శ్రీ జగన్నాథ పంచకం
రక్తాంభోరుహదర్పభంజనమహాసౌందర్యనేత్రద్వయం
ముక్తాహారవిలంబిహేమముకుటం రత్నోజ్జ్వలత్కుండలమ్ |
వర్షామేఘసమాననీలవపుషం గ్రైవేయహారాన్వితం
పార్శ్వే చక్రధరం ప్రసన్నవదనం నీలాద్రినాథం భజే || ౧ ||
ఫుల్లేందీవరలోచనం నవఘనశ్యామాభిరామాకృతిం
విశ్వేశం కమలావిలాసవిలసత్పాదారవిందద్వయమ్ |
దైత్యారిం సకలేందుమండితముఖం చక్రాబ్జహస్తద్వయం
వందే శ్రీపురుషోత్తమం ప్రతిదినం లక్ష్మీనివాసాలయమ్ || ౨ ||
ఉద్యన్నీరదనీలసుందరతనుం పూర్ణేందుబింబాననం
రాజీవోత్పలపత్రనేత్రయుగలం కారుణ్యవారాంనిధిమ్ |
భక్తాంనాం సకలార్తినాశనకరం చింతాబ్ధిచింతామణిం
వందే శ్రీపురుషోత్తమం ప్రతిదినం నీలాద్రిచూడామణిమ్ || ౩ ||
నీలాద్రౌ శంఖమధ్యే శతదలకమలే రత్నసింహాసనస్థం
సర్వాలంకారయుక్తం నవఘనరుచిరం సంయుతం చాగ్రజేన |
భద్రాయా వామభాగే రథచరణయుతం బ్రహ్మరుద్రేంద్రవంద్యం
వేదానాం సారమీశం సుజనపరివృతం బ్రహ్మతాతం స్మరామి || ౪ ||
దోర్భ్యాం శోభితలాంగలం సముసలం కాదంబరీచంచలం
రత్నాఢ్యం వరకుండలం భుజబలేనాక్రాంతభూమండలమ్ |
వజ్రాభామలచారుగండయుగలం నాగేంద్రచూడోజ్జ్వలం
సంగ్రామే చపలం శశాంకధవలం శ్రీకామపాలం భజే || ౫ ||
ఇతి శ్రీ జగన్నాథ పంచకం సమాప్తమ్ |
Shri Jagannatha Panchakam
raktāṃbhōruha-darpa-bhañjana-mahāsauṇdarya-nētradwayaṃ
muktāhāra-vilaṃbi-hēmamukuṭaṃ ratnōjjwalat-kuṇḍalam |
varṣāmēgha-samāna-nīlavapuṣaṃ graivēyahārānvitaṃ
pārśwē cakradharaṃ prasaṇnavadanaṃ nīlādrināthaṃ bhajē || 1 ||
phullēndīvara-lōcanaṃ navaghana-śyāmābhirāmākr̥tiṃ
viśwēśaṃ kamalā-vilāsa-vilasat-pādāraviṇdadwayam |
daityāriṃ sakalēndu-maṇḍitamukhaṃ cakrābjahastadwayaṃ
vaṇdē śrīpuruṣōttamaṃ pratidinaṃ laxmīnivāsālayam || 2 ||
udyannīrada-nīlasuṇdara-tanuṃ pūrṇēṇdu-biṃbānanaṃ
rājīvōtpala-patranētrayugaḷaṃ kāruṇyavārāṃnidhim |
bhaktānāṃ sakalārtināśanakaraṃ ciṇtābdhi-ciṇtāmaṇiṃ
vaṇdē śrīpuruṣōttamaṃ pratidinaṃ nīlādricūḍāmaṇim || 3 ||
nīlādrau śaṅkhamadhyē śatadalakamalē ratnasiṃhāsanastthaṃ
sarvālaṅkārayuktaṃ navaghanaruciraṃ saṃyutaṃ cāgrajēna |
bhadrāyā vāmabhāgē rathacaraṇayutaṃ brahmarudrēṇdravaṇdyaṃ
vēdānāṃ sāramīśaṃ sujanaparivṛtaṃ brahmatātaṃ smarāmi || 4 ||
dōrbhyāṃ śōbhitalāṅgalaṃ samusalaṃ kādaṃbarī-cañcalaṃ
ratnāḍhyaṃ varakuṇḍalaṃ bhujabalēnākrāṇtabhūmaṇḍalam |
vajrābhāmala-cārugaṇḍayugaḷaṃ nāgēṇdra-cūḍōjjwalaṃ
saṅgrāmē capalaṃ śaśāṅka-dhavalaṃ śrīkāmapālaṃ bhajē || 5 ||
iti śrī jagannātha pañcakaṃ samāptam |