శ్రీ కిరాత వారాహీ స్తోత్రం
న్యాసం: అస్య శ్రీ కిరాత వారాహీ స్తోత్ర మహామంత్రస్య – దూర్వాసో భగవాన్ ఋషిః – అనుష్టుప్ ఛందః – శ్రీ కిరాత వారాహీ ముద్రారూపిణీ దేవతా – హుం బీజం – రం శక్తిః – క్లీం కీలకం – మమ సర్వశత్రుక్షయార్థం శ్రీ కిరాత వారాహీ స్తోత్రజపే వినియోగః |
ధ్యానం
ఉగ్రరూపాం మహాదేవీం శత్రునాశనతత్పరాం |
క్రూరాం కిరాతవారాహీం వందేహం కార్యసిద్ధయే || ౧ ||
స్తోత్రం
స్వాపహీనాం మదాలస్యామప్రమత్తామతామసీం |
దంష్ట్రాకరాళవదనాం వికృతాస్యాం మహారవాం || ౨ ||
ఊర్ధ్వకేశీముగ్రధరాం సోమసూర్యాగ్నిలోచనాం |
లోచనాగ్నిస్ఫులింగాద్యైర్భస్మీకృత్వాజగత్త్రయం || ౩ ||
జగత్త్రయం మోదయంతీమట్టహాసైర్ముహుర్ముహుః |
ఖడ్గం చ ముసలం చైవ పాశం శోణితపాత్రకం || ౪ ||
దధతీం పంచశాఖైః స్వైః స్వర్ణాభరణభూషితాం |
గుంజామాలాం శంఖమాలాం నానారత్నవిభూషితాం || ౫ ||
వైరిపత్నీకంఠసూత్రచ్ఛేదనక్షురరూపిణీం |
క్రోధోద్ధతాం ప్రజాహంతృ క్షురికే వస్థితాం సదా || ౬ ||
జితరంభోరుయుగళాం రిపుసంహారతాండవీం |
రుద్రశక్తిం పరాం వ్యక్తామీశ్వరీం పరదేవతాం || ౭ ||
విభజ్య కంఠదంష్ట్రాభ్యాం పిబంతీమసృజం రిపోః |
గోకంఠమివ శార్దూలో గజకంఠం యథా హరిః || ౮ ||
కపోతాయాశ్చ వారాహీ పతత్యశనయా రిపౌ |
సర్వశత్రుం చ శుష్యంతీ కంపంతీ సర్వవ్యాధయః || ౯ ||
విధివిష్ణుశివేంద్రాద్యా మృత్యుభీతిపరాయణాః |
ఏవం జగత్త్రయక్షోభకారకక్రోధసంయుతాం || ౧౦ ||
సాధకానాం పురః స్థిత్వా ప్రవదంతీం ముహుర్ముహుః |
ప్రచరంతీం భక్షయామి తపస్సాధకతే రిపూన్ || ౧౧ ||
తేపి యానో బ్రహ్మజిహ్వా శత్రుమారణతత్పరాం |
త్వగసృఙ్మాంసమేదోస్థిమజ్జాశుక్లాని సర్వదా || ౧౨ ||
భక్షయంతీం భక్తశత్రో రచిరాత్ప్రాణహారిణీం |
ఏవంవిధాం మహాదేవీం యాచేహం శత్రుపీడనం || ౧౩ ||
శత్రునాశనరూపాణి కర్మాణి కురు పంచమి |
సర్వశత్రువినాశార్థం త్వామహం శరణం గతః || ౧౪ ||
తస్మాదవశ్యం శత్రూణాం వారాహి కురు నాశనం |
పాతుమిచ్ఛామి వారాహి దేవి త్వం రిపుకర్మతః || ౧౫ ||
మారయాశు మహాదేవీ తత్కథాం తేన కర్మణా |
ఆపదశత్రుభూతాయా గ్రహోత్థా రాజకాశ్చ యాః || ౧౬ ||
నానావిధాశ్చ వారాహి స్తంభయాశు నిరంతరం |
శత్రుగ్రామగృహాన్దేశాన్రాష్ట్రాన్యపి చ సర్వదా || ౧౭ ||
ఉచ్చాటయాశు వారాహి వృకవత్ప్రమథాశు తాన్ |
అముకాముకసంజ్ఞాంశ్చ శత్రూణాం చ పరస్పరం || ౧౮ ||
విద్వేషయ మహాదేవి కుర్వంతం మే ప్రయోజనం |
యథా నశ్యంతి రిపవస్తథా విద్వేషణం కురు || ౧౯ ||
యస్మిన్ కాలే రిపుస్తంభం భక్షణాయ సమర్పితం |
ఇదానీమేవ వారాహి భుంక్ష్వేదం కాలమృత్యువత్ || ౨౦ ||
మాం దృష్ట్వా యే జనా నిత్యం విద్వేషంతి హసంతి చ |
దూషయంతి చ నిందంతి వారాహ్యేతాన్ ప్రమారయ || ౨౧ ||
హంతు తే ముసలః శత్రూన్ అశనేః పతనాదివ |
