అస్య శ్రీకేతుకవచస్తోత్ర మహామన్త్రస్య పురన్దర ఋషిః అనుష్టుప్ఛన్దః కేతుర్దేవతా కం బీజం నమః శక్తిః కేతురితి కీలకమ్ మమ కేతుకృత పీడా నివారణార్థే సర్వరోగనివారణార్థే సర్వశత్రువినాశనార్థే సర్వకార్యసిద్ధ్యర్థే కేతుప్రసాదసిద్ధ్యర్థే జపే వినియోగః |
ధ్యానం
ధూమ్రవర్ణం ధ్వజాకారం ద్విభుజం వరదాంగదమ్
చిత్రామ్బరధరం కేతుం చిత్రగన్ధానులేపనమ్ |
వైడూర్యాభరణం చైవ వైడూర్య మకుటం ఫణిమ్
చిత్రంకఫాధికరసం మేరుం చైవాప్రదక్షిణమ్ ||
కేతుం కరాలవదనం చిత్రవర్ణం కిరీటినమ్ |
ప్రణమామి సదా దేవం ధ్వజాకారం గ్రహేశ్వరమ్ || ౧ ||
కవచం
చిత్రవర్ణః శిరః పాతు ఫాలం మే ధూమ్రవర్ణకః |
పాతు నేత్రే పిఙ్గలాక్షః శ్రుతీ మే రక్తలోచనః || ౨ ||
ఘ్రాణం పాతు సువర్ణాభో ద్విభుజం సింహికాసుతః |
పాతు కణ్ఠం చ మే కేతుః స్కన్ధౌ పాతు గ్రహాధిపః || ౩ ||
బాహూ పాతు సురశ్రేష్ఠః కుక్షిం పాతు మహోరగః |
సింహాసనః కటిం పాతు మధ్యం పాతు మహాసురః || ౪ ||
ఊరూ పాతు మహాశీర్షో జానునీ చ ప్రకోపనః |
పాతు పాదౌ చ మే రౌద్రః సర్వాఙ్గం రవిమర్దకః || ౫ ||
ఫలశ్రుతిః
ఇదం చ కవచం దివ్యం సర్వరోగవినాశనమ్ |
సర్వదుఃఖవినాశం చ సత్యమేతన్నసంశయః || ౬ ||
ఇతి పద్మపురాణే కేతు కవచం |