శ్రీ గరుడ కవచం
గరుడ గాయత్రీ మంత్రం:
ఓం తత్పురుషాయ విద్మహే సువర్ణ పక్షాయ ధీమహి తన్నో గరుడః ప్రచోదయాత్ |
వినియోగః:
అస్య శ్రీ గరుడ కవచ స్తోత్రమంత్రస్య నారద ఋషిః వైనతేయో దేవతా అనుష్టుప్ఛందః మమ గరుడ ప్రసాద సిద్ధ్యర్థే జపే వినియోగః |
౧. శిరో మే గరుడః పాతు లలాటం వినతాసుతః |
నేత్రే తు సర్పహా పాతు కర్ణౌ పాతు సురార్చితః ||
౨. నాసికాం పాతు సర్పారిః వదనం విష్ణువాహనః |
సూర్యసూతానుజః కంఠం భుజౌ పాతు మహాబలః ||
౩. హస్తౌ ఖగేశ్వరః పాతు కరాగ్రే తరుణాకృతిః |
నఖాన్ నఖాయుధః పాతు కక్షౌ ముక్తిఫలప్రదః ||
౪. స్తనౌ మే విహగః పాతు హృదయం పాతు సర్వదా |
నాభిం పాతు మహాతేజాః కటిం పాతు సుధాహరః ||
౫. ఊరూ పాతు మహావీరః జానునీ చండవిక్రమః |
జంఘే దండాయుధః పాతు గుల్ఫౌ విష్ణురథః సదా ||
౬. సువర్ణః పాతు మే పాదౌ తార్క్ష్యః పాదాంగులీ తథా |
రోమకూపాని మే వీరః త్వచం పాతు భయాపహః ||
ఫలశ్రుతి
౭. ఇత్యేవం దివ్యకవచం పాపఘ్నం సర్వకామదం |
యః పఠేత్ప్రాతరుత్థాయ విషదోషం ప్రణశ్యతి ||
౮. త్రిసంధ్యం యః పఠేన్నిత్యం బంధనాత్ ముచ్యతే నరః |
ద్వాదశాహం పఠేద్యస్తు ముచ్యతే శత్రుబంధనాత్ ||
౯. ఏకవారం పఠేద్యస్తు ముచ్యతే సర్వకిల్బిషైః |
వజ్రపంజరనామేదం కవచం బంధమోచనమ్ ||
ఇతి శ్రీ నారద గరుడ సంవాదే గరుడ కవచం సంపూర్ణమ్ |