శ్రీ కాళీ హృదయం
శ్రీ మహాకాల ఉవాచ |
మహాకౌతూహలస్తోత్రం హృదయాఖ్యం మహోత్తమమ్ |
శృణు ప్రియే మహాగోప్యం దక్షిణాయాః సుగోపితమ్ || ౧ ||
అవాచ్యమపి వక్ష్యామి తవ ప్రీత్యా ప్రకాశితమ్ |
అన్యేభ్యః కురు గోప్యం చ సత్యం సత్యం చ శైలజే || ౨ ||
శ్రీ దేవ్యువాచ |
కస్మిన్యుగే సముత్పన్నం కేన స్తోత్రం కృతం పురా |
తత్సర్వం కథ్యతాం శంభో మహేశ్వర దయానిధే || ౩ ||
శ్రీ మహాకాల ఉవాచ |
పురా ప్రజాపతేః శీర్షచ్ఛేదనం కృతవానహమ్ |
బ్రహ్మహత్యాకృతైః పాపైర్భైరవత్వం మమాగతమ్ || ౪ ||
బ్రహ్మహత్యావినాశాయ కృతం స్తోత్రం మయా ప్రియే |
కృత్యారినాశకం స్తోత్రం బ్రహ్మహత్యాపహారకమ్ || ౫ ||
మంత్రం: ఓం అస్య శ్రీ దక్షిణకాళీ హృదయ స్తోత్ర మహామంత్రస్య శ్రీమహాకాల ఋషిః | ఉష్ణిక్ఛందః | శ్రీదక్షిణకాళికా దేవతా | క్రీం బీజం | హ్రీం శక్తిః | నమః కీలకం | సర్వపాపక్షయార్థే జపే వినియోగః ||
కరన్యాసః:
ఓం క్రాం అంగుష్ఠాభ్యాం నమః |
ఓం క్రీం తర్జనీభ్యాం నమః |
ఓం క్రూం మధ్యమాభ్యాం నమః |
ఓం క్రైం అనామికాభ్యాం నమః |
ఓం క్రౌం కనిష్ఠకాభ్యాం నమః |
ఓం క్రః కరతలకరపృష్ఠాభ్యాం నమః |
అంగన్యాసః:
ఓం క్రాం హృదయాయ నమః |
ఓం క్రీం శిరసే స్వాహా |
ఓం క్రూం శిఖాయై వషట్ |
ఓం క్రైం కవచాయ హుం |
ఓం క్రౌం నేత్రత్రయాయ వౌషట్ |
ఓం క్రః అస్త్రాయ ఫట్ ||
ధ్యానమ్
ధ్యాయేత్కాళీం మహామాయాం త్రినేత్రాం బహురూపిణీమ్ |
చతుర్భుజాం లలజ్జిహ్వాం పూర్ణచంద్రనిభాననామ్ || ౧ ||
నీలోత్పలదళప్రఖ్యాం శత్రుసంఘవిదారిణీమ్ |
వరముండం తథా ఖడ్గం ముసలం వరదం తథా || ౨ ||
బిభ్రాణాం రక్తవదనాం దంష్ట్రాళీం ఘోరరూపిణీమ్ |
అట్టాట్టహాసనిరతాం సర్వదా చ దిగంబరామ్ || ౩ ||
శవాసనస్థితాం దేవీం ముండమాలావిభూషితామ్ |
ఇతి ధ్యాత్వా మహాదేవీం తతస్తు హృదయం పఠేత్ || ౪ ||
ఓం కాళికా ఘోరరూపాఽద్యా సర్వకామఫలప్రదా |
సర్వదేవస్తుతా దేవీ శత్రునాశం కరోతు మే || ౫ ||
హ్రీంహ్రీంస్వరూపిణీ శ్రేష్ఠా త్రిషు లోకేషు దుర్లభా |
తవ స్నేహాన్మయా ఖ్యాతం న దేయం యస్య కస్యచిత్ || ౬ ||
అథ ధ్యానం ప్రవక్ష్యామి నిశామయ పరాత్మికే |
యస్య విజ్ఞానమాత్రేణ జీవన్ముక్తో భవిష్యతి || ౭ ||
నాగయజ్ఞోపవీతాం చ చంద్రార్ధకృతశేఖరామ్ |
జటాజూటాం చ సంచింత్య మహాకాళసమీపగామ్ || ౮ ||
ఏవం న్యాసాదయః సర్వే యే ప్రకుర్వంతి మానవాః |
ప్రాప్నువంతి చ తే మోక్షం సత్యం సత్యం వరాననే || ౯ ||
యంత్రం శృణు పరం దేవ్యాః సర్వాభీష్టప్రదాయకమ్ |
గోప్యాద్గోప్యతరం గోప్యం గోప్యాద్గోప్యతరం మహత్ || ౧౦ ||
త్రికోణం పంచకం చాష్టకమలం భూపురాన్వితమ్ |
ముండపంక్తిం చ జ్వాలాం చ కాళీయంత్రం సుసిద్ధిదమ్ || ౧౧ ||
మంత్రం తు పూర్వం కథితం ధారయస్వ సదా ప్రియే |
