శ్రీ గణపతి సహస్రనామ స్తోత్రం Sri Ganapati Sahasranama Stotram

Sri Ganapati Sahasranama Stotram

vyāsa uvāca |

kathaṃ nāmnāṃ sahasraṃ svaṃ gaṇēśa upadiṣṭavān |
śivāya tanmamācakṣva lōkānugrahatatpara || 1 ||

brahmōvāca |

dēvadēvaḥ purārātiḥ puratrayajayōdyamē |
anarcanādgaṇēśasya jātō vighnākulaḥ kila || 2 ||

manasā sa vinirdhārya tatastadvighnakāraṇam |
mahāgaṇapatiṃ bhaktyā samabhyarcya yathāvidhi || 3 ||

vighnapraśamanōpāyamapṛcchadapārajitaḥ |
santuṣṭaḥ pūjayā śambhōrmahāgaṇapatiḥ svayam || 4 ||

sarvavighnaikaharaṇaṃ sarvakāmaphalapradam |
tatastasmai svakaṃ nāmnāṃ sahasramidamabravīt || 5 ||

asya śrīmahāgaṇapati sahasranāmamālāmantrasya mahāgaṇapati ṛṣiḥ anuṣṭup chandaḥ śrīmahāgaṇapatirdēvatā gaṃ bījaṃ huṃ śaktiḥ svāhā kīlakaṃ śrīmahāgaṇapati prasādasiddhyarthē japē viniyōgaḥ |

Dhyānam

gajavadanamacintyaṃ tīkṣṇadaṃṣṭraṃ trinētraṃ
bṛhadudaramasēṣaṃ bhūtirājaṃ purāṇam |
amaravarasupūjyaṃ raktavarṇaṃ surēśaṃ
paśupatisutamīśaṃ vighnarājaṃ namāmi ||

ōṃ gaṇēśvarō gaṇakrīḍō gaṇanāthō gaṇādhipaḥ |
ēkadaṃṣṭrō vakratuṇḍō gajavaktrō mahōdharaḥ || 1 ||

lambōdarō dhūmravarṇō vikaṭō vighnanāyakaḥ |
sumukhō durmukhō buddhō vighnarājō gajānanaḥ || 2 ||

bhīmaḥ pramōda āmōdaḥ surānandō madōtkaṭaḥ |
hērambaḥ śambaraḥ śambhur-lambakarṇō mahābalaḥ || 3 ||

nandanō’lampaṭō’bhīrurmēghanādō gaṇañjayaḥ |
vināyakō virūpākṣō dhīraśūrō varapradaḥ || 4 ||

mahāgaṇapatir-buddhipriyaḥ kṣipraprasādanaḥ |
rudrapriyō gaṇādhyakṣa umāputrō’ghanāśanaḥ || 5 ||

kumāragurur-īśānaputrō mūṣakavāhanaḥ |
siddhipriyaḥ siddhipatiḥ siddhaḥ siddhivināyakaḥ || 6 ||

avighnastumburuḥ siṃhavāhanō mōhinīpriyaḥ |
kaṭaṅkaṭō rājaputraḥ śālakaḥ sammitō’mitaḥ || 7 ||

kūṣmāṇḍasāmasambhūtir-durjayō dhūrjayō jayaḥ |
bhūpatir-bhuvanapatir-bhūtānāmpatir-avyayaḥ || 8 ||

viśvakartā viśvamukhō viśvarūpō nidhir-ghṛṇiḥ |
kaviḥ kavīnām-ṛṣabhō brahmaṇyō brahmaṇaspatiḥ || 9 ||

jyēṣṭharājō nidhipatir-nidhipriyapatipriyaḥ |
hiraṇmayapurāntaḥsthaḥ sūryamaṇḍalamadhyagaḥ || 10 ||

karāhatidhvasta-sindhusalilaḥ pūṣadantabhit |
umāṅkakēlikutukī muktidaḥ kulapālanaḥ || 11 ||

kirīṭī kuṇḍalī hārī vanamālī manōmayaḥ |
vaimukhyahatadaityaśrīḥ pādāhatijitakṣitiḥ || 12 ||

sadyōjātasvarṇamuñjamēkhalī durnimittahṛt |
duḥsvapnahṛt-prasahanō guṇī nādapratiṣṭhitaḥ || 13 ||

surūpaḥ sarvanētrādhivāsō vīrāsanāśrayaḥ |
pītāmbaraḥ khaṇḍaradaḥ khaṇḍēndukṛtaśēkharaḥ || 14 ||

citrāṅkaśyāmadaśanō phālacandraś-caturbhujaḥ |
yōgādhipas-tārakasthaḥ puruṣō gajakarṇakaḥ || 15 ||

gaṇādhirājō vijayasthirō gajapatidhvají |
dēvadēvaḥ smarapraṇādīpakō vāyukīlakaḥ || 16 ||

vipaścid-varadō nādōnnādabhinnabalāhakaḥ |
varāharadanō mṛtyuñjayō vyāghrājināmbaraḥ || 17 ||

icchāśaktidharō dēvatrātā daityavimardanaḥ |
śambhuvaktrōdbhavaḥ śambhukōpahā śambhuhāsyabhūḥ || 18 ||

