శ్రీ భవానీ భుజంగం
షడాధారపంకేరుహాంతర్విరాజ-
-త్సుషుమ్నాంతరాలేఽతితేజోల్లసంతీమ్ |
సుధామండలం ద్రావయంతీం పిబంతీం
సుధామూర్తిమీడే చిదానందరూపామ్ || ౧ ||
జ్వలత్కోటిబాలార్కభాసారుణాంగీం
సులావణ్యశృంగారశోభాభిరామామ్ |
మహాపద్మకింజల్కమధ్యే విరాజ-
-త్త్రికోణే నిషణ్ణాం భజే శ్రీభవానీమ్ || ౨ ||
క్వణత్కింకిణీనూపురోద్భాసిరత్న-
-ప్రభాలీఢలాక్షార్ద్రపాదాబ్జయుగ్మమ్ |
అజేశాచ్యుతాద్యైః సురైః సేవ్యమానం
మహాదేవి మన్మూర్ధ్ని తే భావయామి || ౩ ||
సుశోణాంబరాబద్ధనీవీవిరాజ-
-న్మహారత్నకాంచీకలాపం నితంబమ్ |
スఫురద్దక్షిణావర్తనాభిం చ తిస్రో
వలీరంబ తే రోమరాజిం భజేఽహమ్ || ౪ ||
లసద్వృత్తముత్తుంగమాణిక్యకుంభో-
-పమశ్రి స్తనద్వంద్వమంబాంబుజాక్షి |
భజే దుగ్ధపూర్ణాభిరామం తవేదం
మహాహారదీప్తం సదా ప్రస్నుతాస్యమ్ || ౫ ||
శిరీషప్రసూనోల్లసద్బాహుదండై-
-ర్జ్వలద్బాణకోదండపాశాంకుశైశ్చ |
చలత్కంకణోదారకేయూరభూషో-
-జ్జ్వలద్భిర్లసంతీం భజే శ్రీభవానీమ్ || ౬ ||
శరత్పూర్ణచంద్రప్రభాపూర్ణబింబా-
-ధరస్మేరవక్త్రారవిందాం సుశాంతామ్ |
సురత్నావళీహారతాటంకశోభాం
మహాసుప్రసన్నాం భజే శ్రీభవానీమ్ || ౭ ||
సునాసాపుటం సుందరభ్రూలలాటం
తవౌష్ఠశ్రియం దానదక్షం కటాక్షమ్ |
లలాటే లసద్గంధకస్తూరిభూషం
స్ఫురచ్ఛ్రీముఖాంభోజమీడేఽహమంబ || ౮ ||
చలత్కుంతలాంతర్భ్రమద్భృంగబృందం
ఘనస్నిగ్ధధమ్మిల్లభూషోజ్జ్వలం తే |
స్ఫురన్మౌళిమాణిక్యబద్ధేందురేఖా-
-విలాసోల్లసద్దివ్యమూర్ధానమీడే || ౯ ||
ఇతి శ్రీభవాని స్వరూపం తవేదం
ప్రపంచాత్పరం చాతిసూక్ష్మం ప్రసన్నమ్ |
స్ఫురత్వంబ డింభస్య మే హృత్సరోజే
సదా వాఙ్మయం సర్వతేజోమయం చ || ౧౦ ||
గణేశాభిముఖ్యాఖిలైః శక్తిబృందై-
-ర్వృతాం వై స్ఫురచ్చక్రరాజోల్లసంతీమ్ |
పరాం రాజరాజేశ్వరి త్రైపురి త్వాం
శివాంకోపరిస్థాం శివాం భావయామి || ౧౧ ||
త్వమర్కస్త్వమిందుస్త్వమగ్నిస్త్వమాప-
-స్త్వమాకాశభూవాయవస్త్వం మహత్త్వమ్ |
త్వదన్యో న కశ్చిత్ ప్రపంచోఽస్తి సర్వం
సదానందసంవిత్స్వరూపం భజేఽహమ్ || ౧౨ ||
శ్రుతీనామగమ్యే సువేదాగమజ్ఞా
మహిమ్నో న జానంతి పారం తవాంబ |
స్తుతిం కర్తుమిచ్ఛామి తే త్వం భవాని
క్షమస్వేదమత్ర ప్రముగ్ధః కిలాహమ్ || ౧౩ ||
గురుస్త్వం శివస్త్వం చ శక్తిస్త్వమేవ
త్వమేవాసి మాతా పితా చ త్వమేవ |
త్వమేవాసి విద్యా త్వమేసి బంధు-
-ర్గతిర్మే మతిర్దేవి సర్వం త్వమేవ || ౧౪ ||
శరణ్యే వరేణ్యే సుకారుణ్యమూర్తే
హిరణ్యోదరాద్యైరగణ్యే సుపుణ్యే |
భవారణ్యభీతేశ్చ మాం పాహి భద్రే
నమస్తే నమస్తే నమస్తే భవాని || ౧౫ ||
ఇతీమాం మహచ్ఛ్రీభవానీభుజంగం
స్తుతిం యః పఠేద్భక్తియుక్తశ్చ తస్మై |
స్వకీయం పదం శాశ్వతం వేదసారం
శ్రియం చాష్టసిద్ధిం భవానీ దదాతి || ౧౬ ||
భవానీ భవానీ భవానీ త్రివారం
ఉదారం ముదా సర్వదా యే జపంతి |
న శోకం న మోహం న పాపం న భీతిః
కదాచిత్కథంచిత్కుతశ్చిజ్జనానామ్ || ౧౭ ||
