుగణత్రస్తం దయావారిధే || ౨ ||
యో మాం పీడయతి ప్రసహ్యా సతతం దేహీత్యనన్యాశ్రయం
భిత్వా తస్య రిపోరురః క్షురికయా శాతాగ్రయా దుర్మతేః |
దేవ త్వత్కరపంకజోల్లసితయా శ్రీమత్కిరాతాకృతేః
తత్ప్రాణాన్వితరాంతకాయ భగవన్ కాలారిపుత్రాంజసా || ౩ ||
విద్ధో మర్మసు దుర్వచోభిరసతాం సంతప్తశల్యోపమైః
దృప్తానాం ద్విషతామశాంతమనసాం ఖిన్నోఽస్మి యావద్భృశమ్ |
తావత్త్వం క్షురికాశరాసనధరశ్చిత్తే మమావిర్భవన్
స్వామిన్ దేవ కిరాతరూప శమయ ప్రత్యర్థిగర్వం క్షణాత్ || ౪ ||
హర్తుం విత్తమధర్మతో మమ రతాశ్చోరాశ్చ యే దుర్జనా-
-స్తేషాం మర్మసు తాడయాశు విశిఖైస్త్వత్కార్ముకాన్నిఃసృతైః |
శాస్తారం ద్విషతాం కిరాతవపుషం సర్వార్థదం త్వామృతే
పశ్యామ్యత్ర పురారిపుత్ర శరణం నాన్యం ప్రపన్నోఽస్మ్యహమ్ || ౫ ||
యక్షః ప్రేతపిశాచభూతనివహాః దుఃఖప్రదా భీషణాః
బాధంతే నరశోణితోత్సుకధియో యే మాం రిపుప్రేరితాః |
చాపజ్యానినదైస్త్వమీశ సకలాన్ సంహృత్య దుష్టగ్రహాన్
గౌరీశాత్మజ దైవతేశ్వర కిరాతాకార సంరక్ష మామ్ || ౬ ||
దోగ్ధుం యే నిరతాస్త్వమద్య పదపద్మైకాంతభక్తాయ మే
మాయాచ్ఛన్నకలేబరాశ్రువిషదానాద్యైః సదా కర్మభిః |
వశ్యస్తంభనమారణాదికుశలప్రారంభదక్షానరీన్
దుష్టాన్ సంహర దేవదేవ శబరాకార త్రిలోకేశ్వర || ౭ ||
తన్వా వా మనసా గిరాపి సతతం దోషం చికీర్షత్యలం
త్వత్పాదప్రణతస్య నిరపరాధస్యాపి యే మానవాః |
సర్వాన్ సంహర తాన్ గిరీశసుత మే తాపత్రయౌఘానపి
త్వామేకం శబరాకృతే భయహరం నాథం ప్రపన్నోఽస్మ్యహమ్ || ౮ ||
క్లిష్టో రాజభటైస్తదాపి పరిభూతోఽహం కులైర్వైరిభి-
-శ్చాన్యైర్ఘోరతరైర్విపజ్జలనిధౌ మగ్నోఽస్మి దుఃఖాతురమ్ |
హా హా కింకరవై విభో శబరవేషం త్వామభీష్టార్థదం
వందేఽహం పరదైవతం కురు కృపానాథార్తబంధో మయి || ౯ ||
స్తోత్రం యః ప్రజపేత్ ప్రశాంతకరణైర్నిత్యం కిరాతాష్టకం
స క్షిప్రం వశగాన్ కరోతి నృపతీనాబద్ధవైరానపి |
సంహృత్యాత్మవిరోధినః ఖిలజనాన్ దుష్టగ్రహానప్యసౌ
యాత్యంతే యమదూతభీతిరహితో దివ్యాం గతిం శాశ్వతీమ్ || ౧౦ ||
ఇతి శ్రీ కిరాతాష్టకం ||
śrī kirātāṣṭakam
asya śrī-kirāta-śastur-mahāmantrasya rēmanta r̥ṣiḥ dēvī gāyatrī chandaḥ śrī kirāta śāstā dēvatā, hrāṃ bījaṃ, hrīṃ śaktiḥ, hrūṃ kīlakaṃ, śrī kirāta śastu prasāda siddhyarthē japē viniyōgaḥ |
Karanyāsaḥ
ōṃ hrāṃ aṅguṣṭhābhyāṃ namaḥ |
ōṃ hrīṃ tarjanībhyāṃ namaḥ |
ōṃ hrūṃ madhyamābhyāṃ namaḥ |
ōṃ hrāiṃ anāmikābhyāṃ namaḥ |
ōṃ hrāuṃ kaniṣṭhikābhyāṃ namaḥ |
ōṃ hraḥ karatala karapr̥ṣṭhābhyāṃ namaḥ |
Aṅganyāsaḥ
ōṃ hrāṃ hr̥dayāya namaḥ |
ōṃ hrīṃ śirasē svāhā |
ōṃ hrūṃ śikhāyai vaṣaṭ |
ōṃ hrāiṃ kavacāya hum |
ōṃ hrāuṃ nētratrayāya vauṣaṭ |
ōṃ hraḥ astrāya phaṭ |
bhūrbhuvassuvarōmiti digbandhaḥ |
Dhyānam
kōdaṇḍaṃ saśaraṃ bhujēna bhujagēndrabhōgā bhāsāvahan
vāmēnacchurikāṃ vibhakṣalanē pakṣēṇa dakṣēṇa ca |