śambhutējāḥ śivāśōkahārī gaurīsukhāvahaḥ |
umāṅgamalajō gaurītējōbhūḥ svardhunībhavaḥ || 19 ||

yajñakāyō mahānādō girivarṣmā śubhānanaḥ |
sarvātmā sarvadēvātmā brahmamūrdhā kakupchrutiḥ || 20 ||

brahmāṇḍakumbhaś-cidvyōmaphālaḥ satyaśirōruhaḥ |
jagajjanmalayōnmēṣanimēṣō’gnyarkasōmadṛk || 21 ||

girīndraikaradō dharmādharmōṣṭhaḥ sāmabṛṃhitaḥ |
graharakṣadaśanō vāṇījihvō vāsavanāsikaḥ || 22 ||

kulācalāṃsaḥ sōmārkaghaṇṭō rudraśirōdharaḥ |
nadīnadabhujaḥ sarpāṅguḷīkastārakānakhaḥ || 23 ||

bhrūmadhyasaṃsthitakarō brahmavidyāmadōtkaṭaḥ |
vyōmanābhiḥ śrīhṛdayō mērupṛṣṭhō’rṇavōdharaḥ || 24 ||

kukṣistha-yakṣagandharvarakṣaḥkinnaramānuṣaḥ |
pṛthvīkaṭiḥ sṛṣṭiliṅgaḥ śailōrur-dasrajānukaḥ || 25 ||

pātāḷajaṅghō munipātkālāṅguṣṭha-strayītanuḥ |
jyōtirmaṇḍalalāṅgūlō hṛdayālānaniścalaḥ || 26 ||

hṛtpadmakarṇikāśālī viyatkēlisarōvaraḥ |
sadbhaktadhyānanigaḍaḥ pūjāvārīnivāritaḥ || 27 ||

pratāpī kaśyapasutō gaṇapō viṣṭapī balī |
yaśasvī dhārmikaḥ svōjāḥ prathamaḥ prathamēśvaraḥ || 28 ||

cintāmaṇidvīpapatiḥ kalpadrumavanālayaḥ |
ratnamaṇḍapamadhyasthō ratnasiṃhāsanāśrayaḥ || 29 ||

tīvrāśirōdhṛtapadō jvālinīmaulilālitaḥ |
nandānanditapīṭhaśrīrbhōgadābhūṣitāsanaḥ || 30 ||

sakāmadāyinīpīṭhaḥ sphuradugrāsanāśrayaḥ |
tējōvatīśirōratnaṃ satyānityāvatamsitaḥ || 31 ||

savighnanāśinīpīṭhaḥ sarvaśaktyambujāśrayaḥ |
lipipad māsanādhārō vahnidhāmatrayāśrayaḥ || 32 ||

unnataprapadō gūḍhagulphaḥ saṃvṛttapārṣṇikaḥ |
pīnajaṅghaḥ śliṣṭajānuḥ sthūlōruḥ prōnnamatkaṭiḥ || 33 ||

nimnanābhiḥ sthūlakukṣiḥ pīnavakṣā bṛhadbhujaḥ |
pīnaskandhaḥ kambukhaṇṭhō lambōṣṭhō lambanāsikaḥ || 34 ||

bhagnavāmaradastunga-savyadantō mahāhanuḥ |
hrasvanētratrayaḥ śūrpakarṇō nibiḍamastakaḥ || 35 ||

stabakākārakumbhāgrō ratnamaulir-niraṅkuśaḥ |
sarpahārakaṭīsūtraḥ sarpayajñōpavītavān || 36 ||

sarpakōṭīrakaṭakaḥ sarpagraivēyakāṅgadaḥ |
sarpakakṣyōdarābandhaḥ sarparājōttarīyakaḥ || 37 ||

raktō raktāmbaradharō raktamālyavibhūṣaṇaḥ |
raktēkṣaṇō raktakarō raktatālvōṣṭhapallavaḥ || 38 ||

śvētaḥ śvētāmbaradharō śvētāmālyavibhūṣaṇaḥ |
śvētātapatraruciraḥ śvētacāmaravījitaḥ || 39 ||

sarvāvayavasampūrṇa-sarvalakṣaṇalakṣitaḥ |
sarvābharaṇaśōbhāḍhyaḥ sarvaśōbhāsamanvitaḥ || 40 ||

sarvamaṅgaḷamāṅgaḷyaḥ sarvakāraṇakāraṇam |
sarvadaikakaraḥ śārṅgī bījāpūrī gadādharaḥ || 41 ||

ikṣucāpadharaḥ śūlī cakrapāṇiḥ sarōjabhṛt |
pāśī dhṛtōtpalaḥ śālīmañjarībhṛt svadantabhṛt || 42 ||

kalpavallīdharō viśvābhayadaikakarō vaśī |
akṣamālādharō jñānamudrāvān mudgarāyudhaḥ || 43 ||

pūrṇapātrī kambudharō vidhṛtālisamudgakaḥ |
mātuluṅgadharaścūtakalikābhṛtkuṭhāravān || 44 ||

puṣkarasthasvarṇaghaṭī-pūrṇaratnābhivarṣakaḥ |
bhāratīsundarīnāthō vināyakaratipriyaḥ || 45 ||

mahālakṣmīpriyatamaḥ siddhalakṣmīmanōramaḥ |
ramāramēśapūrvāṅgō dakṣiṇōmāmahēśvaraḥ || 46 ||

mahīvarāhavāmāṅgō ratikandarpapaścimaḥ |
āmōdamōdajananaḥ sapramōdapramōdanaḥ || 47 ||