దేవ్యా దక్షిణకాళ్యాస్తు నామమాలాం నిశామయ || ౧౨ ||
కాళీ దక్షిణకాళీ చ కృష్ణరూపా పరాత్మికా |
ముండమాలీ విశాలాక్షీ సృష్టిసంహారకారిణీ || ౧౩ ||
స్థితిరూపా మహామాయా యోగనిద్రా భగాత్మికా |
భగసర్పిఃపానరతా భగధ్యేయా భగాంగజా || ౧౪ ||
ఆద్యా సదా నవా ఘోరా మహాతేజాః కరాళికా |
ప్రేతవాహా సిద్ధిలక్ష్మీరనిరుద్ధా సరస్వతీ || ౧౫ ||
నామాన్యేతాని సుభగే యే పఠంతి దినే దినే |
తేషాం దాసస్య దాసోఽహం సత్యం సత్యం మహేశ్వరి || ౧౬ ||
ఓం కాళీం కాళహరాం దేవీం కంకాళీం బీజరూపిణీం |
కాలరూపాం కలాతీతాం కాళికాం దక్షిణాం భజే || ౧౭ ||
కుండగోళప్రియాం దేవీం స్వయంభూతాం సుమప్రియాం |
రతిప్రియాం మహారౌద్రీం కాళికాం ప్రణమామ్యహమ్ || ౧౮ ||
dూతీప్రియాం మహాదూతీం దూతియోగేశ్వరీం పరాం |
దూతోయోగోద్భవరతాం దూతీరూపాం నమామ్యహమ్ || ౧౯ ||
క్రీంమంత్రేణ జలం జప్త్వా సప్తధా సేచనేన తు |
సర్వరోగా వినశ్యంతి నాత్ర కార్యా విచారణా || ౨౦ ||
క్రీంస్వాహాంతైర్మహామంత్రైశ్చందనం సాధయేత్తతః |
తిలకం క్రియతే ప్రాజ్ఞైర్లోకోవశ్యో భవేత్సదా || ౨౧ ||
క్రీం హ్రూం హ్రీం మంత్రజాపేన చాక్షతం సప్తభిః ప్రియే |
మహాభయవినాశశ్చ జాయతే నాత్ర సంశయః || ౨౨ ||
క్రీం హ్రీం హ్రూం స్వాహా మంత్రేణ శ్మశానే భస్మ మంత్రయేత్ |
శత్రోర్గృహే ప్రతిక్షిప్త్వా శత్రోర్మృత్యుర్భవిష్యతి || ౨౩ ||
హ్రూం హ్రీం క్రీం చైవ ఉచ్చాటే పుష్పం సంశోధ్య సప్తధా |
రిపూణాం చైవ చోచ్చాటం నయత్యేవ న సంశయః || ౨౪ ||
ఆకర్షణే చ క్రీం క్రీం క్రీం జప్త్వాఽక్షతం ప్రతిక్షిపేత్ |
సహస్రయోజనస్థా చ శీఘ్రమాగచ్ఛతి ప్రియే || ౨౫ ||
క్రీం క్రీం క్రీం హ్రూం హ్రూం హ్రీం హ్రీం చ కజ్జలం శోధితం తథా |
తిలకేన జганమోహః సప్తధా మంత్రమాచరేత్ || ౨౬ ||
హృదయం పరమేశాని సర్వపాపహరం పరమ్ |
అశ్వమేధాదియజ్ఞానాం కోటి కోటి గుణోత్తరమ్ || ౨౭ ||
కన్యాదానాది దానానాం కోటి కోటిగుణం ఫలమ్ |
dూతీయాగాది యాగానాం కోటి కోటి ఫలం స్మృతమ్ || ౨౮ ||
గంగాదిసర్వతీర్థానాం ఫలం కోటిగుణం స్మృతమ్ |
ఏకదా పాఠమాత్రేణ సత్యం సత్యం మయోదితమ్ || ౨౯ ||
కౌమారీస్వేష్టరూపేణ పూజాం కృత్వా విధానతః |
పఠేత్ స్తోత్రం మహేశాని జీవన్ముక్తః స ఉచ్యతే || ౩౦ ||
రజస్వలాభగం దృష్ట్వా పఠేదేకాగ్రమానసః |
లభతే పరమం స్థానం దేవీలోకే వరాననే || ౩౧ ||
మహాదుఃఖే మహారోగే మహాసంకటకే దినే |
మహాభయే మహాఘోరే పఠేత్ స్తోత్రం మహోత్తమమ్ |
సత్యం సత్యం పునః సత్యం గోపయేన్మాతృజారవత్ || ౩౨ ||
ఇతి శ్రీ కాళీ హృదయం ||
śrī kāḷī hr̥dayam
śrī mahākāla uvāca |
mahākāutūhala-stōtraṃ hr̥dayākhyaṃ mahōttamam |
ś r̥ṇu priyē mahāgōpyaṃ dakṣiṇāyāḥ sugōpitam || 1 ||
avācyamapi vakṣyāmi tava prītyā prakāśitam |