kāntyā nirjita nīradaḥ purabhidaḥ krīḍankirātākr̥tē
putrōsmākam-analpa nirmalayā ca nirmātu śarmāniśam ||
Stōtram
pratyarthivrātavakṣaḥsthalarudhirasurāpānamattā pr̥ṣatkaṃ
cāpē sandhāya tiṣṭhan hr̥dayasarasijē māmakē tāpahaṃ tam |
piñchōttamsaḥ śaraṇyaḥ paśupatitanayō nīradābhaḥ prasannō
dēvaḥ pāyādapāyācchabaravapurasāu sāvadhānaḥ sadā naḥ || 1 ||
ākhēṭāya vanēcarasya girijāsaktasya śambhōḥ sutaḥ
trātuṃ yō bhuvanaṃ purā samajani khyātaḥ kirātākr̥tiḥ |
kōdaṇḍakṣurikādharō ghanaravaḥ piñchāvatamsōjjvalaḥ
sa tvaṃ māmava sarvadā ripugaṇat rastaṃ dayāvāridhē || 2 ||
yō māṃ pīḍayati prasahya satataṃ dēhītyananyāśrayaṃ
bhitvā tasya ripōruraḥ kṣurikayā śātāgrayā durmatēḥ |
dēva tvat-karaparkajōllasitayā śrīmatkirātākr̥tēḥ
tatprāṇānvitarāntakāya bhagavan kālāri-putrāñjasā || 3 ||
viddhō marmasu durvacōbhirasatāṃ santaptaśalyōpamāiḥ
dr̥ptānāṃ dviṣatāmaśāntamanasāṃ khinnō'smi yāvadbhr̥śam |
tāvattvaṃ kṣurikāśarāsanadharaścittē mamāvirbhavan
svāmin dēva kirātarūpa śamaya pratyarthigarvaṃ kṣaṇāt || 4 ||
hartuṃ vittamadharmatō mama ratāścōrāśca yē durjanā-
-stēṣāṃ marmasu tāḍayāśu viśikhāistvatkārmukānniḥsr̥tāiḥ |
śāstāraṃ dviṣatāṃ kirātavapuṣaṃ sarvārthadaṃ tvāmr̥tē
paśyāmyatra purāriputra śaraṇaṃ nānyaṃ prapannō'smyaham || 5 ||
yakṣaḥ prētapśācabhūtaniivahāḥ duḥkhapradā bhīṣaṇāḥ
bādhantē naraśōṇitōtsukadhiyō yē māṃ ripup rēritāḥ |
cāpajyāninadāistvamīśa sakalān saṃhr̥tya duṣṭagrahān
gaurīśātmaja dāivatēśvara kirātākāra saṃrakṣa mām || 6 ||
dōgdhuṃ yē niratāstvamadya padapadmāikāntabhaktāya mē
māyācchannakalēbarāśruviṣadānādyāiḥ sadā karmabhiḥ |
vaśyastambhanamāraṇādikuśalaprārambhadakṣānarīn
duṣṭān saṃhara dēvadēva śabarākāra trilōkēśvara || 7 ||
tanvā vā manasā girāpi satataṃ dōṣaṃ cikīrṣatyalaṃ
tvat-pādapraṇatasya niraparādhasyāpi yē mānavāḥ |
sarvān saṃhara tān girīśasuta mē tāpatrayāughānapi
tvāmēkaṃ śabarākr̥tē bhayaharaṃ nāthaṃ prapannō'smyaham || 8 ||
kliṣṭō rājabhaṭāistadāpi paribhūtō'haṃ kulāirvāiribhi-
-ścānyāirghōratarāirvipaj-jalānidhāu maggnō'smi duḥkhāturam |
hā hā kiṅkaravāi vibhō śabaravēṣaṃ tvāmabhīṣṭārthadaṃ
vandē'haṃ paradāivataṃ kuru kr̥pānāthārtabandhō mayi || 9 ||
stōtraṃ yaḥ prajapēt praśāntakaraṇāirnityaṃ kirātāṣṭakaṃ
sa kṣipraṃ vaśagān karōti nr̥patīnābaddhavāirānapi |
saṃhr̥tyātmanivirdhinaḥ khilajanān duṣṭagrahānapyasāu
yātyantē yamadūtabhītarahitō divyāṃ gatiṃ śāśvatīm || 10 ||
iti śrī kirātāṣṭakam ||