samēdhitasamṛddhaśrīr-ṛddhisiddhipravartakaḥ |
dattasaumukhyasumukhaḥ kāntikandaḷitāśrayaḥ || 48 ||

madanāvatyāśritāṅghriḥ kṛttadaurmukhyadurmukhaḥ |
vighnasampallavōpaghnasēvōnnidramadadhravaḥ || 49 ||

vighnakṛnnighnacaraṇō drāviṇīśaktisatkr̥taḥ |
tīvrāprasannanayanō jvālinīpālitāikadhṛk || 50 ||

mōhinīmōhanō bhōgadāyinīkāntimaṇḍitaḥ |
kāminīkāntavaktraśrīradhiṣṭhitavasundharaḥ || 51 ||

vasundharāmadōnnaddha-mahāśaṅkhanidhiprabhuḥ |
namadvasumatīmauli-mahāpadmanidhiprabhuḥ || 52 ||

sarvasadgurusaṃsēvyaḥ śōciṣkēśahṛdāśrayaḥ |
īśānamūrdhā dēvēndraśikhā pavananandanaḥ || 53 ||

agrapratyagranayanō dhivyāstrāṇāṃ-prayōgavit |
airāvatādisarvāśāvāraṇāvaraṇapriyaḥ || 54 ||

vajrādyastrapārivārō gaṇacaṇḍasamāśrayaḥ |
jayājayaparīvārō vijayāvijayāvahaḥ || 55 ||

ajitārcitapādābjō nityānityāvataṃsitaḥ |
vilāsinīkṛtōllāsaḥ śauṇḍīsaundaryamaṇḍitaḥ || 56 ||

anantānantasukhadaḥ sumaṅgaḷasumaṅgaḷaḥ |
icchāśaktijñānaśaktikriyāśaktiniṣēvitaḥ || 57 ||

subhagāsaṃśritapadō lalitālalitāśrayaḥ |
kāminīkāmanaḥ kāmamālinīkēḷilālitaḥ || 58 ||

sarasvatyāśrayō gaurīnandanaḥ śrīnikētanaḥ |
guruguptapadō vācāsiddhō vāgīśvarīpatiḥ || 59 ||

nalinīkāmukō vāmārāmō jyēṣṭhāmanōramaḥ |
raudrīmudritapādābjō humbījastuṅgaśaktikaḥ || 60 ||

viśvādijananatrāṇaḥ svāhāśaktiḥ sakīlakaḥ |
amṛtābdhikṛtāvāsō madaghūrṇitalōcanaḥ || 61 ||

ucchiṣṭagaṇa ucchiṣṭagaṇēśō gaṇanāyakaḥ |
sārvakālikasaṃsiddhir-nityaśaivō dighambaraḥ || 62 ||

anapāyō’nantadṛṣṭir-apramēyō’jarāmaraḥ |
anāvilō’pratīrathō hyacyutō’mṛtamakṣaram || 63 ||

apratarkyō’kṣayō’jayyō’nādhārō’nāmayō’malaḥ |
amōghasiddhiradvaitamag hōrō’pramitānanaḥ || 64 ||

anākārō’bdhibhūmyagnibalaghnō’vyaktalakṣaṇaḥ |
ādhārapīṭha ādhāra ādhārādhyēyavarjitaḥ || 65 ||

ākhukētana āśāpūraka ākhumahārathaḥ |
ikṣusāgaramadhyastha ikṣubhakṣaṇalālasaḥ || 66 ||

ikṣucāpātirēkaśrīr-ikṣucāpaniṣēvitaḥ |
indragōpasamānaśrīr-indranīlasamadyutiḥ || 67 ||

indīvaradalaśyāmaḥ indumaṇḍalanirmalaḥ |
id hmapriya iḍābhāga iḍādhāmēndirāpriyaḥ || 68 ||

ikṣvākuvighnavidhvaṃsī itikartavyatēpsitaḥ |
īśānamaulir-īśāna īśānasuta ītihā || 69 ||

īṣaṇātrayakālpānta īhāmatravivarjitaḥ |
upēndra uḍubhṛnmauliruṇḍērakabalipriyaḥ || 70 ||

unnatānana uttungaḥ udāratridaśāgraṇīḥ |
ūrjasvānūṣmalamadha ūhāpōhadurāsadaḥ || 71 ||

ṛgyajuḥsāmasambhūtir-ṛddhisiddhipravartakaḥ |
ṛjucittaikasulabhaḥ ṛṇatrayavimōcakaḥ || 72 ||

luptavighnaḥ svabhaktānāṃ luptaśaktiḥ suradhviṣām |
luptaśrīrvimukhārcānāṃ lūtāvisphōṭanāśanaḥ || 73 ||

ēkārapīṭhamadhyasthaḥ ēkapādakṛtāsanaḥ |
ējitākhiladaityaśrīrēdhitākhilasaṃśrayaḥ || 74 ||

aiśvaryanidhir-aiśvarya-maiḥikāmuṣmikapradaḥ |
airammadhasamōnmēṣaḥ airāvatanibhānanaḥ || 75 ||

