శ్రీ దుర్గా దేవి కవచం
ఈశ్వర ఉవాచ |
శృణు దేవి ప్రవక్ష్యామి కవచం సర్వసిద్ధిదమ్ |
పఠిత్వా పాఠయిత్వా చ నరో ముచ్యేత సంకటాత్ || ౧ ||
అజ్ఞాత్వా కవచం దేవి దుర్గామన్త్రం చ యో జపేత్ |
న చాప్నోతి ఫలం తస్య పరం చ నరకం వ్రజేత్ || ౨ ||
ఉమాదేవీ శిరః పాతు లలాటే శూలధారిణీ |
చక్షుషీ ఖేచరీ పాతు కర్ణౌ చత్వరవాసినీ || ౩ ||
సుగన్ధా నాసికం పాతు వదనం సర్వధారిణీ |
జిహ్వాం చ చణ్డికాదేవీ గ్రీవాం సౌభద్రికా తథా || ౪ ||
అశోకవాసినీ చేతో ద్వౌ బాహూ వజ్రధారిణీ |
హృదయం లలితాదేవీ ఉదరం సింహవాహినీ || ౫ ||
కటిం భగవతీ దేవీ ద్వావూరూ వింధ్యవాసినీ |
మహాబలా చ జంఘే ద్వే పాదౌ భూతలవాసినీ || ౬ ||
ఏవం స్థితాఽసి దేవి త్వం త్రైలోక్యే రక్షణాత్మికా |
రక్ష మాం సర్వగాత్రేషు దుర్గే దేవి నమోఽస్తు తే || ౭ ||
ఇతి శ్రీ దుర్గా దేవి కవచం ||
śrī durgā dēvi kavacam
īśvara uvāca |
śr̥ṇu dēvi pravakṣyāmi kavacaṃ sarvasiddhidam |
paṭhitvā pāṭhayitvā ca narō mucyēta saṅkaṭāt || 1 ||
ajñātvā kavacaṃ dēvi durgāmantraṃ ca yō japēt |
na cāpnōti phalaṃ tasya paraṃ ca narakaṃ vrajēt || 2 ||
umādēvī śiraḥ pātu lalāṭē śūladhāriṇī |
cakṣuṣī khēcarī pātu karṇāu catvaravāsinī || 3 ||
sugandhā nāsikaṃ pātu vadanaṃ sarvadhāriṇī |
jihvāṃ ca caṇḍikādēvī grīvāṃ sāubhādrikā tathā || 4 ||
aśōkavāsinī cētō dvāu bāhū vajradhāriṇī |
hr̥dayaṃ lalitādēvī udaraṃ siṃhavāhinī || 5 ||
kaṭiṃ bhagavatī dēvī dvāvūrū vindhyavāsinī |
mahābalā ca jaṅghē dvē pādāu bhūtalavāsinī || 6 ||
ēvaṃ sthitā'si dēvi tvaṃ trailōkyē rakṣaṇātmikā |
rakṣa māṃ sarvagātrēṣu durgē dēvi namō'stu tē || 7 ||
iti śrī durgā dēvi kavacam ||