శ్రీ ఇంద్రాక్షీ స్తోత్రం
నారద ఉవాచ
ఇంద్రాక్షీస్తోత్రమాఖ్యాహి నారాయణ గుణార్ణవ |
పార్వత్యై శివసంప్రోక్తం పరం కౌతూహలం హి మే ||
నారాయణ ఉవాచ
ఇంద్రాక్షీ స్తోత్ర మంత్రస్య మాహాత్మ్యం కేన వోచ్యతే |
ఇంద్రేణాదౌ కృతం స్తోత్రం సర్వాపద్వినివారణమ్ ||
తదేవాహం బ్రవీమ్యద్య పృచ్ఛతస్తవ నారద |
న్యాసం: అస్య శ్రీ ఇంద్రాక్షీస్తోత్రమహామంత్రస్య, శచీపురందర ఋషిః, అనుష్టుప్ఛందః, ఇంద్రాక్షీ దుర్గా దేవతా, లక్ష్మీర్బీజం, భువనేశ్వరీ శక్తిః, భవానీ కీలకం, మమ ఇంద్రాక్షీ ప్రసాద సిద్ధ్యర్థే జపే వినియోగః |
కరన్యాసః: ఇంద్రాక్ష్యై అంగుష్ఠాభ్యాం నమః | మహాలక్ష్మ్యై తర్జనీభ్యాం నమః | మహేశ్వర్యై మధ్యమాభ్యాం నమః | అంబుజాక్ష్యై అనామికాభ్యాం నమః | కాత్యాయన్యై కనిష్ఠికాభ్యాం నమః | కౌమార్యై కరతలకరపృష్ఠాభ్యాం నమః |
ధ్యానమ్
నేత్రాణాం దశభిశ్శతైః పరివృతామత్యుగ్రచర్మాంబరాం
హేమాభాం మహతీం విలంబితశిఖామాముక్తకేశాన్వితామ్ |
ఘంటామండితపాదపద్మయుగళాం నాగేంద్రకుంభస్తనీం
ఇంద్రాక్షీం పరిచింతయామి మనసా కల్పోక్తసిద్ధిప్రదామ్ || ౧
ఇంద్రాక్షీం ద్విభుజాం దేవీం పీతవస్త్రద్వయాన్వితాం
వామహస్తే వజ్రధరాం దక్షిణేన వరప్రదామ్ |
ఇంద్రాక్షీం సహయువతీం నానాలంకారభూషితాం
ప్రసన్నవదనాంభోజామప్సరోగణసేవితామ్ || ౨
ద్విభుజాం సౌమ్యవదానాం పాశాంకుశధరాం పరామ్ |
త్రైలోక్యమోహినీం దేవీం ఇంద్రాక్షీ నామ కీర్తితామ్ || ౩
పీతాంబరాం వజ్రధరైకహస్తాం
నానావిధాలంకరణాం ప్రసన్నామ్ |
త్వామప్సరస్సేవితపాదపద్మాం
ఇంద్రాక్షీం వందే శివధర్మపత్నీమ్ || ౪
దిగ్దేవతా రక్ష: ఇంద్రాక్షీ పూర్వతః పాతు పాత్వాగ్నేయ్యాం తథేశ్వరీ | కౌమారీ దక్షిణే పాతు నైరృత్యాం పాతు పార్వతీ || వారాహీ పశ్చిమే పాతు వాయవ్యే నారసింహ్యపి | ఉదీచ్యాం కాళరాత్రీ మాం ఐశాన్యాం సర్వశక్తయః || భైరవ్యోర్ధ్వం సదా పాతు పాత్వధో వైష్ణవీ తథా | ఏవం దశదిశో రక్షేత్సర్వదా భువనేశ్వరీ ||
స్తోత్రం
ఇంద్రాక్షీ నామ సా దేవీ దేవతైస్సముదాహృతా |
గౌరీ శాకంభరీ దేవీ దుర్గానామ్నీతి విశ్రుతా || ౧ ||
నిత్యానందీ నిరాహారీ నిష్కళాయై నమోఽస్తు తే |
కాత్యాయనీ మహాదేవీ చంద్రఘంటా మహాతపాః || ౨ ||
సావిత్రీ సా చ గాయత్రీ బ్రహ్మాణీ బ్రహ్మవాదినీ |
నారాయణీ భద్రకాళీ రుద్రాణీ కృష్ణపింగళా || ౩ ||
అగ్నిజ్వాలా రౌద్రముఖీ కాళరాత్రీ తపస్వినీ |