ōṃkāravācya ōṃkāra ōjasvānōṣadhīpatiḥ |
audāryanidhir-aud dhyadhurya aunnatyanisvanaḥ || 76 ||

aṅkuśaḥ-suranāgānām-aṅkuśaḥ-suravidviṣām |
aḥ-samasta-visargānta-padēṣu-parikīrtitaḥ || 77 ||

kamaṇḍaludharaḥ kalpaḥ kapardī kalabhānanaḥ |
karmasākṣī karmakartā karmākamaphala-pradaḥ || 78 ||

kadambagōlakākāraḥ kūṣmāṇḍagaṇanāyakaḥ |
kāruṇyadēhaḥ kapilaḥ kathakaḥ kaṭīsūtrabhṛt || 79 ||

kharvaḥ khaḍgapriyaḥ khaḍgakhātāntasthaḥ khanirmalaḥ |
khalvāṭaśṛṅganilayaḥ khaṭvāṅgī khadurāsadaḥ || 80 ||

guṇāḍhyō gahanō gasthō gadyapadyasudhārṇavaḥ |
gadyagānapriyō garjō gītagīrvāṇapūrvajaḥ || 81 ||

guhyācāraratō guhyō guhyāgamanirūpitaḥ |
guhāśayō guhābdhisthō gurugamyō gurōrguruḥ || 82 ||

ghaṇṭāghargharīkāmālī ghaṭakumbhō ghaṭōdharaḥ |
caṇḍaścaṇḍēśvarasuhṛc-caṇḍīśaścaṇḍavikramaḥ || 83 ||

carācarapatiś-cintāmaṇicarvaṇalālasaḥ |
chandaś-chandōvapuś-chandōdurlakṣyaś-chandovigrahaḥ || 84 ||

jagadhyōnir-jagatsākṣī jagadīśō jaganmayaḥ |
japō japaparō japyō jihvāsiṃhāsanaprabhuḥ || 85 ||

jhalajjhalōllasaddāna-jhaṅkāribhramarākulaḥ |
ṭaṅkārasphārasaṃrāvaṣ-ṭaṅkārimāṇinūpuraḥ || 86 ||

ṭhadvayīpāllavāntaḥsthasarvamantraikasiddhidaḥ |
ḍiṇḍimuṇḍō ḍākinīśō ḍāmarō ḍiṇḍimapriyaḥ || 87 ||

ḍhakkāninādāmuditō ḍhaukō ḍhuṇḍhivināyakaḥ |
tattvānāṃ paramaṃ tattvaṃ tattvaṃ padanirūpitaḥ || 88 ||

tārakāntarasaṃsthānas-tārakas-tārakāntakaḥ |
sthāṇuḥ sthāṇupriyaḥ sthātā sthāvaraṃ jaṅgamaṃ jagat || 89 ||

dakṣayajñapramathanō dātā dānavamōhanaḥ |
dayāvān dhivyavibhavō daṇḍabhṛddaṇḍanāyakaḥ || 90 ||

dhantaprabhinnābhramālō daityavāraṇadhāraṇaḥ |
daṃṣṭrālagnadvipaghaṭō dēvārthanṛgajākritiḥ || 91 ||

dhanadhānyapatir-dhanyō dhanadhō dharaṇīdharaḥ |
dhāynaikaprakāṭō dhyēyō dhyānaṃ dhāynaparāyaṇaḥ || 92 ||

nandhyō nandhipriyō nādō nādamadhyapratiṣṭhitaḥ |
niṣkaḷō nirmalō nityō nityānityō nirāmayaḥ || 93 ||

paraṃ vyōma paraṃ dhāma paramātmā paraṃ padam |
parātparaḥ paśupat iḥ paśupāśavimōcakaḥ || 94 ||

pūrṇānandaḥ parānandaḥ purāṇapuruṣōttamaḥ |
padmaprasannanayanaḥ praṇatā’jñānamōcanaḥ || 95 ||

pramāṇapratyayātītaḥ praṇatārtinivāraṇaḥ |
phalahastaḥ phaṇipatiḥ phētkāraḥ phāṇitapriyaḥ || 96 ||

bāṇārcitāṅghriyugaḷō bālakēḷikutūhalī |
brahma brahmārcitapadō brahmacārī bṛhaspatiḥ || 97 ||

bṛhattamō brahmaparō brahmaṇyō brahmavit-priyaḥ |
bṛhadnādāgryacītkārō brahmāṇḍāvalimēkhalaḥ || 98 ||

bhrūkṣēpadattalakṣmīkō bhargō bhadrō bhayāpahaḥ |
bhagavān bhaktisulabhō bhūtidō bhūtibhūṣaṇaḥ || 99 ||

bhavyō bhūtālayō bhōgadātā bhrūmadhyagōcaraḥ |
mantrō mantrapatir-mantrī madamattamanōramaḥ || 100 ||

mēkhalāvān mandagatir-matimatkamalēkṣaṇaḥ |
mahābalō mahāvīryō mahāprāṇō mahāmanāḥ || 101 ||

yajñō yajñapatir-yajñagōptā yajñaphalapradaḥ |
yaśaskarō yōgagamyō yājñikō yājakapriyaḥ || 102 ||

rasō rasapriyō rasyō rañjakō rāvaṇārcitaḥ |
rakṣōrakṣākarō ratnagarbhō rājyasukha-pradaḥ || 103 ||

lakṣyaṃ lakṣapradō lakṣyō layasthō laḍḍukapriyaḥ |
lānapriyō lāsyaparō lābhakṛllōkaviśrutaḥ || 104 ||

varēṇyō vahnivadanō vandyō vēdāntagōcaraḥ |
vikartā viśvataś-cakṣur-vidhātā viśvatōmukhaḥ || 105 ||

vāmadēvō viśvanētā vajrī-vajranivāraṇaḥ |
viśvabandhanaviṣkambhādhārō viśvēśvaraprabhuḥ || 106 ||

