శ్రీ గాయత్రీ అష్టకం
విశ్వామిత్రతపఃఫలాం ప్రియతరాం విప్రాలిసంసేవితాం
నిత్యానిత్యవివేకదాం స్మితముఖీం ఖండేందుభూషోజ్జ్వలామ్ |
తాంబూలారుణభాసమానవదనాం మార్తాండమధ్యస్థితాం
గాయత్రీం హరివల్లభాం త్రిణయనాం ధ్యాయామి పంచాననామ్ || ౧ ||
జాతీపంకజకేతకీకువలయైః సంపూజితాంఘ్రిద్వయాం
తత్త్వార్థాత్మికవర్ణపంక్తిసహితాం తత్త్వార్థబుద్ధిప్రదామ్ |
ప్రాణాయామపరాయణైర్బుధజనైః సంసేవ్యమానాం శివాం
గాయత్రీం హరివల్లభాం త్రిణయనాం ధ్యాయామి పంచాననామ్ || ౨ ||
మంజీరధ్వనిభిః సమస్తజగతాం మంజుత్వసంవర్ధనీం
విప్రప్రేంఖితవారివారితమహారక్షోగణాం మృణ్మయీమ్ |
జప్తుః పాపహరాం జపాసుమనిభాం హంసేన సంశోభితాం
గాయత్రీం హరివల్లభాం త్రిణయనాం ధ్యాయామి పంచాననామ్ || ౩ ||
కాంచీచేలవిభూషితాం శివమయీం మాలార్ధమాలాదికా-
న్బిభ్రాణాం పరమేశ్వరీం శరణదాం మోహాంధబుద్ధిచ్ఛిదామ్ |
భూరాదిత్రిపురాం త్రిలోకజననీమధ్యాత్మశాఖానుతాం
గాయత్రీం హరివల్లభాం త్రిణయనాం ధ్యాయామి పంచాననామ్ || ౪ ||
ధ్యాతుర్గర్భకృశానుతాపహరణాం సామాత్మికాం సామగాం
సాయంకాలసుసేవితాం స్వరమయీం దూర్వాదలశ్యామలామ్ |
మాతుర్దాస్యవిలోచనైకమతిమత్ఖేటీంద్రసంరాజితాం
గాయత్రీం హరివల్లభాం త్రిణయనాం ధ్యాయామి పంచాననామ్ || ౫ ||
సంధ్యారాగవిచిత్రవస్త్రవిలసద్విప్రోత్తమైః సేవితాం
తారాహారసుమాలికాం సువిలసద్రత్నేందుకుంభాంతరామ్ |
రాకాచంద్రముఖీం రమాపతినుతాం శంఖాదిభాస్వత్కరాం
గాయత్రీం హరివల్లభాం త్రిణయనాం ధ్యాయామి పంచాననామ్ || ౬ ||
వేణీభూషితమాలకధ్వనికరైర్భృంగైః సదా శోభితాం
తత్త్వజ్ఞానరసాయనజ్ఞరసనాసౌధభ్రమద్భ్రామరీమ్ |
నాసాలంకృతమౌక్తికేందుకిరణైః సాయంతమశ్ఛేదినీం
గాయత్రీం హరివల్లభాం త్రిణయనాం ధ్యాయామి పంచాననామ్ || ౭ ||
పాదాబ్జాంతరరేణుకుంకుమలసత్ఫాలద్యురామావృతాం
రంభానాట్యవిలోకనైకరసికాం వేదాంతబుద్ధిప్రదామ్ |
వీణావేణుమృదంగకాహలరవాన్దేవైః కృతాంఛృణ్వతీం
గాయత్రీం హరివల్లభాం త్రిణయనాం ధ్యాయామి పంచాననామ్ || ౮ ||
హత్యాపానసువర్ణతస్కరమహాగుర్వంగనాసంగమా-
న్దోషాంఛైలసమాన్ పురందరసమాః సంచ్ఛిద్య సూర్యోపమాః |
గాయత్రీం శ్రుతిమాతురేకమనసా సంధ్యాసు యే భూసురా
జప్త్వా యాంతి పరాం గతిం మనుమిమం దేవ్యాః పరం వైదికాః ||
ఇతి శ్రీ గాయత్రీ అష్టకం సంపూర్ణం ||
śrī gāyatrī aṣṭakam
viśvāmitratapaḥphalāṃ priyatarāṃ viprālisaṃsēvitāṃ
nityānityavivēkadāṃ smitamukhīṃ khaṇḍēndubhūṣōjjvalām |
