శ్రీ గణనాథ స్తోత్రం
గర్భ ఉవాచ |
నమస్తే గణనాథాయ బ్రహ్మణే బ్రహ్మరూపిణే |
అనాథానాం ప్రణాథాయ విఘ్నేశాయ నమో నమః || ౧ ||
జ్యేష్ఠరాజాయ దేవాయ దేవదేవేశమూర్తయే |
అనాదయే పరేశాయ చాదిపూజ్యాయ తే నమః || ౨ ||
సర్వపూజ్యాయ సర్వేషాం సర్వరూపాయ తే నమః |
సర్వాదయే పరబ్రహ్మన్ సర్వేశాయ నమో నమః || ౩ ||
గజాకారస్వరూపాయ గజాకారమయాయ తే |
గజమస్తకధారాయ గజేశాయ నమో నమః || ౪ ||
ఆదిమధ్యాంతభావాయ స్వానందపతయే నమః |
ఆదిమధ్యాంతహీనాయ త్వాదిమధ్యాంతగాయ తే || ౫ ||
సిద్ధిబుద్ధిప్రదాత్రే చ సిద్ధిబుద్ధివిహారిణే |
సిద్ధిబుద్ధిమయాయైవ బ్రహ్మేశాయ నమో నమః || ౬ ||
శివాయ శక్తయే చైవ విష్ణవే భానురూపిణే |
మాయినాం మాయయా నాథ మోహదాయ నమో నమః || ౭ ||
కిం స్తౌమి త్వాం గణాధీశ యత్ర వేదాదయోఽపరే |
యోగినః శాంతిమాపన్నా అతస్త్వాం ప్రణమామ్యహమ్ || ౮ ||
రక్ష మాం గర్భదుఃఖాత్త్వం త్వామేవ శరణాగతమ్ |
జన్మమృత్యువిహీనం వై కురుష్వ తే పదప్రియమ్ || ౯ ||
ఇతి శ్రీమన్ముద్గలే మహాపురాణే నవమ ఖండే శ్రీ గణనాథ స్తోత్రం ||
Sri Gananatha Stotram
garbha uvāca |
namastē gaṇanāthāya brahmaṇē brahmarūpiṇē |
anāthānāṃ praṇāthāya vighnēśāya namō namaḥ || 1 ||
jyēṣṭharājāya dēvāya dēvadēvēśamūrtayē |
anādayē parēśāya cādipūjyāya tē namaḥ || 2 ||
sarvapūjyāya sarvēṣāṃ sarvarūpāya tē namaḥ |
sarvādayē parabrahman sarvēśāya namō namaḥ || 3 ||
gajākārasvarūpāya gajākāramayāya tē |
gajamastakadhāraya gajēśāya namō namaḥ || 4 ||
ādimadhyāntabhāvāya svānandapatayē namaḥ |
ādimadhyāntahīnāya tvādimadhyāntagāya tē || 5 ||
siddhibuddhipradātrē ca siddhibuddhivihāriṇē |
siddhibuddhimayāyaiva brahmēśāya namō namaḥ || 6 ||
śivāya śaktayē caiva viṣṇavē bhānurūpiṇē |
māyināṃ māyayā nātha mōhadāya namō namaḥ || 7 ||
kiṃ staumi tvāṃ gaṇādhīśa yatra vēdādayō’parē |
yōginaḥ śāntimāpannā atastvāṃ praṇamāmyaham || 8 ||
rakṣa māṃ garbhaduḥkhāttvaṃ tvāmēva śaraṇāgatam |
janmamṛtyuvihīnaṃ vai kuruṣva tē padapriyam || 9 ||
iti śrīmanmudgalē mahāpurāṇē navama khaṇḍē śrī gaṇanātha stōtram ||