శ్రీ హనుమత్ తాండవ స్తోత్రం
ధ్యానం
వందే సిందూరవర్ణాభం లోహితాంబరభూషితమ్ |
రక్తాంగరాగశోభాఢ్యం శోణపుచ్ఛం కపీశ్వరమ్ ||
స్తోత్రం
భజే సమీరనందనం సుభక్తచిత్తరంజనం
దినేశరూపభక్షకం సమస్తభక్తరక్షకమ్ |
సుకంఠకార్యసాధకం విపక్షపక్షబాధకం
సముద్రపారగామినం నమామి సిద్ధకామినమ్ || ౧ ||
సుశంకితం సుకంఠముక్తవాన్ హి యో హితం వచ-
-స్త్వమాశు ధైర్యమాశ్రయాత్ర వో భయం కదాపి న |
ఇతి ప్లవంగనాథభాషితం నిశమ్య వానరా-
-ఽధినాథ ఆప శం తదా స రామదూత ఆశ్రయః || ౨ ||
సుదీర్ఘబాహులోచనేన పుచ్ఛగుచ్ఛశోభినా
భుజద్వయేన సోదరౌ నిజాంసయుగ్మమాస్థితౌ |
కృతౌ హి కోసలాధిపౌ కపీశరాజసన్నిధౌ
విదేహజేశలక్ష్మణౌ స మే శివం కరోత్వరమ్ || ౩ ||
సుశబ్దశాస్త్రపారగం విలోక్య రామచంద్రమాః
కపీశనాథసేవకం సమస్తనీతిమార్గగమ్ |
ప్రశస్య లక్ష్మణం ప్రతి ప్రలంబబాహుభూషితః
కపీంద్రసఖ్యమాకరోత్ స్వకార్యసాధకః ప్రభుః || ౪ ||
ప్రచండవేగధారిణం నగేంద్రగర్వహారిణం
ఫణీశమాతృగర్వహృద్దశాస్యవాసనాశకృత్ |
విభీషణేన సఖ్యకృద్విదేహజాతితాపహృత్
సుకంఠకార్యసాధకం నమామి యాతుఘాతుకమ్ || ౫ ||
నమామి పుష్పమాలినం సువర్ణవర్ణధారిణం
గదాయుధేన భూషితం కిరీటకుండలాన్వితమ్ |
సుపుచ్ఛగుచ్ఛతుచ్ఛలంకదాహకం సునాయకం
విపక్షపక్షరాక్షసేంద్రసర్వవంశనాశకమ్ || ౬ ||
రఘూత్తమస్య సేవకం నమామి లక్ష్మణప్రియం
దినేశవంశభూషణస్య ముద్రికాప్రదర్శకమ్ |
విదేహజాతిశోకతాపహారిణం ప్రహారిణం
సుసూక్ష్మరూపధారిణం నమామి దీర్ఘరూపిణమ్ || ౭ ||
నభస్వదాత్మజేన భాస్వతా త్వయా కృతామహాసహా-
-యతా యయా ద్వయోర్హితం హ్యభూత్ స్వకృత్యతః |
సుకంఠ ఆప తారకాం రఘూత్తమో విదేహజాం
నిపాత్య వాలినం ప్రభుస్తతో దశాననం ఖలమ్ || ౮ ||
ఇమం స్తవం కుజేఽహ్ని యః పఠేత్ సుచేతసా నరః
కపీశనాథసేవకో భునక్తి సర్వసంపదః |
ప్లవంగరాజసత్కృపాకటాక్షభాజనః సదా
న శత్రుతో భయం భవేత్కదాపి తస్య నుస్త్విహ || ౯ ||
నేత్రాంగనందధరణీవత్సరేఽనంగవాసరే |
లోకేశ్వరాఖ్యభట్టేన హనుమత్తాండవం కృతమ్ || ౧౦ ||
ఇతి శ్రీ హనుమత్ తాండవ స్తోత్రం సంపూర్ణం ||
śrī hanumat tāṇḍava stōtram
Dhyānam
vandē sindūravarṇābhāṃ lōhitāmbarabhūṣitam |
raktāṅgarāgaśōbhāḍhyaṃ śōṇapucchaṃ kapīśvaram ||
Stōtram
bhajē samīranandanaṃ subhaktacittarañjanaṃ
dinēśarūpabhakṣakaṃ samastabhaktarakṣakam |
sukaṇṭhakāryasādhakaṃ vipakṣapakṣabādhakaṃ
samudraparagāminaṃ namāmi siddhakāminam || 1 ||
suśaṅkitaṃ sukaṇṭhamuktavān hi yō hitaṃ vaca-
-stvamāśu dhairyāmāśrayātra vō bhayaṃ kadāpi na |
iti plavaṅganāthabhāṣitaṃ niśamya vānarā-
-'dhinātha āpa śaṃ tadā sa rāmadūta āśrayaḥ || 2 ||
sudīrghabāhulōcanēna pucchagucchaśōbhinā
bhujadvayēna sōdarāu nijāṃsayugmamāsthitāu |
kr̥tāu hi kōsalādhipāu kapīśarājasannidhāu
vidēhajēśalakṣmaṇāu sa mē śivaṃ karōtvaram || 3 ||
suśabdaśāstrapā ragaṃ vilōkya rāmacandramāḥ
kapīśanāthasēvakaṃ samastanītimārgagam |
praśasya lakṣmaṇaṃ prati pralambabāhubhūṣitaḥ
kapīndrasakhyamākarōt svakāryasādhakaḥ prabhuḥ || 4 ||
pracaṇḍavēgadhāriṇaṃ nagēndragarvahāriṇaṃ
phaṇīśamātr̥garvahr̥ddaśāsyavāsanāśakr̥t |
vibhīṣaṇēna sakhyak r̥dvidēhajātitāpahr̥t
sukaṇṭhakāryasādhakaṃ namāmi yātughātukam || 5 ||
namāmi puṣpamālinaṃ suvarṇavarṇadhāriṇaṃ
gadāyudhēna bhūṣitaṃ kirīṭakuṇḍalānvitam |
supucchagucchatucchalaṅkadāhakaṃ sunāyakaṃ
vipakṣapakṣarākṣasēndrasarvavaṃśanāśakam || 6 ||
raghūttamasya sēvakaṃ namāmi lakṣmaṇapriyaṃ
dinēśavaṃśabhūṣaṇasya mudri kāpradarśakam |
vidēhajātiśōkatāpahāriṇaṃ prahāriṇaṃ
susūkṣmarūpadhāriṇaṃ namāmi dīrgharūpiṇam || 7 ||
nabhasvadātmajēna bhāsvatā tvayā kr̥tāmahāsahā-
-yatā yayā dvayōrhitaṃ hyabhūt svakr̥tyataḥ |
sukaṇṭha āpa tārakāṃ raghūttamō vidēhajāṃ
nipātya vālinaṃ prabhustatō daśānanaṃ khalam || 8 ||
imaṃ stavaṃ kujē'hni yaḥ paṭhēt sucētasā naraḥ
kapīśanāthasēvakō bhunakti sarvasampadaḥ |
plavaṅgarājasatkr̥pākaṭākṣabhājanaḥ sadā
na śatrutō bhayaṃ bhavētkadāpi tasya nustviha || 9 ||
nētrāṅganandadharaṇīvatsarē'naṅgavāsarē |
lōkēśvarākhyabhaṭṭēna hanumattāṇḍavaṃ kr̥tam || 10 ||
iti śrī hanumat tāṇḍava stōtram ||