మేఘస్వనా సహస్రాక్షీ వికటాంగీ జడోదరీ || ౪ ||
మహోదరీ ముక్తకేశీ ఘోరరూపా మహాబలా |
అజితా భద్రదాఽనంతా రోగహన్త్రీ శివప్రియా || ౫ ||
శివదూతీ కరాళీ చ ప్రత్యక్షపరమేశ్వరీ |
ఇంద్రాణీ ఇంద్రరూపా చ ఇంద్రశక్తిఃపరాయణీ || ౬ ||
సదా సమ్మోహినీ దేవీ సుందరీ భువనేశ్వరీ |
ఏకాక్షరీ పరా బ్రాహ్మీ స్థూలసూక్ష్మప్రవర్ధినీ || ౭ ||
రక్షాకరీ రక్తదంతా రక్తమాల్యాంబరా పరా |
మహిషాసురసంహర్త్రీ చాముండా సప్తమాతృకా || ౮ ||
వారాహీ నారసింహీ చ భీమా భైరవవాదినీ |
శ్రుతిస్స్మృతిర్ధృతిర్మేధా విద్యాలక్ష్మీస్సరస్వతీ || ౯ ||
అనంతా విజయాఽపర్ణా మానసోక్తాపరాజితా |
భవానీ పార్వతీ దుర్గా హైమవత్యంబికా శివా || ౧౦ ||
శివా భవానీ రుద్రాణీ శంకరార్ధశరీరిణీ |
ఐరావతగజారూఢా వజ్రహస్తా వరప్రదా || ౧౧ ||
ధూర్జటీ వికటీ ఘోరీ హ్యష్టాంగీ నరభోజినీ |
భ్రామరీ కాంచి కామాక్షీ క్వణన్మాణిక్యనూపురా || ౧౨ ||
హ్రీంకారీ రౌద్రభేతాళీ హ్రుంకార్యమృతపాణినీ |
త్రిపాద్భస్మప్రహరణా త్రిశిరా రక్తలోచనా || ౧౩ ||
నిత్యా సకలకళ్యాణీ సర్వైశ్వర్యప్రదాయినీ |
దాక్షాయణీ పద్మహస్తా భారతీ సర్వమంగళా || ౧౪ ||
కళ్యాణీ జననీ దుర్గా సర్వదుఃఖవినాశినీ |
ఇంద్రాక్షీ సర్వభూతేశీ సర్వరూపా మనోన్మనీ || ౧౫ ||
మహిషమస్తకనృత్యవినోదన-
స్ఫుటరణన్మణినూపురపాదుకా |
జననరక్షణమోక్షవిధాయినీ
జయతు శుంభనిశుంభనిషూదినీ || ౧౬ ||
శివా చ శివరూపా చ శివశక్తిపరాయణీ |
మృత్యుంజయీ మహామాయీ సర్వరోగనివారిణీ || ౧౭ ||
ఐంద్రీదేవీ సదాకాలం శాంతిమాశుకరోతు మే |
ఈశ్వరార్ధాంగనిలయా ఇందుబింబనిభాననా || ౧౮ ||
సర్వోరోగప్రశమనీ సర్వమృత్యునివారిణీ |
అపవర్గప్రదా రమ్యా ఆయురారోగ్యదాయినీ || ౧౯ ||
ఇంద్రాదిదేవసంస్తుత్యా ఇహాముత్రఫలప్రదా |
ఇచ్ఛాశక్తిస్వరూపా చ ఇభవక్త్రాద్విజన్మభూః || ౨౦ ||
ఫలశ్రుతి:
ఏతైర్నామశతైర్దివ్యైః స్తుతా శక్రేణ ధీమతా | ఆయురారోగ్యమైశ్వర్యం అపమృత్యుభయాపహమ్ || క్షయాపస్మారకుష్ఠాది తాపజ్వరనివారణమ్ | చోరవ్యాఘ్రభయం తత్ర శీతజ్వరనివారణమ్ || మహాభయే మహాఘోరే పఠేత్ స్తోత్రం మహోత్తమమ్ | సత్యం సత్యం పునః సత్యం గోపయేన్మాతృజారవత్ ||
ఇతి ఇంద్రాక్షీ స్తోత్రం సంపూర్ణం ||
śrī indrākṣī stōtram
nārada uvāca
indrākṣīstōtramākhyāhi nārāyaṇa guṇārṇava |
pārvatyai śivasaṃprōktaṃ paraṃ kāutūhalaṃ hi mē ||
nārāyaṇa uvāca