శత్రుదేహాన్ హలం తీక్ష్ణం కరోతు శకలీకృతాన్ || ౨౨ ||
హంతు గాత్రాణి శత్రూణాం దంష్ట్రా వారాహి తే శుభే |
సింహదంష్ట్రైః పాదనఖైర్హత్వా శత్రూన్ సుదుస్సహాన్ || ౨౩ ||
పాదైర్నిపీడ్య శత్రూణాం గాత్రాణి మహిషో యథా |
తాంస్తాడయంతీ శృంగాభ్యాం రిపుం నాశయ మేధునా || ౨౪ ||
కిముక్తైర్బహుభిర్వాక్యైరచిరాచ్ఛత్రునాశనం |
కురు వశ్యం కురు కురు వారాహి భక్తవత్సలే || ౨౫ ||
ఏతత్కిరాతవారాహ్యం స్తోత్రమాపన్నివారణం |
మారకం సర్వశత్రూణాం సర్వాభీష్టఫలప్రదం || ౨౬ ||
త్రిసంధ్యం పఠతే యస్తు స్తోత్రోక్త ఫలమశ్నుతే |
ముసలేనాథ శత్రూంశ్చ మారయంతి స్మరంతి యే || ౨౭ ||
తార్క్ష్యారూఢాం సువర్ణాభాం జపేత్తేషాం న సంశయః |
అచిరాద్దుస్తరం సాధ్యం హస్తేనాకృష్య దీయతే || ౨౮ ||
ఏవం ధ్యాయేజ్జపేద్దేవీమాకర్షణఫలం లభేత్ |
అశ్వారూఢాం రక్తవర్ణాం రక్తవస్త్రాద్యలంకృతామ్ || ౨౯ ||
ఏవం ధ్యాయేజ్జపేద్దేవీం జనవశ్యమాప్నుయాత్ |
దంష్ట్రాధృతభుజాం నిత్యం ప్రాణవాయుం ప్రయచ్ఛతి || ౩౦ ||
దూర్వాస్యాం సంస్మరేద్దేవీం భూలాభం యాతి బుద్ధిమాన్ |
సకలేష్టార్థదా దేవీ సాధకస్తత్ర దుర్లభః || ౩౧ ||
ఇతి శ్రీ కిరాత వారాహీ స్తోత్రం సంపూర్ణం ||
śrī kirāta vārāhī stōtram
Nyāsam: asya śrī kirāta vārāhī stōtra mahāmantrasya – dūrvāsō bhagavān r̥ṣiḥ – anuṣṭup chandaḥ – śrī kirāta vārāhī mudrārūpiṇī dēvatā – huṃ bījaṃ – raṃ śaktiḥ – klīṃ kīlakaṃ – mama sarvaśatrukṣayārthaṃ śrī kirāta vārāhī stōtrajapē viniyōgaḥ |
Dhyānam
ugrarūpāṃ mahādēvīṃ śatrunāśanatatparām |
krūrāṃ kirātavārāhīṃ vandēhaṃ kāryasiddhayē || 1 ||
Stōtram
svāpahīnāṃ madālasyāmapramattāmatāmasīm |
daṃṣṭrākārāḷavadanāṃ vikr̥tāsyāṃ mahāravām || 2 ||
ūrdhvakēśīmugradharāṃ sōmasūryāgnilōcanām |
lōcanāgnisphuliṅgādyāirbhasmīkr̥tvājagattrayam || 3 ||
jagattrayaṃ mōdayantīmaṭṭahāsāirmuhurmuhuḥ |
khaḍgaṃ ca musalaṃ cāiva pāśaṃ śōṇitapātrakam || 4 ||
dadhatīṃ pañcaśākhāiḥ svāiḥ svarṇābharaṇabhūṣitām |
guñjāmālāṃ śaṅkhamālāṃ nānāratnavibhūṣitām || 5 ||
vairīpatnīkaṇṭhasūtracchēdanakṣurarūpiṇīm |
krōdhōddhatāṃ prajāhantr̥ kṣurikē vasthitāṃ sadā || 6 ||
jitarambhōruyugaḷāṃ ripusanhāratāṇḍavīm |
rudraśaktiṃ parāṃ vyaktāmīśvarīṃ paradēvatām || 7 ||
vibhajya kaṇṭhadaṃṣṭrābhyāṃ pibantīmasr̥jaṃ ripōḥ |
gōkaṇṭhamiva śārdūlō gajakaṇṭhaṃ yathā hariḥ || 8 ||
kapōtāyāśca vārāhī patatyāśanayā ripāu |
sarvaśatruṃ ca śuష్యntī kampantī sarvavyādhayaḥ || 9 ||
vidhiviṣṇuśivēndrādyā mr̥tyubhītiparāyaṇāḥ |