śabdabrahma śamaprāpyaḥ śambh uśaktigaṇēśvaraḥ |
śāstā śikhāgranilayaḥ śaraṇyaḥ śikharīśvaraḥ || 107 ||

ṣaḍṛtukusumasragvī ṣāḍādhāraḥ ṣaḍakṣaraḥ |
samsāravaidhyaḥ sarvajñaḥ sarvabhēṣajabhēṣajam || 108 ||

sṛṣṭisthitilayakrīḍaḥ surakuñjarabhēdanaḥ |
sindūritamahākumbhaḥ sadasadvyaktidhāyakaḥ || 109 ||

sākṣī samudramathanaḥ svasaṃvēdhyaḥ svadakṣiṇaḥ |
svatantraḥ satyasaṅkalpaḥ sāmagānārataḥ sukhī || 110 ||

haṃsō hastipiśācīśō havanaṃ havyakavyabhuk |
havyō hutapriyaḥ harṣō hṛllēkhāmantramadhyagaḥ || 111 ||

kṣētrādhipaḥ kṣamābhartā kṣamāparaparāyaṇaḥ |
kṣiprakṣēmakaraḥ kṣēmānandhaḥ kṣōṇīsuradruvaḥ || 112 ||

dharmapradō’rthadaḥ kāmadātā saubhāgyavardhanaḥ |
vidyāpradō vibhavadō bhuktimuktiphalapradaḥ || 113 ||

ābhirūpyakarō vīraśrīpradō vijayapradaḥ |
sarvavaśyakarō garbhadōṣahā putrapautradaḥ || 114 ||

mēdhādaḥ kīrtidaḥ śōkahārī dāurbhāgyanāśanaḥ |
prativādimukhastambhō ruṣṭacittaprasādanaḥ || 115 ||

parābhicāraśamanō duḥkhabhañjanakārakāḥ |
lavastruṭiḥ kalā kāṣṭhā nimēṣastatparaḥ kṣaṇaḥ || 116 ||

ghaṭī muhūrtaṃ praharō divā-naktamaharniśam |
pakṣō māsō’yanaṃ varṣaṃ yugaṃ kalpō mahālayaḥ || 117 ||

rāśistārā tithir-yōgō vāraḥ karaṇāmaṃśakam |
lagnaṃ hōrā kālacakraṃ mēruḥ saptarṣayō dhruvaḥ || 118 ||

rāhur-mandhaḥ kavirjīvō budhō bhaumaḥ śaśī raviḥ |
kālaḥ sṛṣṭiḥ sthitir-viśvaṃ sthāvaraṃ jaṅgamaṃ ca yat || 119 ||

bhūrāpō’gnirmarudhvyōmāhaṃkṛtiḥ prakṛtiḥ pumān |
brahmā viṣṇuḥ śivō rudraḥ īśaḥ śaktiḥ sadāśivaḥ || 120 ||

tridaśāḥ pitaraḥ siddhā yakṣā rakṣāṃsi kinnarāḥ |
sādhyā vidhyādharā bhūtā manuṣyāḥ paśavaḥ khagāḥ || 121 ||

samudrāḥ saritaḥ śailāḥ bhūtaṃ bhavyaṃ bhavōdbhavaḥ |
sāṅkhyaṃ pātañjalaṃ yōgaḥ purāṇāni śrutiḥ smṛtiḥ || 122 ||

vēdāṅgāni sadācārō mīmāṃsā nyāyavistaraḥ |
āyurvēdō dhanurvēdō gāndharvaṃ kāvyanāṭakam || 123 ||

vaikhānasaṃ bhāgavataṃ sātvataṃ pāñcarātrakam |
śaivaṃ pāśupataṃ kālāmukhaṃ bhairavaśāsanam || 124 ||

śāktaṃ vaināyakaṃ sauraṃ jainamārhatasaṃhitā |
sadasadvyaktam-avyaktaṃ sacētanam-acētanam || 125 ||

bandhō mōkṣaḥ sukhaṃ bhōgō’yōgaḥ satyamaṇurmahān |
svasti huṃ phaṭ svadhā svāhā śrauṣaḍvauṣaḍvṣaṇṇamaḥ || 126 ||

jñānaṃ vijñānamānandō bōdhāḥ saṃvicchamō yamaḥ |
ēka ēkākṣarādhāraḥ ēkākṣaraparāyaṇaḥ || 127 ||

ēkāgradhīr-ēkavīraḥ ēkānēkasvarūpadhṛk |
dvirūpō dhibhujō dhvyakṣō dhviradhō dhvīparakṣakaḥ || 128 ||

dhvaimāturō dhvivadhanō dhvandvātītō dhvayātigaḥ |
tridhāmā trikarastrētā trivargaphaladhāyakaḥ || 129 ||

triguṇātmā trilōkādis-triśaktīśastrilōcanaḥ |
caturbāhuś-caturdantash-caturātmā caturmukhaḥ || 130 ||

caturvidhōpāyamayaś-caturvarṇāśramāśrayaḥ |
caturvidhavacōvṛttiparivṛttipravartakaḥ || 131 ||

caturthīpūjanaprītaś-caturthītithisambhavaḥ |
pañcākṣarātmā pañcātmā pañcāsyaḥ pañcakṛtyakṛt || 132 ||

pañcādhāraḥ pañcavarṇaḥ pañcākṣaraparāyaṇaḥ |
pañcatālaḥ pañcakaraḥ pañcapraṇavabhāvitaḥ || 133 ||

pañcabrahmamayasphūrtiḥ pañcāvaraṇavāritaḥ |
pañcabhakṣyapriyaḥ pañcabāṇaḥ pañcaśivātmakaḥ || 134 ||