indrākṣī stōtra mantrasya māhātmyaṃ kēna vōcyatē |
indrēṇādāu k r̥taṃ stōtraṃ sarvāpadviniivāraṇam ||
tadēvāhaṃ bravīmyadya pr̥cchatastava nārada |
Nyāsam: asya śrī indrākṣīstōtra mahāmantrasya, śacīpurandara r̥ṣiḥ, anuṣṭup-chandaḥ, indrākṣī durgā dēvatā, lakṣmīrbījaṃ, bhuvanēśvarī śaktiḥ, bhavānī kīlakaṃ, mama indrākṣī prasāda siddhyarthē japē viniyōgaḥ |
Karanyāsaḥ: indrākṣyai aṅguṣṭhābhyāṃ namaḥ | mahālakṣmyai tarjanībhyāṃ namaḥ | mahēśvaryai madhyamābhyāṃ namaḥ | ambujākṣyai anāmikābhyāṃ namaḥ | kātyāyanyai kaniṣṭhikābhyāṃ namaḥ | kāumāryai karatala karapr̥ṣṭhābhyāṃ namaḥ |
Dhyānam
nētrānāṃ daśabhiśśatāiḥ parivr̥tāmatyugracarmāmbarāṃ
hēmābhāṃ mahatīṃ vilambitaśikhāmāmuktakēśānvitām |
ghaṇṭāmaṇḍitapādapadmayugaḷāṃ nāgēndrakumbhastanīṃ
indrākṣīṃ paricintayāmi manasā kalpōktasiddhipradām || 1
indrākṣīṃ dvibhujāṃ dēvīṃ pītavastradvayānvitāṃ
vāmahastē vajradharāṃ dakṣiṇēna varapradām |
indrākṣīṃ sahayuvatīṃ nānālaṅkārabhūṣitāṃ
prasannavadanāmbhōjāmapsarōgaṇasēvitām || 2
dvibhujāṃ sāumyavadanāṃ pāśāṅkuśadharāṃ parām |
trāilōkyamōhinīṃ dēvīṃ indrākṣī nāma kīrtitām || 3
pītāmbarāṃ vajradharaikahastāṃ
nānāvidhālaṅkaraṇāṃ prasannām |
tvāmapsarassēvitapādapadmāṃ
indrākṣīṃ vandē śivadharmapatnīm || 4
Digdēvatā Rakṣa: indrākṣī pūrvataḥ pātu pātvāgnēyyāṃ tathēśvarī | kāumārī dakṣiṇē pātu nair r̥tyāṃ pātu pārvatī || vārāhī paścimē pātu vāyavyē nārasimhyapi | udīcyāṃ kāḷarātrī māṃ āiśānyāṃ sarvaśaktayaḥ || bhāiravyōrdhvaṃ sadā pātu pātvadhō vāiṣṇavī tathā | ēvaṃ daśadiśō rakṣētsarvadā bhuvanēśvarī ||
Stōtram
indrākṣī nāma sā dēvī dēvatāisshamudāhr̥tā |
gāurī śākambharī dēvī durgānāmnīti viśrutā || 1 ||
nityānandī nirāhārī niṣkaḷāyai namō'stu tē |
kātyāyanī mahādēvī candraghaṇṭā mahātapāḥ || 2 ||
sāvitrī sā ca gāyatrī brahmāṇī brahmavādinī |
nārāyaṇī bhadrakāḷī rudrāṇī k r̥ṣṇapiṅgaḷā || 3 ||
agnijvālā rāudramukhī kāḷarātrī tapasvinī |
