చంద్రశేఖరాష్టకం
చంద్రశేఖర చంద్రశేఖర చంద్రశేఖర పాహిమాం |
చంద్రశేఖర చంద్రశేఖర చంద్రశేఖర రక్షమాం ‖
రత్నసాను శరాసనం రజతాద్రి శృంగ నికేతనం
శింజినీకృత పన్నగేశ్వర మచ్యుతానల సాయకం |
క్షిప్రదగ్ద పురత్రయం త్రిదశాలయై రభివందితం
చంద్రశేఖరమాశ్రయే మమ కిం కరిష్యతి వై యమః ‖ ౧ ‖
మత్తవారణ ముఖ్యచర్మ కృతోత్తరీయ మనోహరం
పంకజాసన పద్మలోచన పూజితాంఘ్రి సరోరుహం |
దేవ సింధు తరంగ శ్రీకర సిక్త శుభ్ర జటాధరం
చంద్రశేఖరమాశ్రయే మమ కిం కరిష్యతి వై యమః ‖ ౨ ‖
కుండలీకృత కుండలీశ్వర కుండలం వృషవాహనం
నారదాది మునీశ్వర స్తుతవైభవం భువనేశ్వరం |
అంధకాంతక మాశ్రితామర పాదపం శమనాంతకం
చంద్రశేఖరమాశ్రయే మమ కిం కరిష్యతి వై యమః ‖ ౩ ‖
పంచపాదప పుష్పగంధ పదాంబుజ ద్వయశోభితం
ఫాలలోచన జాతపావక దగ్ధ మన్మధ విగ్రహం |
భస్మదిగ్ద కళేబరం భవనాశనం భవ మవ్యయం
చంద్రశేఖరమాశ్రయే మమ కిం కరిష్యతి వై యమః ‖ ౪ ‖
యక్ష రాజసఖం భగాక్ష హరం భుజంగ విభూషణం
శైలరాజ సుతా పరిష్కృత చారువామ కళేబరం |
క్షేళ నీలగళం పరశ్వధ ధారిణం మృగధారిణం
చంద్రశేఖరమాశ్రయే మమ కిం కరిష్యతి వై యమః ‖ ౫ ‖
భేషజం భవరోగిణా మఖిలాపదా మపహారిణం
దక్షయజ్ఞ వినాశనం త్రిగుణాత్మకం త్రివిలోచనం |
భుక్తి ముక్తి ఫలప్రదం సకలాఘ సంఘ నిబర్హణం
చంద్రశేఖరమాశ్రయే మమ కిం కరిష్యతి వై యమః ‖ ౬ ‖
విశ్వసృష్టి విధాయకం పునరేవపాలన తత్పరం
సంహరం తమపి ప్రపంచ మశేషలోక నివాసినం |
క్రీడయంత మహర్నిశం గణనాథ యూథ సమన్వితం
చంద్రశేఖరమాశ్రయే మమ కిం కరిష్యతి వై యమః ‖ ౭ ‖
భక్తవత్సల మర్చితం నిధిమక్షయం హరిదంబరం
సర్వభూత పతిం పరాత్పర మప్రమేయ మనుత్తమం |
సోమవారిన భోహుతాశన సోమ పాద్యఖిలాకృతిం
చంద్రశేఖర ఏవ తస్య దదాతి ముక్తి మయత్నతః ‖ ౮ ‖
ఇతి శ్రీ చంద్రశేఖరాష్టకం సంపూర్ణం ||
Shri Chandrashekharashtakam
candrasēkhara candrasēkhara candrasēkhara pāhimāṃ |
candrasēkhara candrasēkhara candrasēkhara rakṣamāṃ ‖
ratnasānu śarāsanaṃ rajatādri śṛṅga nikētanaṃ
śiñjinīkṛta pannagēśvara macyutānala sāyakam |
kṣipradagda puratrayaṃ tridaśālayai rabhivanditaṃ
candrasēkharamāśrayē mama kiṃ kariṣyati vai yamaḥ ‖ 1 ‖
mattavāraṇa mukhyacarma kṛtōttarīya manōharaṃ
paṅkajāsana padmalōcana pūjitāṅghri sarōruham |
dēva sindhu taraṅga śrīkara sikta śubhra jaṭādharaṃ
candrasēkharamāśrayē mama kiṃ kariṣyati vai yamaḥ ‖ 2 ‖
kuṇḍalīkṛta kuṇḍalīśvara kuṇḍalaṃ vṛṣavāhanaṃ
nāradādi munīśvara stutavaibhavaṃ bhuvanēśvaram |
andhakāntaka māśritāmara pādapaṃ śamanāntakaṃ
candrasēkharamāśrayē mama kiṃ kariṣyati vai yamaḥ ‖ 3 ‖
pañcapādapa puṣpagandha padāmbuja dvayaśōbhitaṃ
phālalōcana jātapāvaka dagdha manmadha vigrahaṃ |
bhasmadigda kaḷēbaraṃ bhavanāśanaṃ bhava mavyayaṃ
candrasēkharamāśrayē mama kiṃ kariṣyati vai yamaḥ ‖ 4 ‖
yakṣa rājasakhaṃ bhagākṣa haraṃ bhujaṅga vibhūṣaṇaṃ
śailarāja sutā pariṣkṛta cāruvāma kaḷēbaraṃ |
kṣēḷa nīlagaḷaṃ paraśwadha dhāriṇaṃ mṛgadhāriṇaṃ
candrasēkharamāśrayē mama kiṃ kariṣyati vai yamaḥ ‖ 5 ‖
bhēṣajaṃ bhavarōgiṇā makhilāpadā mapahāriṇaṃ
dakṣayajña vināśanaṃ triguṇātmakaṃ trivilōcanaṃ |
bhukti mukti phalapradaṃ sakalāgha saṅgha nibarhaṇaṃ
candrasēkharamāśrayē mama kiṃ kariṣyati vai yamaḥ ‖ 6 ‖
viśwasṛṣṭi vidhāyakaṃ punarēvapālana tatparaṃ
saṃharaṃ tamapi prapañca maśēṣalōka nivāsinaṃ |
krīḍayanta maharniśaṃ gaṇanātha yūtha samanvitaṃ
candrasēkharamāśrayē mama kiṃ kariṣyati vai yamaḥ ‖ 7 ‖
bhaktavatsala marcitaṃ nidhimakṣayaṃ haridambaraṃ
sarvabhūta patiṃ parātpara mapramēya manuttamaṃ |
sōmavārina bhōhutāśana sōma pādyakhilākṛtiṃ
candrasēkhara ēva tasya dadāti mukti mayatnataḥ ‖ 8 ‖
iti śrī candrasēkharāṣṭakaṃ saṃpūrṇam ||