anyēbhyaḥ kuru gōpyaṃ ca satyaṃ satyaṃ ca śailajē || 2 ||
śrī dēvyuvāca |
kasminyugē samutpannaṃ kēna stōtraṃ k r̥taṃ purā |
tatsarvaṃ kathyatāṃ śambhō mahēśvara dayānidhē || 3 ||
śrī mahākāla uvāca |
purā prajāpatēḥ śīrṣacchēdanaṃ k r̥tavānaham |
brahmahatyāk r̥tāiḥ pāpāirbhāiravatvaṃ mamāgatam || 4 ||
brahmahatyāvināśāya k r̥taṃ stōtraṃ mayā priyē |
k r̥tyārināśakaṃ stōtraṃ brahmahatyāpahārakam || 5 ||
Mantram: ōṃ asya śrī dakṣiṇakāḷī hr̥daya stōtra mahāmantrasya śrī-mahākāla r̥ṣiḥ | uṣṇik-chandaḥ | śrīdakṣiṇakāḷikā dēvatā | krīṃ bījaṃ | hrīṃ śaktiḥ | namaḥ kīlakam | sarvapāpakṣayārthē japē viniyōgaḥ ||
Karanyāsaḥ:
ōṃ krāṃ aṅguṣṭhābhyāṃ namaḥ |
ōṃ krīṃ tarjanībhyāṃ namaḥ |
ōṃ krūṃ madhyamābhyāṃ namaḥ |
ōṃ krāiṃ anāmikābhyāṃ namaḥ |
ōṃ krāuṃ kaniṣṭhakābhyāṃ namaḥ |
ōṃ kraḥ karatala karap r̥ṣṭhābhyāṃ namaḥ |
Aṅganyāsaḥ:
ōṃ krāṃ hr̥dayāya namaḥ |
ōṃ krīṃ śirasē svāhā |
ōṃ krūṃ śikhāyāi vaṣaṭ |
ōṃ krāiṃ kavacāya hum |
ōṃ krāuṃ nētratrayāya vāuṣaṭ |
ōṃ kraḥ astrāya phaṭ ||
Dhyānam
dhyāyētkāḷīṃ mahāmāyāṃ trinētrāṃ bahurūpiṇīm |
caturbhujāṃ lalajjihvāṃ pūrṇacandranibhānanām || 1 ||
nīlōtpaladalaprakhyāṃ śatrusanghavidāriṇīm |
varamuṇḍaṃ tathā khaḍgaṃ musalaṃ varadaṃ tathā || 2 ||
bibhrāṇāṃ raktavadanāṃ daṃṣṭrāḷīṃ ghōrarūpiṇīm |
aṭṭāṭṭahāsaniratāṃ sarvadā ca digambarām || 3 ||
śavāsanasthitāṃ dēvīṃ muṇḍamālāvibhūṣitām |
iti dhyātvā mahādēvīṃ tatastu hr̥dayaṃ paṭhēt || 4 ||
ōṃ kāḷikā ghōrarūpā'dyā sarvakāmaphalapradā |
sarvadēvastutā dēvī śatrunāśaṃ karōtu mē || 5 ||
hrīm-hrīm-svarūpiṇī śrēṣṭhā triṣu lōkēṣu durlabhā |
tava snēhānmayā khyātaṃ na dēyaṃ yasya kasyacit || 6 ||
atha dhyānaṃ pravakṣyāmi niśāmaya parātmikē |
yasya vijñānamātrēṇa jīvanmuktō bhaviṣyati || 7 ||
nāga-yajñōpavītāṃ ca candrārdha-k r̥ta-śēkharām |
jaṭājūṭāṃ ca sañcintya mahākāla-samīpagām || 8 ||
ēvaṃ nyāsādayaḥ sarvē yē prakurvanti mānavāḥ |
p rāpnuvanti ca tē mōkṣaṃ satyaṃ satyaṃ varānanē || 9 ||
yantraṃ ś r̥ṇu paraṃ dēvyāḥ sarvābhīṣṭapradāyakam |
gōpyādgōpyataraṃ gōpyaṃ gōpyādgōpyataraṃ mahat || 10 ||
trikōṇaṃ pañcakaṃ cāṣṭakamalaṃ bhūpurānvitam |
muṇḍapaṅktiṃ ca jvālāṃ ca kāḷīyantraṃ susiddhidam || 11 ||
mantraṃ tu pūrvaṃ kathitaṃ dhārayasva sadā priyē |
