గోవిందాష్టకం
సత్యం జ్ఞానమనంతం నిత్యమనాకాశం పరమాకాశం |
గోష్ఠప్రాంగణరింఖణలోలమనాయాసం పరమాయాసం |
మాయాకల్పితనానాకారమనాకారం భువనాకారం |
క్ష్మామానాథమనాథం ప్రణమత గోవిందం పరమానందం || ౧ ||
మృత్స్నామత్సీహేతి యశోదాతాడనశైశవ సంత్రాసం |
వ్యాదితవక్త్రాలోకితలోకాలోకచతుర్దశలోకాలిమ్ |
లోకత్రయపురమూలస్తంభం లోకాలోకమనాలోకమ్ |
లోకేశం పరమేశం ప్రణమత గోవిందం పరమానందం || ౨ ||
త్రైవిష్టపరిపువీరఘ్నం క్షితిభారఘ్నం భవరోగఘ్నం |
కైవల్యం నవనీతాహారమనాహారం భువనాహారం |
వైమల్యస్ఫుటచేతోవృత్తివిశేషాభాసమనాభాసమ్ |
శైవం కేవలశాంతం ప్రణమత గోవిందం పరమానందం || ౩ ||
గోపాలం ప్రభులీలావిగ్రహగోపాలం కులగోపాలం |
గోపీఖేలనగోవర్ధనధృతి లీలాలాలితగోపాలం |
గోభిర్నిగదిత గోవిందస్ఫుటనామానం బహునామానం |
గోపీగోచరదూరం ప్రణమత గోవిందం పరమానందం || ౪ ||
గోపీమండలగోష్ఠీభేదం భేదావస్థమభేదాభమ్ |
శశ్వద్గోఖురనిర్ధూతోద్గత ధూళీధూసరసౌభాగ్యమ్ |
శ్రద్ధాభక్తిగృహీతానందమచింత్యం చింతితసద్భావమ్ |
చింతామణిమహిమానం ప్రణమత గోవిందం పరమానందం || ౫ ||
స్నానవ్యాకులయోషిద్వస్త్రముపాదాయాగముపారూఢమ్ |
వ్యాదిత్సంతీరథ దిగ్వస్త్రా దాతుముపాకర్షంతం తాః
నిర్ధూతద్వయశోకవిమోహం బుద్ధం బుద్ధేరంతస్థమ్ |
సత్తామాత్రశరీరం ప్రణమత గోవిందం పరమానందం || ౬ ||
కాంతం కారణకారణమాదిమనాదిం కాలధనాభాసమ్ |
కాళిందీగతకాలియశిరసి సునృత్యంతం ముహురత్యంతం |
కాలం కాలకలాతీతం కలితాశేషం కలిదోషఘ్నం |
కాలత్రయగతిహేతుం ప్రణమత గోవిందం పరమానందం || ౭ ||
బృందావనభువి బృందారకగణబృందారాధితవందేహం |
కుందాభామలమందస్మేరసుధానందం సుహృదానందం |
వంద్యాశేష మహాముని మానస వంద్యానందపదద్వంద్వమ్ |
వంద్యాశేషగుణాబ్ధిం ప్రణమత గోవిందం పరమానందం || ౮ ||
గోవిందాష్టకమేతదధీతే గోవిందార్పితచేతా యః |
గోవిందాచ్యుత మాధవ విష్ణో గోకులనాయక కృష్ణేతి |
గోవిందాంఘ్రి సరోజధ్యానసుధాజలధౌతసమస్తాఘః |
గోవిందం పరమానందామృతమంతస్థం స తమభ్యేతి ||
ఇతి శ్రీ గోవిందాష్టకం ||
Shri Govindashtakam
satyaṃ jñānamanaṇtaṃ nityamanākāśaṃ paramākāśam |
gōṣṭhaprāṅgaṇariṅkhaṇalōlamanāyāsaṃ paramāyāsam |
māyākalpitanānākāramanākāraṃ bhuvanākāram |
kṣmāmānāthamanāthaṃ praṇamata gōviṇdaṃ paramānaṇdam || 1 ||
mṛtsnāmatsīhēti yaśōdātāḍanaśaiśava saṇtrāsam |
vyāditavaktrālōkitalōkālōkacaturdaśalōkālim |
lōkatrayapuramūlastaṃbhaṃ lōkālōkamanālōkam |
lōkēśaṃ paramēśaṃ praṇamata gōviṇdaṃ paramānaṇdam || 2 ||
traiviṣṭaparipuvīraghnaṃ kṣitibhāraghnaṃ bhavarōgaghnam |
kaivalyaṃ navanītāhāramanāhāraṃ bhuvanāhāram |
vaimalyasphuṭacētōvṛttiviśēṣābhāsamanābhāsam |
śaivaṃ kēvalaśāṇtaṃ praṇamata gōviṇdaṃ paramānaṇdam || 3 ||
gōpālaṃ prabhulīlāvigrahagōpālaṃ kulagōpālam |
gōpīkhēlanagōvardhanadhṛti līlālālitagōpālam |
gōbhirnigadita gōviṇdasphuṭanāmāṇaṃ bahunāmāṇam |
gōpīgōcaradūraṃ praṇamata gōviṇdaṃ paramānaṇdam || 4 ||
gōpīmaṇḍalagōṣṭhībhēdaṃ bhēdāvasthamabhēdābham |
śaśvadgōkhuranirdhūtōdgata dhūḷīdhūsarasaubhāgyam |
śraddhābhaktigṛhītāṇandama-ciṇtyaṃ ciṇtitasadbhāvam |
ciṇtāmaṇimahimāṇaṃ praṇamata gōviṇdaṃ paramānaṇdam || 5 ||
snānavyākulayōṣidvastramupādāyāgamupārūḍham |
vyāditsaṇtīratha digvastrā dātumupākarṣaṇtaṃ tāḥ
nirdhūtadwayaśōkavi-mōhaṃ buddhaṃ buddhēraṇtastham |
sattāmātraśarīraṃ praṇamata gōviṇdaṃ paramānaṇdam || 6 ||
kāṇtaṃ kāraṇakāraṇamādimanādiṃ kāladhaṇābhāsam |
kāḷiṇdīgatakāliyāśirasi suṇṛtyaṇtaṃ muhuratyantam |
kālaṃ kālakalātītaṃ kalitāśēṣaṃ kalidōṣaghnam |
kālatrayagatihētuṃ praṇamata gōviṇdaṃ paramānaṇdam || 7 ||
vṛṇdāvanabhuvi vṛṇdārakagaṇavṛṇdārādhitavaṇdēham |
kundābhāmalamandasmērasudhānaṇdaṃ suhṛdānaṇdam |
vaṇdyāśēṣa mahāmuni mānasa vaṇdyānaṇdapadadwaṇdwam |
vaṇdyāśēṣaguṇābdhiṃ praṇamata gōviṇdaṃ paramānaṇdam || 8 ||
gōviṇdāṣṭakamētadadhītē gōviṇdāṛpitacētā yaḥ |
gōviṇdācyuta mādhava viṣṇō gōkulanāyaka kṛṣṇēti |
gōviṇdāṃghri sarōjadhyānasudhājaladhautasamastāghaḥ |
gōviṇdaṃ paramānaṇdāmṛtamaṇtasthaṃ sa tamabhyēti ||
iti śrī gōviṇdāṣṭakam ||