ēvaṃ jagattrayakṣōbhakārakakrōdhasamyutām || 10 ||
sāadhakānāṃ puraḥ sthitvā pravadantīṃ muhurmuhuḥ |
pracarantīṃ bhakṣayāmi tapassādhakatē ripūn || 11 ||
tēpi yānō brahmajihvā śatrumāraṇatatparām |
tvagasr̥ṅmāṃsamēdōsthimajjāśuklāni sarvadā || 12 ||
bhakṣayantīṃ bhaktaśatrō racirātprāṇahāriṇīm |
ēvamvidhāṃ mahādēvīṃ yācēhaṃ śatrupīḍanam || 13 ||
śatrunāśanarūpāṇi karmāṇi kuru pañcami |
sarvaśatruvīnāśārthaṃ tvāmahaṃ śaraṇaṃ gataḥ || 14 ||
tasmādavaśyaṃ śatrūṇāṃ vārāhi kuru nāśanaṃ |
pātumicchāmi vārāhi dēvi tvaṃ ripukarmataḥ || 15 ||
mārayāśu mahādēvī tatkathāṃ tēna karmaṇā |
āpadaśatrubhūtāyā grahōtthā rājakāśca yāḥ || 16 ||
nānāvidhāśca vārāhi stambhayāśu nirantaraṃ |
śatruగ్రాmagr̥hāndēśānrāṣṭrānyapi ca sarvadā || 17 ||
uccāṭayāśu vārāhi vr̥kavat-pramathāśu tān |
amukāmukasaṃjñāṃśca śatrūṇāṃ ca parasparam || 18 ||
vidvēṣaya mahādēvi kurvantaṃ mē prayōjanam |
yathā naśyanti ripavastathā vidvēṣaṇaṃ kuru || 19 ||
yasmin kālē ripustambhaṃ bhakṣaṇāya samarpitaṃ |
idānīmēva vārāhi bhuṅkṣvēdaṃ kālamr̥tyuvat || 20 ||
māṃ dr̥ṣṭvā yē janā nityaṃ vidvēṣanti hasanti ca |
dūṣayanti ca nindanti vārāhyētān pramāraya || 21 ||
hantu tē musalaḥ śatrūn aśanēḥ patanādiva |
śatrudēhān halaṃ tīkṣṇaṃ karōtu śakalīkr̥tān || 22 ||
hantu gātrāṇi śatrūṇāṃ daṃṣṭrā vārāhi tē śubhē |
siṃhadaṃṣṭrāiḥ pādanakhāirhatvā śatrūn sudussahān || 23 ||
pādāirnipīḍya śatrūṇāṃ gātrāణి mahiṣō yathā |
tāṃstāḍayantī śr̥ṅgābhyāṃ ripuṃ nāśaya mēdhunā || 24 ||
kimuktair-bahubhir-vākyāir-acirācchatru-nāśanam |
kuru vaśyaṃ kuru kuru vārāhi bhaktavatsalē || 25 ||
ētat-kirātavārāhyaṃ stōtramāpannivāraṇam |
mārakaṃ sarvaśatrūṇāṃ sarvābhīṣṭaphalapradam || 26 ||
trisandhyaṃ paṭhatē yastu stōtrōkta phalamaśnutē |
musalēnātha śatrūṃśca mārayanti smaranti yē || 27 ||
tārkṣyārūḍhāṃ suvarṇābhāṃ japēttēṣāṃ na saṃśayaḥ |
acirād-dustaraṃ sādhyaṃ hastēnākr̥ṣya dీyatē || 28 ||
ēvaṃ dhyāyēj-japēd-dēvīm-ākarṣaṇaphalaṃ labhēt |
aśvārūḍhāṃ raktavarṇāṃ raktవstrādyalaṅkr̥tām || 29 ||
ēvaṃ dhyāyēj-japēd-dēvīṃ janavaśyamāpnuyāt |
daṃṣṭrādhr̥tabhujāṃ nityaṃ prāṇavāyuṃ prayacchati || 30 ||
dūrvāsyāṃ saṃsmarēd-dēvīṃ bhūlābhaṃ yāti buddhimān |
sakalēṣṭārthadā dēvi sādhakastatra durlabhaḥ || 31 ||
iti śrī kirāta vārāhī stōtraṃ sampūrṇam ||