dēvyā dakṣiṇakāḷyāstu nāmamālāṃ niśāmaya || 12 ||
kāḷī dakṣiṇakāḷī ca k r̥ṣṇarūpā parātmikā |
muṇḍamālī viśālākṣī s r̥ṣṭisanhārakāriṇī || 13 ||
sthitirūpā mahāmāyā yōganidrā bhagātmikā |
bhagasarpiḥ-pānaratā bhagadhyēyā bhagāṅgajā || 14 ||
ādyā sadā navā ghōrā mahātējāḥ karāḷikā |
prētavāhā siddhilakṣmīraniruddhā sarasvatī || 15 ||
nāmānyētāni subhagē yē paṭhanti dinē dinē |
tēṣāṃ dāsasya dāsō'haṃ satyaṃ satyaṃ mahēśvari || 16 ||
ōṃ kāḷīṃ kāḷaharāṃ dēvīṃ kaṅkāḷīṃ bījarūpiṇīṃ |
kālarūpāṃ kalātītāṃ kāḷikāṃ dakṣiṇāṃ bhajē || 17 ||
kuṇḍagōḷapriyāṃ dēvīṃ svayambhūtāṃ sumapriyāṃ |
ratipriyāṃ mahārāudrīṃ kāḷikāṃ praṇamāmyaham || 18 ||
dūtīpriyāṃ mahādūtīṃ dūtiyōgēśvarīṃ parāṃ |
dūtōyōgōdbhavaratāṃ dūtīrūpāṃ namāmyaham || 19 ||
krīṃ-mantrēṇa jalaṃ japtvā saptadhā sēcunēna tu |
sarvarōgā vinaśyanti nātra kāryā vicāraṇā || 20 ||
krīṃ-svāhāntāir-mahāmantrāiś-candanaṃ sādhayēt-tataḥ |
tilakaṃ kriyatē prājñāirlōkōvaśyō bhavētsadā || 21 ||
krīṃ hrūṃ hrīṃ mantrajāpēna cākṣataṃ saptabhiḥ priyē |
mahābhaya-vināśaśca jāyatē nātra saṃśayaḥ || 22 ||
krīṃ hrīṃ hrūṃ svāhā mantrēṇa śmaśānē bhasma mantrayēt |
śatrōrg r̥hē pratikṣiptvā śatrōrm r̥tyurbhaviṣyati || 23 ||
hrūṃ hrīṃ krīṃ cāiva uccāṭē puṣpaṃ saṃśōdhya saptadhā |
ripūṇāṃ cāiva cōccāṭaṃ nayatyēva na saṃśayaḥ || 24 ||
ākarṣaṇē ca krīṃ krīṃ krīṃ japtvā'kṣataṃ pratikṣipēt |
sahasrayōjanasthā ca śīghramāgacchati priyē || 25 ||
krīṃ krīṃ krīṃ hrūṃ hrūṃ hrīṃ hrīṃ ca kaj jalaṃ śōdhitaṃ tathā |
tilakēna jaganmōhaḥ saptadhā mantramācarēt || 26 ||
hr̥dayaṃ paramēśāni sarvapāpaharaṃ param |
aśvamēdhādiyajñānāṃ kōṭi kōṭi guṇōttaram || 27 ||
kanyādānādi dānānāṃ kōṭi kōṭiguṇaṃ phalam |
dūtīyāgādi yāgānāṃ kōṭi kōṭi phalaṃ sm r̥tam || 28 ||
gaṅgādisarvatīrthānāṃ phalaṃ kōṭiguṇaṃ sm r̥tam |
ēkadā pāṭhamātrēṇa satyaṃ satyaṃ mayōditam || 29 ||
kāumārī-svēṣṭarūpēṇa pūjāṃ k r̥tvā vidhānataḥ |
paṭhēt stōtraṃ mahēśāni jīvanmuktaḥ sa ucyatē || 30 ||
rajasvalābhagaṃ dr̥ṣṭvā paṭhēdēkāgramānasaḥ |
labhatē paramaṃ sthānaṃ dēvīlōkē varānanē || 31 ||
mahāduḥkhē mahārōgē mahāsaṅkaṭakē dinē |
mahābhayē mahāghōrē paṭhēt stōtraṃ mahōttamam |
satyaṃ satyaṃ punaḥ satyaṃ gōpayēnmātr̥jāravat || 32 ||
iti śrī kāḷī hr̥dayam ||