ṣaṭkōṇapīṭhaḥ ṣaṭcakradhāmā ṣaḍgranthibhēdakaḥ |
ṣaḍadhvadhvāntavidhvaṃsī ṣāḍaṅgula mahāhradaḥ || 135 ||

ṣaṇmukhaḥ ṣaṇmukhabhrātā ṣaṭchaktiparivāritaḥ |
ṣaḍvairivargavidhvaṃsī ṣaḍūrmibhayabhañjanaḥ || 136 ||

ṣaṭtarkadhūraḥ ṣaṭkarmanirataḥ ṣaḍrasāśrayaḥ |
saptapātālacaraṇas-saptadvīpōrumaṇḍalaḥ || 137 ||

saptasvarlōkamukuṭaḥ saptasaptivarapradaḥ |
saptāṅgarājyasukha-daḥ saptarṣigaṇamaṇḍitaḥ || 138 ||

saptachandōnidhiḥ saptahōtā saptasvarāśrayaḥ |
saptābdhikēḷikāsāraḥ saptamātṛniṣēvitaḥ || 139 ||

saptachandōmōdamadaḥ saptachandōmakhaprabhuḥ |
aṣṭamūrtidhyēyamūrtir-aṣṭaprakṛtikāraṇam || 140 ||

aṣṭāṅgayōgaphalabhūr-aṣṭapatrāmbujāsanaḥ |
aṣṭaśaktisamṛddhaśrīr-aṣṭaiśvaryapradāyakaḥ || 141 ||

aṣṭapīṭhōpapīṭhaśrīr-aṣṭamātṛsamāvṛtaḥ |
aṣṭabhairavasēvyō’ṣṭavasuvandyō’ṣṭamūrtibhṛt || 142 ||

aṣṭacakrasphurmanmūrtir-aṣṭadravyahaviḥ-priyaḥ |
navanāgāsanādhyāsī navanidhyanuśāsitā || 143 ||

navadhvārapurādhārō navādhāranikētanaḥ |
navanārāyaṇastutyō navadhurgāniṣēvitaḥ || 144 ||

navanāthamahānāthō navanāgavibhūṣaṇaḥ |
navaratnavicitrāṅgō navaśaktiśirōdhṛtaḥ || 145 ||

daśātmakō daśabhujō daśadhikpativanditaḥ |
daśādhyāyō daśaprāṇō daśēndriyaniyāmakaḥ || 146 ||

daśākṣaramahāmantrō daśāśāvyāpivigrahaḥ |
ēkādaśādibhīrudraiḥstuta ēkādaśākṣaraḥ || 147 ||

dhvādaśōddhaṇḍadhōrdaṇḍō dhvādaśāntanikētanaḥ |
trayōdaśābhidhābhinnāviśvēdhēvādhidhaivatam || 148 ||

caturdaśēndravaradaś-caturdaśamanuprabhuḥ |
caturdaśādividyāḍhyaś-caturdaśajagatprabhuḥ || 149 ||

sāmapañcadaśaḥ pañcadaśīśītāṃśunirmalaḥ |
ṣōḍaśādhāranilayaḥ ṣōḍaśasvaramātṛkaḥ || 150 ||

ṣōḍaśāntapadāvāsaḥ ṣōḍaśēndukaḷātmakaḥ |
kaḷāsaptadaśī saptadaśaḥ saptadaśākṣaraḥ || 151 ||

aṣṭādaśadhvīpapati r-aṣṭādaśapurāṇakṛt |
aṣṭādaśauṣadhīsṛṣṭir-aṣṭādaśavidhismṛtaḥ || 152 ||

aṣṭādaśalipivyaṣṭisamaṣṭijñānakōvidaḥ |
ēkaviṃśaḥpumānēkaviṃśatyanguḷipallavaḥ || 153 ||

caturviṃśatitattvātmā pañcaviṃśākhyapūruṣaḥ |
saptaviṃśatitārēśaḥ saptaviṃśatiyōgakṛt || 154 ||

dhvātriṃśadbhairavādhīśaś-catustriṃśanmahāhradaḥ |
ṣaṭtriṃśattattvasambhūtir-aṣṭatriṃśatkaḷātanuḥ || 155 ||

namadhēkōnapañcāśanmarudhvarganirargaḷaḥ |
pañcāśadakṣaraśrēṇī pañcāśadrudhravigrahaḥ || 156 ||

pañcāśadv iṣṇuśaktīśaḥ pañcāśanmātṛkālayaḥ |
dhvīpañcāśadhvapuḥśrēṇī triṣaṣṭyakṣarasaṃśrayaḥ || 157 ||

catuḥṣaṣṭyarṇanirṇētā catuḥṣaṣṭikaḷānidhiḥ |
catuḥṣaṣṭimahāsiddhayōginībṛndavanditaḥ || 158 ||

aṣṭaṣaṣṭimahātīrthakṣētrabhairavabhāvanaḥ |
caturṇavatimantrātmā ṣaṇṇavatyadhikaprabhuḥ || 159 ||

