శ్రీ హనుమత్పంచరత్నం
వీతాఖిలవిషయేచ్ఛం జాతానందాశ్రుపులకమత్యచ్ఛమ్ |
సీతాపతిదూతాద్యం వాతాత్మజమద్య భావయే హృద్యమ్ || ౧ ||
తరుణారుణముఖకమలం కరుణారసపూరపూరితాపాంగమ్ |
సంజీవనమాశాసే మంజులమహిమానమంజనాభాగ్యమ్ || ౨ ||
శంబరవైరిశరాతిగమంబుజదల విపులలోచనోదారమ్ |
కంబుగలమనిలదిష్టం బింబజ్వలితోష్ఠమేకమవలంబే || ౩ ||
దూరీకృతసీతార్తిః ప్రకటీకృతరామవైభవస్ఫూర్తిః |
దారితదశముఖకీర్తిః పురతో మమ భాతు హనుమతో మూర్తిః || ౪ ||
వానరనికరాధ్యక్షం దానవకులకుముదరవికరసదృశమ్ |
దీనజనావనదీక్షం పవనతపః పాకపుంజమద్రాక్షమ్ || ౫ ||
ఏతత్పవనసుతస్య స్తోత్రం యః పఠతి పంచరత్నాఖ్యమ్ |
చిరమిహ నిఖిలాన్భోగాన్భుంక్త్వా శ్రీరామభక్తిభాగ్భవతి || ౬ ||
ఇతి శ్రీమచ్ఛంకరాచార్య కృతౌ హనుమత్పంచరత్నం ||
śrī hanumatpañcaratnam
vītākhilaviṣayēcchaṃ jātānandāśrupulakamatyaccham |
sītāpatidūtādyaṃ vātātmajamadya bhāvayē hr̥dyam || 1 ||
taruṇāruṇamukhakamalaṃ karuṇārasapūrapūritāpāṅgam |
sañjīvanamāśāsē mañjulamahimānamañjanābhāgyam || 2 ||
śambaravāiriśarātigamaṃbujadala vipulalōcanōdāram |
kaṃbugalamaniladiṣṭaṃ biṃbajvalitōṣṭhamēkamavalambē || 3 ||
dūrīkr̥tasītārtiḥ prakaṭīkr̥tarāmavaibhavasphūrtiḥ |
dāritadaśamukhakīrtiḥ puratō mama bhātu hanumatō mūrtiḥ || 4 ||
vānaranikarādhyakṣaṃ dānavakulakumudaravikarasadr̥śam |
dīnajanāvanadīkṣaṃ pavanatapaḥ pākapuñjamadrākṣam || 5 ||
ētatpavanasutasya stōtraṃ yaḥ paṭhati pañcaratnākhyam |
ciramiha nikhilānbhōgānbhuṅktvā śrīrāmabhaktibhāgbhavati || 6 ||
iti śrīmacchaṅkarācārya kr̥tāu hanumatpañcaratnam ||