శ్రీ గిరిధార్యాష్టకం
త్ర్యైలోక్యలక్ష్మీమదభృత్సురేశ్వరో
యదా ఘనైరంతకరైర్వవర్షహ |
తదాకరోద్యః స్వబలేన రక్షణం
తం గోపబాలం గిరిధారిణం భజే || ౧ ||
యః పాయయంతీమధిరుహ్య పూతనాం
స్తన్యం పపౌ ప్రాణపరాయణః శిశుః |
జఘాన వాతాయితదైత్యపుంగవం
తం గోపబాలం గిరిధారిణం భజే || ౨ ||
నందవ్రజం యః స్వరుచేందిరాలయం
చక్రే దిగీశాన్ దివి మోహవృద్ధయే |
గోగోపగోపీజనసర్వసౌఖ్యం
తం గోపబాలం గిరిధారిణం భజే || ౩ ||
యం కామదోగ్ధ్రీ గగనావృతైర్జలైః
స్వజ్ఞాతిరాజ్యే ముదితాభ్యషించత |
గోవిందనామోత్సవకృద్వ్రజౌకసాం
తం గోపబాలం గిరిధారిణం భజే || ౪ ||
యస్యాననాబ్జం వ్రజసుందరీజనా
దినక్షయే లోచనషట్పదైర్ముదా |
పిబంత్యధీరా విరహాతురా భృశం
తం గోపబాలం గిరిధారిణం భజే || ౫ ||
బృందావనే నిర్జరబృందవందితే
గాశ్చారయన్యః కలవేణునిస్స్వనః |
గోపాంగనాచిత్తవిమోహమన్మథ-
స్తం గోపబాలం గిరిధారిణం భజే || ౬ ||
యః స్వత్మలీలారసదిత్సయా సతా-
మావిశ్యకారాఽగ్నికుమారవిగ్రహమ్ |
శ్రీవల్లభాధ్వానుసృతైకపాలక-
స్తం గోపబాలం గిరిధారిణం భజే || ౭ ||
గోపేంద్రసూనోర్గిరిధారిణోఽష్టకం
పఠేదిదం యస్తదనన్యమానసః |
సముచ్యతే దుఃఖమహార్ణవాద్భృశం
ప్రాప్నోతి దాస్యం గిరిధారిణే ధ్రువమ్ || ౮ ||
ప్రణమ్య సంప్రార్థయతే తవాగ్రత-
స్త్వదంఘ్రిరేణుం రఘునాథనామకః |
శ్రీవిఠ్ఠలానుగ్రహలబ్ధసన్మతి-
స్తత్పూరయైతస్య మనోరథార్ణవమ్ || ౯ ||
ఇతి శ్రీరఘునాథప్రభుకృత శ్రీ గิరిరాజధార్యష్టకం ||
Shri Giridharyashtakam
traiyailōkyalaxmīmadabhr̥tsurēśvarō
yadā ghanairaṇtakarairvavarṣaha |
tadākarōdyaḥ svabalēna raxaṇaṃ
taṃ gōpabālaṃ giridhāriṇaṃ bhajē || 1 ||
yaḥ pāyayaṇtīmadhiruhya pūtanāṃ
staṇyaṃ papau prāṇaparāyaṇaḥ śiśuḥ |
jaghāna vātāyitadaityapuṇgavaṃ
taṃ gōpabālaṃ giridhāriṇaṃ bhajē || 2 ||
naṇdavrajaṃ yaḥ svarucēṇdirālayaṃ
cakrē digīśān divi mōhavr̥ddhayē |
gōgōpagōpījanasarvasaukhyaṃ
taṃ gōpabālaṃ giridhāriṇaṃ bhajē || 3 ||
yaṃ kāmadōghdrī gaganāvr̥tairjalaiḥ
svajñātirājyē muditābhyaṣiñcata |
gōviṇdanāmōtsavakr̥dvrajaukasāṃ
taṃ gōpabālaṃ giridhāriṇaṃ bhajē || 4 ||
yasyānanāpjaṃ vrajasuṇdarījanā
dinaxayē lōcanaṣaṭpadairmudā |
pibaṇtyadhīrā virahāturā bhr̥śaṃ
taṃ gōpabālaṃ giridhāriṇaṃ bhajē || 5 ||
br̥ṇdāvanē nirjarabr̥ṇdavaṇditē
gāścārayanyaḥ kalavēṇunissvanaḥ |
gōpāṇgaṇācittavimōhamanmatha-
staṃ gōpabālaṃ giridhāriṇaṃ bhajē || 6 ||
yaḥ svātmalīlārasaditsayā satā-
māviśyakārā’gnikumāravigraham |
śrīvallabhādhvānusr̥taikapālaka-
staṃ gōpabālaṃ giridhāriṇaṃ bhajē || 7 ||
gōpēṇdrasūnōrgiridhāriṇō’ṣṭakaṃ
paṭhēdidaṃ yastadaṇanyamānasaḥ |
samucyatē duḥkhamahārṇavādbhr̥śaṃ
prāpnōti dāsyaṃ giridhāriṇē dhruvam || 8 ||
praṇamya saṃprārtthayatē tavāgrata-
stvadāṇghrirēṇuṃ raghunāthanāmakaḥ |
śrīviṭṭhalānugrahalabdhasanmati-
statpūrayaitasya manōrathārṇavam || 9 ||
iti śrīraghunāthaprabhukr̥ta śrī girirājadhāryāṣṭakaṃ ||