శ్రీ చిదంబరేశ్వర స్తోత్రం
౧. కృపాసముద్రం సుముఖం త్రినేత్రం
జటాధరం పార్వతీవామభాగమ్ |
సదాశివం రుద్రమనంతరూపం
చిదంబరేశం హృది భావయామి ||
౨. వాచామతీతం ఫణిభూషణాంగం
గణేశతాతం ధనదస్య మిత్రమ్ |
కందర్పనాశం కమలోత్పలాక్షం
చిదంబరేశం హృది భావయామి ||
౩. రమేశవంద్యం రజతాద్రినాథం
శ్రీవామదేవం భవదుఃఖనాశమ్ |
రక్షాకరం రాక్షసపీడితానాం
చిదంబరేశం హృది భావయామి ||
౪. దేవాదిదేవం జగదేకనాథం
దేవేశవంద్యం శశిఖండచూడమ్ |
గౌరీసమేతం కృతవిఘ్నదక్షం
చిదంబరేశం హృది భావయామి ||
౫. వేదాంతవేద్యం సురవైరివిఘ్నం
శుభప్రదం భక్తిమదంతరాణామ్ |
కాలాంతకం శ్రీకరుణాకటాక్షం
చిదంబరేశం హృది భావయామి ||
౬. హేమాద్రిచాపం త్రిగుణాత్మభావం
గుహాత్మజం వ్యాఘ్రపురీశమాద్యమ్ |
శ్మశానవాసం వృషవాహనస్థం
చిదంబరేశం హృది భావయామి ||
౭. ఆద్యన్తశూన్యం త్రిపురారిమీశం
నందీశముఖ్యస్తుతవైభవాఢ్యమ్ |
సమస్తదేవైః పరిపూజితాంఘ్రిం
చిదంబరేశం హృది భావయామి ||
౮. తమేవ భాన్తం హ్యనుభాతిసర్వ-
-మనేకరూపం పరమార్థమేకమ్ |
పినాకపాణిం భవనాశహేతుం
చిదంబరేశం హృది భావయామి ||
౯. విశ్వేశ్వరం నిత్యమనంతమాద్యం
త్రిలోచనం చంద్రకలావతంసమ్ |
పతిం పశూనాం హృది సన్నివిష్టం
చిదంబరేశం హృది భావయామి ||
౧౦. విశ్వాధికం విష్ణుముఖైరుపాస్యం
త్రిలోచనం పంచముఖం ప్రసన్నమ్ |
ఉమాపతిం పాపహరం ప్రశాంతం
చిదంబరేశం హృది భావయామి ||
౧౧. కర్పూరగాత్రం కమనీయనేత్రం
కంసారిమిత్రం కమలేందువక్త్రమ్ |
కందర్పగాత్రం కమలేశమిత్రం
చిదంబరేశం హృది భావయామి ||
౧౨. విశాలనేత్రం పరిపూర్ణగాత్రం
గౌరీకలత్రం హరిదంబరేశమ్ |
కుబేరమిత్రం జగతః పవిత్రం
చిదంబరేశం హృది భావయామి ||
౧౩. కళ్యాణమూర్తిం కనకాద్రిచాపం
కాంతాసమాక్రాంతనిజార్ధదేహమ్ |
కపర్దినం కామరిపుం పురారిం
చిదంబరేశం హృది భావయామి ||
౧౪. కల్పాంతకాలాహితచండనృత్తం
సమస్తవేదాంతవచోనిగూఢమ్ |
అయుగ్మనేత్రం గిరిజాసహాయం
చిదంబరేశం హృది భావయామి ||
౧౫. దిగంబరం శంఖసితాల్పహాసం
కపాలినం శూలినమప్రయేమ్ |
నాగాత్మజావక్త్రపయోజసూర్యం
చిదంబరేశం హృది భావయామి ||
౧౬. సదాశివం సత్పురుషైరనేకైః
సదార్చితం సామశిరస్సుగీతమ్ |
వైయ్యాఘ్రచర్మాంబరముగ్రమీశం
చిదంబరేశం హృది భావయామి ||
౧౭. చిదంబరస్య స్తవనం పఠేద్యః
ప్రదోషకాలేషు పుమాన్ స ధన్యః |
భోగానశేషాననుభూయ భూయః
సాయుజ్యమప్యేతి చిదంబరస్య ||
ఇతి శ్రీ చిదంబరేశ్వర స్తోత్రం సంపూర్ణం |
Shri Chidambareswara Stotram
1. kr̥pāsamudraṃ sumukhaṃ trinētraṃ
jaṭādharaṃ pārvatīvāmabhāgam |
sadāśivaṃ rudramananutarūpaṃ
cidambarēśaṃ hr̥di bhāvayāmi ||
