శ్రీ జానకీ జీవనాష్టకం
ఆలోక్య యస్యాతిలలామలీలాం
సద్భాగ్యభాజౌ పితరౌ కృతార్థౌ |
తమర్భకం దర్పణదర్పచౌరం
శ్రీజానకీజీవనమానతోఽస్మి || ౧ ||
శ్రుత్వైవ యో భూపతిమాత్తవాచం
వనం గతస్తేన న నోదితోఽపి |
తం లీలయాహ్లాదవిషాదశూన్యం
శ్రీజానకీజీవనమానతోఽస్మి || ౨ ||
జటాయుషో దీనదశాం విలోక్య
ప్రియావియోగప్రభవం చ శోకమ్ |
యో వై విసస్మార తమార్ద్రచిత్తం
శ్రీజానకీజీవనమానతోఽస్మి || ౩ ||
యో వాలినా ధ్వస్తబలం సుకంఠం
న్యయోజయద్రాజపదే కపీనామ్ |
తం స్వీయసంతాపసుతప్తచిత్తం
శ్రీజానకీజీవనమానతోఽస్మి || ౪ ||
యద్ధ్యాననిర్ధూత వియోగవహ్ని-
ర్విదేహబాలా విబుధారివన్యామ్ |
ప్రాణాన్దధే ప్రాణమయం ప్రభుం తం
శ్రీజానకీజీవనమానతోఽస్మి || ౫ ||
యస్యాతివీర్యాంబుధివీచిరాజౌ
వంశ్యైరహో వైశ్రవణో విలీనః |
తం వైరివిధ్వంసనశీలలీలం
శ్రీజానకీజీవనమానతోఽస్మి || ౬ ||
యద్రూపరాకేశమయూఖమాలా-
నురంజితా రాజరమాపి రేజే |
తం రాఘవేంద్రం విబుధేంద్రవంద్యం
శ్రీజానకీజీవనమానతోఽస్మి || ౭ ||
ఏవం కృతా యేన విచిత్రలీలా
మాయామనుష్యేణ నృపచ్ఛలేన |
తం వై మరాలం మునిమానసానాం
శ్రీజానకీజీవనమానతోఽస్మి || ౮ ||
ఇతి శ్రీ జానకీ జీవనాష్టకం |
śrī jānakī jīvanāṣṭakam
ālōkya yasyātilalāmalīlāṃ
sadbhāgyabhājāu pitarāu k r̥tārthāu |
tamarbhakaṃ darpaṇadarpacāuraṃ
śrījānakījīvanamānatō'smi || 1 ||
śrutvāiva yō bhūpatimāttavācaṃ
vanaṃ gatastēna na nōditō'pi |
taṃ līlayāhlādaviṣādaśūnyaṃ
śrījānakījīvanamānatō'smi || 2 ||
jaṭāyuṣō dīnadāśāṃ vilōkya
priyāviyōgaprabhavaṃ ca śōkam |
yō vāi visasmāra tamārdracittaṃ
śrījānakījīvanamānatō'smi || 3 ||
yō vālinā dhvastabalaṃ sukaṇṭhaṃ
nyayōjayadrājapadē kapīnām |
taṃ svīyasantāpasutaptacittaṃ
śrījānakījīvanamānatō'smi || 4 ||
yaddhyānanirdhūta viyōgavahni-
rvidēhabālā vibudhārivanyām |
prāṇāndadhē prāṇamayaṃ prabhuṃ taṃ
śrījānakījīvanamānatō'smi || 5 ||
yasyātivīryāmbudhivīcirājāu
vaṃśyāirahō vaiśravaṇō vilīnaḥ |
taṃ vairividhvaṃsanaśīlalīlaṃ
śrījānakījīvanamānatō'smi || 6 ||
yadrūparākēśamayūkhamālā-
nurañjitā rājaramāpi rējē |
taṃ rāghavēndraṃ vibudhēndravandyaṃ
śrījānakījīvanamānatō'smi || 7 ||
ēvaṃ k r̥tā yēna vicitralīlā
māyāmanuṣyēṇa n r̥pacchalēna |
taṃ vāi marālaṃ munimānasānāṃ
śrījānakījīvanamānatō'smi || 8 ||
iti śrī jānakī jīvanāṣṭakam |