mēghasvanā sahasrākṣī vikaṭāṅgī jaḍōdarī || 4 ||
mahōdarī muktakēśī ghōrarūpā mahābalā |
ajitā bhadradā'nantā rōgahantrī śivapriyā || 5 ||
śivadūtī karāḷī ca pratyakṣaparamēśvarī |
indrāṇī indrarūpā ca indraśaktiḥparāyaṇī || 6 ||
sadā sammōhinī dēvī sundarī bhuvanēśvarī |
ēkākṣarī parā brāhmī sthūlasūkṣmapravardhinī || 7 ||
rakṣākarī raktadantā raktamālyāmbarā parā |
mahiṣāsurasaṃhartrī cāmuṇḍā saptamātr̥kā || 8 ||
vārāhī nārasimhī ca bhīmā bhāiravavādinī |
ś r̥tissm r̥tirdhr̥tirmēdhā vidyālakṣmīssarasvatī || 9 ||
anantā vijayā'parṇā mānasōktāparājitā |
bhavānī pārvatī durgā hāimavatyambikā śivā || 10 ||
śivā bhavānī rudrāṇī śaṅkarārdhaśarīriṇī |
āirāvatagajārūḍhā vajrahastā varapradā || 11 ||
dhūrjaṭī vikaṭī ghōrī hyaṣṭāṅgī narabhōjinī |
bhrāmarī kāñci kāmākṣī kvaṇanmāṇikyanūpurā || 12 ||
hrīṅkārī rāudrabhētāḷī hruṅkāryam r̥tapāṇinī |
tripādbhasmapraharaṇā triśirā raktalōcanā || 13 ||
nityā sakalakalyāṇī sarvāiśvaryapradāyinī |
dākṣāyaṇī padmahastā bhāratī sarvamaṅgaḷā || 14 ||
kalyāṇī jananī durgā sarvaduḥkhavināśinī |
indrākṣī sarvabhūtēśī sarvarūpā manōmanī || 15 ||
mahiṣamastakan r̥tyavinōdana-
sphuṭaraṇanmaṇinūpurapādukā |
jananarakṣaṇamōkṣavidhāyinī
jayatu śumbhaniśumbhaniṣūdinī || 16 ||
śivā ca śivarūpā ca śivaśaktiparāyaṇī |
m r̥tyuñjayī mahāmāyī sarvarōganivāriṇī || 17 ||
āindrīdēvī sadākālaṃ śāntimāśukarōtu mē |
īśvarārdhāṅganilayā indubimbanibhānanā || 18 ||
sarvōrōgapraśamanī sarvam r̥tyunivāriṇī |
apavargapradā ramyā āyurārōgyadāyinī || 19 ||
indrādidēvasaṃstutyā ihāmutraphalapradā |
icchāśaktisvarūpā ca ibhavaktrādvijanmabhūḥ || 20 ||
Phalaśruti:
ētairnāmaśatairdivyāiḥ stutā śakrēṇa dhīmatā | āyurārōgyamāiśvaryaṃ apam r̥tyubhayāpaham || kṣayāpasmārakuṣṭhādi tāpajvaranivāraṇam | cōravyāghrabhayaṃ tatra śītajvaranivāraṇam || mahābhaye mahāghōrē paṭhēt stōtraṃ mahōttamam | satyaṃ satyaṃ punaḥ satyaṃ gōpayēnmātr̥jāravat ||
iti indrākṣī stōtram ||