శ్రీ జగన్నాథాష్టకం
కదాచిత్కాళిందీ తటవిపినసంగీతకవరో
ముదా గోపీనారీవదనకమలాస్వాదమధుపః
రమాశంభుబ్రహ్మాఽమరపతిగణేశాఽర్చితపదో
జగన్నాథస్వామీ నయనపథగామీ భవతు మే || ౧ ||
భుజే సవ్యే వేణుం శిరసి శిఖిపింఛం కటితటే
దుకూలం నేత్రాంతే సహచరకటాక్షం విదధతే |
సదా శ్రీమద్బృందావనవసతిలీలాపరిచయో
జగన్నాథస్వామీ నయనపథగామీ భవతు మే || ౨ ||
మహాంభోధేస్తీరే కనకరుచిరే నీలశిఖరే
వసన్ప్రాసాదాంతః సహజబలభద్రేణ బలినా |
సుభద్రామధ్యస్థః సకలసురసేవావసరదో
జగన్నాథస్వామీ నయనపథగామీ భవతు మే || ౩ ||
కృపాపారావారః సజలజలదశ్రేణిరుచిరో
రమావాణీసోమస్ఫురదమలపద్మోద్భవముఖైః |
సురేంద్రైరారాధ్యః శ్రుతిగణశిఖాగీతచరితో
జగన్నాథస్వామీ నయనపథగామీ భవతు మే || ౪ ||
రథారూఢో గచ్ఛన్పథి మిళితభూదేవపటలైః
స్తుతిప్రాదుర్భావం ప్రతిపదముపాకర్ణ్య సదయః |
దయాసింధుర్బంధుః సకలజగతాం సింధుసుతయా
జగన్నాథస్వామీ నయనపథగామీ భవతు మే || ౫ ||
పరబ్రహ్మాపీడః కువలయదళోత్ఫుల్లనయనో
నివాసీ నీలాద్రౌ నిహితచరణోఽనంతశిరసి |
రసానందో రాధాసరసవపురాలింగనసుఖో
జగన్నాథస్వామీ నయనపథగామీ భవతు మే || ౬ ||
న వై ప్రార్థ్యం రాజ్యం న చ కనకతాం భోగవిభవం
న యాచేఽహం రమ్యాం నిఖిలజనకామ్యాం వరవధూమ్ |
సదా కాలే కాలే ప్రమథపతినా గీతచరితో
జగన్నాథస్వామీ నయనపథగామీ భవతు మే || ౭ ||
హర త్వం సంసారం ద్రుతతరమసారం సురపతే
హర త్వం పాపానాం వితతిమపరాం యాదవపతే |
అహో దీనానాథం నిహితమచలం నిశ్చితపదం
జగన్నాథస్వామీ నయనపథగామీ భవతు మే || ౮ ||
జగన్నాథాష్టకం పుణ్యం యః పఠేత్ప్రయతః శుచి |
సర్వపాపవిశుద్ధాత్మా విష్ణులోకం స గచ్ఛతి ||
ఇతి శ్రీమద్ శంకరాచార్యప్రణీతం జగన్నాథాష్టకం సంపూర్ణం ||
Shri Jagannathashtakam
kadācit-kāḷiṇdī taṭavipina-saṅgītaka-varō
mudā gōpīnārī-vadanakamalā-svādamadhupaḥ |
ramā-śaṃbhu-brahmā’marapati-gaṇēśā’rcitapadō
jagannāthasvāmī nayanapathagāmī bhavatu mē || 1 ||
bhujē savyē vēṇuṃ śirasi śikhipiñchaṃ kaṭitaṭē
dukūlaṃ nētrāṇtē sahacara-kaṭāxaṃ vidadhatē |
sadā śrīmad-br̥ṇdāvana-vasati-līlā-paricayō
jagannāthasvāmī nayanapathagāmī bhavatu mē || 2 ||
mahāṃbhōdhēstīrē kanakarucirē nīlaśikharē
vasan-prāsādāṇtaḥ sahaja-balabhadrēṇa balinā |
subhadrā-madhyasthaḥ sakalasura-sēvāvasaradō
jagannāthasvāmī nayanapathagāmī bhavatu mē || 3 ||
kr̥pāpārāvāraḥ sajalajalada-śrēṇirucirō
ramāvāṇī-sōmasphuradamala-padmōdbhavamukhaiḥ |
surēṇdrairārādhyaḥ śrutigaṇa-śikhāgīta-caritō
jagannāthasvāmī nayanapathagāmī bhavatu mē || 4 ||
rathārūḍhō gacchan-pathi miḷitabhūdēvapaṭalaiḥ
stutiprādurbhāvaṃ pratipadamu-pākaṛṇya sadayaḥ |
dayāsiṇdhurbhaṇduḥ sakala-jagatāṃ siṇdhusutayā
jagannāthasvāmī nayanapathagāmī bhavatu mē || 5 ||
parabrahmapīḍaḥ kuvalayadaḷōtphulla-nayanō
nivāsī nīlādrau nihitacaraṇō’naṇtaśirasi |
rasānaṇdō rādhā-sarasavapuralīṅgana-sukhō
jagannāthasvāmī nayanapathagāmī bhavatu mē || 6 ||
na vai prāṛdhyaṃ rājyaṃ na ca kanakatāṃ bhōgavibhavaṃ
na yācē’haṃ ramyāṃ nikhilajanaka-amyāṃ varavadhūm |
sadā kālē kālē pramathapatinā gītacaritō
jagannāthasvāmī nayanapathagāmī bhavatu mē || 7 ||
hara tvaṃ saṃsāraṃ drutatara-masāraṃ surapatē
hara tvaṃ pāpānāṃ vitatimaparāṃ yādavapatē |
ahō dīnānāthaṃ nihitamacalaṃ niścitapadaṃ
jagannāthasvāmī nayanapathagāmī bhavatu mē || 8 ||
jagannāthāṣṭakaṃ puṇyaṃ yaḥ paṭhētprayatāḥ śuci |
sarvapāpa-viśuddhātmā viṣṇulōkaṃ sa gacchati ||
iti śrīmacchaṅkarācārya-praṇītaṃ jagannāthāṣṭakaṃ saṃpūrṇam ||