śatānandhaḥ śatadhṛtiḥ śatapatrāyatēkṣaṇaḥ |
śatānīkaḥ śatamakhaḥ śatadhārāvarāyudhaḥ || 160 ||

sahasrapatranilayaḥ sahasraphaṇabhūṣaṇaḥ |
sahasraśīrṣā puruṣaḥ sahasrākṣaḥ sahasrapāt || 161 ||

sahasranāmasaṃstutyah sahasrākṣabalāpahaḥ |
daśasāhasraphaṇabhṛt-phaṇirājakr̥tāsanaḥ || 162 ||

aṣṭāśītisahasrādhya maharṣistōtrayantritaḥ |
lakṣādhīśapriyādhārō lakṣādhāramanōmayaḥ || 163 ||

caturlakṣajapaprītaś-caturlakṣaprakāśitaḥ |
caturaśītilakṣāṇāṃ jīvānāṃ dēhasaṃsthitaḥ || 164 ||

kōṭisūryapratīkāśaḥ kōṭicandrāṃśunirmalaḥ |
śivābhavādhyuṣṭakōṭivināyakadhurandharaḥ || 165 ||

saptakōṭimahāmantra-mantritāvayavadhutiḥ |
trayastriṃśatkōṭisuraśrēṇīpraṇatapādhukaḥ || 166 ||

anantanāmā’nantaśrīr-anantā’nantasaukhyadaḥ |
iti vaināyakaṃ nāmnāṃ sahasramidamīritam || 167 ||

Phalaśruti:

idaṃ brāhmē muhūrtē vai yaḥ paṭhētpratyahaṃ naraḥ |
karasthaṃ tasya sakalam-aihikāmuṣmikaṃ sukham || 168 ||

āyurārōgyama iśvaryaṃ dhairyaṃ śauryaṃ balaṃ yaśaḥ |
mēdhā prajñā dhṛtiḥ kāntiḥ saubhāgyamatirūpatā || 169 ||

satyaṃ dayā kṣamā śāntir-dhākṣiṇyaṃ dharmaśīlatā |
jagatsaṃyamanaṃ viśvasaṃvādō vādhapāṭavam || 170 ||

sabhāpāṇḍityamaudāryaṃ gāmbhīryaṃ brahmavarcasam |
aunnathyaṃ ca kulaṃ śīlaṃ pratāpō vīryamāryatā || 171 ||

jñānaṃ vijñānamāstikyaṃ sthairyaṃ viśvātiśāyitā |
dhanadhānyābhivṛiddhiśca sakṛd-asya japādbhavēt || 172 ||

vaśyaṃ caturvidhaṃ nṛṇāṃ japād-asya prajāyatē |
rājñō rājakalotrasya rājaputrasya mantriṇaḥ || 173 ||

japyatē yasya vaśyārthaṃ sa dāsas-tasya jāyatē |
dharmārthakāmamōkṣāṇām-anāyāsēna sādhanam || 174 ||

śākinīḍākinīrakṣō-yakṣōragabhayāpaham |
sāmrājyasukha-daṃ caiva samastaripumardanam || 175 ||

samastakalahadhvamsi dhagdhabījaprārōhaṇam |
duḥkhapraśamanaṃ kruddhasvāmīcittaprasādanam || 176 ||

ṣaṭkarmāṣṭamahāsiddhitrikālajñānasādhanam |
parakṛityōpaśamanaṃ paracakravimardanam || 177 ||

saṅgrāmaraṅgē sarvēṣāmidamēkaṃ jayāvaham |
sarvavandhyātvadhōṣaghnaṃ garbharakṣaikakāraṇam || 178 ||

paṭhyatē pratyahaṃ yatra stōtraṃ gaṇapatēridam |
dhēśē tatra na durbhikṣam-ītayō dhuritāni ca || 179 ||

na tadgṛhaṃ jahāti śrīr-yatrāyaṃ paṭhyatē stavaḥ |
kṣayakuṣṭhapramēhārśōbhagandharaviṣūcikāḥ || 180 ||

gulmaṃ plīhānam-aśmāna-matisāraṃ mahōdharam |
kāsaṃ śvāsām-udāvaṛtaṃ śūlaśōkādisambhavam || 181 ||

śirōrōgaṃ vamiṃ hikkāṃ gaṇḍāmālām-arōcakam |
vātapittakapha-dhvandva-tridōṣajanitajvaram || 182 ||

āgantuṃ viṣamaṃ śītam-uṣṇaṃ caikāhikādikam |
ityādyuktamanuktaṃ vā rōgaṃ dhōṣādisambhavam || 183 ||

sarvaṃ praśamayatyāśu stōtrasyāsya sakṛjjapāt |
sakṛtpāṭhēna saṃsiddhiḥ strīśūdhrapatitairapi || 184 ||

sahasranāmamantrō’yaṃ japitavyaḥ śubhāptayē |
mahāgaṇapatēḥ stōtraṃ sakāmaḥ prajapann-idam || 185 ||

icchitān-sakalān bhōgānupabhujyēha pārthivān |
manōrathaphalair-divyair-vyōmayānair-manōramaiḥ || 186 ||

candrēndrabhāskarōpēndra-brahmaśarvādisadhmasu |
kāmarūpaḥ kāmagatiḥ kāmātō vicaraṇ-niha || 187 ||

bhuktvā yathēpsitān bhōgānabhīṣṭān saha bandhubhiḥ |
gaṇēśānucarō bhūtvā mahāgaṇapatēḥ priyaḥ || 188 ||

nandīśvarādi-sānandī-nanditaḥ sakalaigaṇaiḥ |
śivābhyāṃ kr̥payā putranirviśēṣaṃ ca lālitaḥ || 189 ||

