శ్రీ గరుడ దండకం
నమః పన్నగనద్ధాయ వైకుణ్ఠవశవర్తినే |
శ్రుతిసిన్ధు సుధోత్పాదమన్దరాయ గరుత్మతే || ౧ ||
గరుడమఖిలవేద నీడాధిరూఢమ్ ద్విషత్పీడనోత్కణ్ఠి తాకుణ్ఠవైకుణ్ఠపీఠీకృతస్కన్ధమీడే స్వనీడా గతిప్రీతరుద్రా సుకీర్తి స్తనాభోగగాఢోపగూఢ స్ఫురత్కణ్టకవ్రాతవేధవ్యథావేపమాన ద్విజిహ్వాధిపాకల్ప విష్ఫార్యమాణ స్ఫటావాటికారత్నరోచిశ్ఛటా రాజినీరాజితం కాన్తికల్లోలినీరాజితం || ౨ ||
జయ గరుడ సుపర్ణ దర్వీకరాహార దేవాధిపాహార హారిన్దివౌకస్పతిక్షిప్తదమ్భోళిధారాకిణాకల్ప కల్పాన్తవాతూల కల్పోదయానల్ప వీరాయితోద్యచ్చ మత్కార దైత్యారి త్రధ్వజారోహనిర్ధారితోత్కర్షసఙ్కర్షణాత్మన్ గరుత్మన్ మరుత్పఞ్చ కాధీశ సత్యాదిమూర్తే న కశ్చిత్సమస్తే నమస్తే పునస్తే నమః || ౩ ||
నమః ఇదమజహత్స పర్యాయ పర్యాయ నిర్యాత పక్షాని లాస్ఫాలనోద్వేలపాథోధివీచీచపేటాహతాగాధ పాతాళభాఙ్కారసఙ్క్రుద్ధనాగేన్ద్ర పీడాసృణీ భావభాస్వన్నఖశ్రేణయేచణ్డతుణ్డాయ నృత్యద్భుజఙ్గభ్రువే వజ్రిణే దంష్ట్రయ తుభ్యమధ్యాత్మవిద్యావిధేయా విధేయా భవద్దాస్యమాపాదయేథా దయేథాశ్చ మే || ౪ ||
మనురనుగత పక్షివక్త్ర స్ఫురత్తారకస్తావకశ్చిత్రభానుప్రియా శేఖరస్త్రాయతాం నస్త్రివర్గాపవర్గ ప్రసూతిః పరవ్యోమధామన్వలద్వేషి దర్పజ్వలద్వాలఖిల్య ప్రతిజ్ఞావతీర్ణ స్థిరాం తత్త్వబుద్ధిం పరాంభక్తిధేనుం జగన్మూలకన్దే ముకున్దే మ్హానన్దదోగ్ధ్రీం దధీథాముధాకామహీనామహీనామహీనాన్తక || ౫ ||
షట్త్రింశద్గణచరణో నరపరిపాటీనవీనగుమ్భగణః |
విష్ణురథదణ్డ కోఽయం విఘటయతు విపక్షవాహినీవ్యూహమ్ || ౬ ||
విచిత్రసిద్ధిదః సోఽయం వేంకటేశవిపశ్చితా |
గరుడధ్వజతోషాయ గీతో గరుడదణ్డకః || ౭ ||
కవితార్కికసింహాయ కల్యణగుణశాలినే |
శ్రీమతే వేంకటేశాయ వేదాన్తగురవే నమః || ౮ ||
శ్రీమతే నిగమాన్తమహాదేశికాయ నమః ||
ఇతి గరుడ దండకః సామాప్తః ||