tāmbūlāruṇabhāsamānavadanāṃ mārtāṇḍamadhyasthitāṃ
gāyatrīṃ harivallabhāṃ triṇayanāṃ dhyāyāmi pañcānanām || 1 ||
jātīpaṅkajakētakīkuvalayaiḥ saṃpūjitāṅghridvayāṃ
tattvārthātmikavarṇapaṅktisahitāṃ tattvārthabuddhipradām |
prāṇāyāmaparāyaṇairbudhajanaiḥ saṃsēvyamānāṃ śivāṃ
gāyatrīṃ harivallabhāṃ triṇayanāṃ dhyāyāmi pañcānanām || 2 ||
mañjīradhvanibhiḥ samastajagatāṃ mañjutvasaṃvardhanīṃ
vipraprēṅkhitavārivāritamahārakṣōgaṇāṃ mṛṇmayīm |
japtuḥ pāpaharāṃ japāsumanibhāṃ haṃsēna saṃśōbhitāṃ
gāyatrīṃ harivallabhāṃ triṇayanāṃ dhyāyāmi pañcānanām || 3 ||
kāñcīcēlavibhūṣitāṃ śivamayīṃ mālār d hamālādikā-
nbibhrāṇāṃ paramēśvarīṃ śaraṇadāṃ mōhāndhabuddhicchidām |
bhūrāditripurāṃ trilōkajananīmadhyātmaśākhānutāṃ
gāyatrīṃ harivallabhāṃ triṇayanāṃ dhyāyāmi pañcānanām || 4 ||
dhyāturgaṛbhakṛśānutāpaharaṇāṃ sāmātmikāṃ sāmagāṃ
sāyaṅkālasusēvitāṃ svaramayīṃ dūrvādalaśyāmalām |
mātur d āsyavilōcanaikamutimatkhēṭīndrasaṃrājitāṃ
gāyatrīṃ harivallabhāṃ triṇayanāṃ dhyāyāmi pañcānanām || 5 ||
sandhyārāgavicitravastravilasadviprōttamaiḥ sēvitāṃ
tārāhārasumālikāṃ suvilasadratnēndukumbhāntarām |
rākācandramukhīṃ ramāpatinutāṃ śaṅkhādibhāsvatkarāṃ
gāyatrīṃ harivallabhāṃ triṇayanāṃ dhyāyāmi pañcānanām || 6 ||
vēṇībhūṣitamālakadhvanikarairbhṛṅgaiḥ sadā śōbhitāṃ
tattvajñānarāsayānajñarasanāsāudhabhramad-bhrāmarīm |
nāsālaṅkṛtamāuktikēndukiraṇaiḥ sāyantamaścchēdinīṃ
gāyatrīṃ harivallabhāṃ triṇayanāṃ dhyāyāmi pañcānanām || 7 ||
pādābjāntara-rēṇukuṅkumalasatphāladyurāmāvṛtāṃ
rambhānāṭyavilōkanaikarasikāṃ vēdāntabuddhipradām |
vīṇāvēṇumṛdaṅgakāhalāravāndēvaiḥ kṛtāñchṛṇvatīṃ
gāyatrīṃ harivallabhāṃ triṇayanāṃ dhyāyāmi pañcānanām || 8 ||
hatyāpānasuvaṛṇataskaramahāgurvaṅganāsaṅgamā-
ndōṣāñchailasamān purandarasamāḥ sañcchidhya sūryōpamāḥ |
gāyatrīṃ śrutimāturaikamanasā sandhyāsu yē bhūsurā
japtvā yānti parāṃ gatiṃ manumimamaṃ dēvyāḥ paraṃ vaidikāḥ ||
iti śrī gāyatrī aṣṭakaṃ saṃpūrṇam ||