śivabhaktaḥ pūrṇakāmaḥ gaṇēśvaravarātpunaḥ |
jātismarō dharmaparaḥ sārvabhāumō’bhijāyatē || 190 ||

niṣkāmastu japannityaṃ bhaktyā vighnēśatatparaḥ |
yōgasiddhiṃ parāṃ prāpya jñānavairāgyasaṃsthitaḥ || 191 ||

nirantarōditānandē paramānandasaṃvidi |
viśvōttīrṇē parē pārē punarāvṛittivarjitē || 192 ||

līnō vaināyakē dhāmni ramatē nityanirvṛtaḥ |
yō nāmabhirhunēdētai-rarcayēt-pūjayēnnaraḥ || 193 ||

rājānō vaśyatāṃ yānti ripavō yānti dhāsatām |
mantrāḥ siddhyanti sarvē’pi sulabhās-tasya siddhayaḥ || 194 ||

mūlamantrādhapi stōtramidaṃ priyataraṃ mama |
nabhasyē māsi śuklāyāṃ caturthyāṃ mama janmani || 195 ||

dhūrvābhirnāmabhiḥ pūjāṃ tarpaṇaṃ vidhivaccharēt |
aṣṭadravyairviśēṣēṇa juhuyādhbhaktisaṃyutaḥ || 196 ||

tasyēpsitāni sarvāṇi siddhyantyatra na saṃśayaḥ |
id am prajaptaṃ paṭhitaṃ pāṭhitaṃ śrāvitaṃ śrutam || 197 ||

vyākṛtaṃ carcitaṃ dhyātaṃ vimṛṣṭam-abhinanditam |
ihāmutra ca sarvēṣāṃ viśv aiśvaryapradāyakam || 198 ||

svacchandacāriṇāpyēṣa yēnāyaṃ dhāryatē stavaḥ |
sa rakṣyatē śivōdbhūtairgaṇair-adhyuṣṭakōṭibhiḥ || 199 ||

pustakē likhitaṃ yatra gṛhē stōtraṃ prapūjayēt |
tatra sarvōttamā lakṣmīḥ sannidhattē nirantaram || 200 ||

dānair-aśēṣair-akhilair-vrat aiśca
tīrthair-aśēṣair-akhilair-makhaiśca |
na tat-phalaṃ vindati yad-gaṇēśa-
sahasranāmnāṃ smaraṇēna sadyah || 201 ||

ētannāmnāṃ sahasraṃ paṭhati dinamāṇāu pratyahaṃ prōjjihānē
sāyaṃ madhyandhinē vā triṣavaṇam-athavā santataṃ vā janō yaḥ |
sa syādh-aiśvaryadhuryaḥ prabhavati vacasāṃ kīrtim-uccaistanōti
pratyūhaṃ hanti viśvaṃ vaśayati suciraṃ vardhatē putrapautraiḥ || 202 ||

akiñcanō’pi matprāpticintakō niyatāśanaḥ |
japēttu caturō māsān gaṇēśārcanatatparaḥ || 203 ||

dharidratāṃ samunmūlya saptajanmānugāmapi |
labhatē mahatīṃ lakṣmīmityājñā pāramēśvarī || 204 ||

āyuṣyaṃ vītarōgaṃ kulamativimalaṃ sampadhaś-cārtadhānāḥ
kīrtir-nityāvadātā bhaṇitirabhinavā kāntiravyādhibhavyā |
putrāḥ santaḥ kalatroṃ guṇavadabhimataṃ yadyadētacca satyaṃ
nityaṃ yaḥ stōtramētat-paṭhati gaṇapatēstasya hastē samastam || 205 ||

gaṇañjayō gaṇapatirhērambō dharaṇīdharaḥ |
mahāgaṇapatir-lakṣapradah kṣipraprasādanaḥ || 206 ||

amōghasiddhir-amitō mantra-ścintāmaṇirnidhiḥ |
sumaṅgaḷō bījamāśāpūrakaō varadhaḥ śivaḥ || 207 ||

kāśyapō nandanō vācāsiddhō ḍhuṇḍhivināyakaḥ |
mōdhakair-ēbhir-atraikaviṃśatyā nāmabhiḥ pumān || 208 ||

yaḥ stāuti madgathamanā mamārādhanatatparaḥ |
stutō nāmnāṃ sahasrēṇa tēnāhaṃ nātra saṃśayaḥ || 209 ||

namō namaḥ suravarapūjitāṅghrayē
namō namō nirupamamaṅgaḷātmanē |
namō namō vipulapadaikasiddhayē
namō namaḥ karikalabhānanāya tē || 210 ||

kiṅkiṇīgaṇaraṇitastavacaraṇaḥ
prakaṭitahurumaticaritaviśēṣaḥ |
madajalalāharīkaḷitakapōlaḥ
śamayatu dhuritaṃ gaṇapatidhēvaḥ || 211 ||

iti śrīgaṇēśapurāṇē upāsanākhaṇḍē mahāgaṇapatiprōktaṃ śrī mahā gaṇapati sahasranāma stōtraṃ sampūrṇam |