2. vācāmatītaṃ phaṇibhūṣaṇāṅgaṃ
gaṇēśatātaṃ dhanadasya mitram |
kandarpānāśaṃ kamalōtpālākṣaṃ
cidambarēśaṃ hr̥di bhāvayāmi ||
3. ramēśavandyaṃ rajatādrināthaṃ
śrīvāmādēvaṃ bhavaduḥkhanāśam |
rakṣākaraṃ rākṣasapīḍitānāṃ
cidambarēśaṃ hr̥di bhāvayāmi ||
4. dēvādīdēvaṃ jagadēkanāthaṃ
dēvēśavandyaṃ śaśikhaṇḍacūḍam |
gaurīsamētaṃ kr̥tavighnadakṣaṃ
cidambarēśaṃ hr̥di bhāvayāmi ||
5. vēdāntavēdyaṃ suravairivighnaṃ
śubhapradaṃ bhaktimadantarāṇām |
kālāntakaṃ śrīkaruṇākaṭākṣaṃ
cidambarēśaṃ hr̥di bhāvayāmi ||
6. hēmādricāpaṃ triguṇātmabhāvaṃ
guhātmajaṃ vyāghrapurīśamādyam |
śmaśānavāsaṃ vr̥ṣavāhanasthaṃ
cidambarēśaṃ hr̥di bhāvayāmi ||
7. ādyantaśūnyaṃ tripurarīmīśaṃ
nandīśamukhya-stutavaibhavāḍhyam |
samastadēvaiḥ paripūjitāṅghriṃ
cidambarēśaṃ hr̥di bhāvayāmi ||
8. tamēva bhāntaṃ hyanubhātisarva-
manēkarūpaṃ paramārtthamēkam |
pinākapāṇiṃ bhavanāśahētuṃ
cidambarēśaṃ hr̥di bhāvayāmi ||
9. viśvēśvaraṃ nityamanantamādyaṃ
trilōcanaṃ candrakalāvatamsam |
patiṃ paśūnāṃ hr̥di sanniviṣṭaṃ
cidambarēśaṃ hr̥di bhāvayāmi ||
10. viśvādikaṃ viṣṇumukhairupāsyaṃ
trilōcanaṃ pañcamukhaṃ prasannam |
umāpatiṃ pāpaharaṃ praśāntaṃ
cidambarēśaṃ hr̥di bhāvayāmi ||
11. karpūragātraṃ kamanīyanētraṃ
kaṃsārimitraṃ kamalēnduvaktram |
kandarpagātraṃ kamalēśamitraṃ
cidambarēśaṃ hr̥di bhāvayāmi ||
12. viśālanētraṃ paripūrṇagātraṃ
gaurīkalatraṃ haridambarēśam |
kubēramitraṃ jagataḥ pavitraṃ
cidambarēśaṃ hr̥di bhāvayāmi ||
13. kalyāṇamūrtiṃ kanakādricāpaṃ
kāntāsamākrāntanijārthadēham |
kapardinaṃ kāmaripuṃ purāriṃ
cidambarēśaṃ hr̥di bhāvayāmi ||
14. kalpāntakālāhitacaṇḍanr̥ttaṃ
samastavēdāntavacōnigūḍham |
ayugmanētraṃ girijāsahāyaṃ
cidambarēśaṃ hr̥di bhāvayāmi ||
15. digambaraṃ śaṅkhasitālpahāsaṃ
kapālinaṃ śūlinamaprayēm |
nāgātmajāvaktrapayōjasūryaṃ
cidambarēśaṃ hr̥di bhāvayāmi ||
16. sadāśivaṃ satpuruṣairanēkaiḥ
sadārcitaṃ sāmaśirassugītam |
vaiyyāghracarmāmbaramugramīśaṃ
cidambarēśaṃ hr̥di bhāvayāmi ||
17. cidambarasya stavanaṃ paṭhēdyaḥ
pradōṣakālēṣu pumān sa dhanyaḥ |
bhōgānaśēṣānanubhūya bhūyaḥ
sāyujyamapyēti cidambarasya ||
iti śrī cidambarēśwara stōtraṃ saṃpūrṇam |