ఇతి శ్రీమచ్ఛంకరభగవతః కృతౌ భవానీ భుజంగం సంపూర్ణమ్ |
śrī bhavānī bhujaṅgam
ṣaḍādhārapankēruhāntarvirāja-
-tsuṣumnāntarālē'titējōllasantiim |
sudhāmaṇḍalaṃ drāvayantīṃ pibantīṃ
sudhāmūrti miidē cidānandarūpām || 1 ||
jvalatkōṭibālārkabhāsāruṇāṅgīṃ
sulāvaṇyaśr̥ṅgāraśōbhābhirāmām |
mahāpadmakiñjalkamadhyē virāja-
-ttrikōṇē niṣaṇṇāṃ bhajē śriibhavāniim || 2 ||
kvaṇatkiṅkiṇīnūpurōdbhāsiratna-
-prabhālīḍhalākṣārdrāpādābjayugmam |
ajēśācyutādyāiḥ surāiḥ sēvyamānaṃ
mahādēvi manmūrdhni tē bhāvayāmi || 3 ||
suśōṇāmbarābaddhaniiviivirāja-
-nmahāratnakāñciikalāpaṃ nitambam |
sphuraddakṣiṇāvartanābhiṃ ca tisrō
valiiramba tē rōmarājiṃ bhajē'ham || 4 ||
lasadv r̥ttamuttuṅgamāṇikyakumbhō-
-pamaśri stanadvandvamambāmbujākṣi |
bhajē dugdhapūrṇābhirāmaṃ tavēdaṃ
mahāhāradiiptaṃ sadā prasnutāsyam || 5 ||
śiriiṣaprasūnōllasadbāhudaṇḍāi-
-rjvaladbāṇakōdaṇḍapāśāṅkuśāiśca |
calatkaṅkaṇōdārakēyū rabhūṣō-
-jjvaladbhi r-lasantīṃ bhajē śriibhavāniim || 6 ||
śaratpūrṇacandraprabhāpūrṇabimbā-
-dharasmēravaktrāravindāṃ suśāntām |
suratnāvaḷīhāratāṭaṅkaśōbhāṃ
mahāsuprasannāṃ bhajē śriibhavāniim || 7 ||
sunāsāpuṭaṃ sundarabhrūlalāṭaṃ
tavāuṣṭhaśriyaṃ dānadakṣaṃ kaṭākṣam |
lalāṭē lasadgandhakastūribhūṣaṃ
sphuracchriimukhāmbhōjamiidē'hamamba || 8 ||
calatkuntalāntarbhramadbhr̥ṅgabundaṃ
ghanasnigdhadhammilla bhūṣōjjvalaṃ tē |
sphuranmāuḷimāṇikyabaddhēndurēkhā-
-vilāsōllasaddiivyamūrdhā namiidē || 9 ||
iti śriibhavani svarūpaṃ tavēdaṃ
prapañcāt paraṃ cātisūkṣmaṃ prasannam |
sphuratvamba ḍimbhasya mē hr̥tsarōjē
sadā vāṅmayaṃ sarvatējōmayaṃ ca || 10 ||
gaṇēśābhimukhyākhilāiḥ śaktibundair-
-v r̥tāṃ vāi sphuraccakrarājōllasantii m |
parāṃ rājarājēśvari trāipuri tvāṃ
śivāṅkōparisthāṃ śivāṃ bhāvayāmi || 11 ||
tvamarkastvamindustvamagnistvamāpa-
-stvamākāśabhūvāyavastvaṃ mahattvam |
tvadanyō na kaścit prapañcō'sti sarvaṃ
sadānandasamvitsvarūpaṃ bhajē'ham || 12 ||
ś r̥tiināmagamyē suvēdāgamajñā
mahimnō na jānanti pāraṃ tavāmba |
stutiṃ kartumicchāmi tē tvaṃ bhavāni
kṣamasvēdamatra pramugdhaḥ kilāham || 13 ||
gurustvaṃ śivastvaṃ ca śaktistvamēva
tvamēvāsi mātā pitā ca tvamēva |
tvamēvāsi vidyā tvamēvāsi bandhu-
-rgatirmē matirdēvi sarvaṃ tvamēva || 14 ||
śaraṇyē varēṇyē sukār uṇyamūrtē
hiraṇyōdarādyāiragaṇyē supuṇyē |
bhavāraṇyabhīitēśca māṃ pāhi bhadrē
namastē namastē namastē bhavāni || 15 ||
itiimāṃ mahacchriibhavāniibhujaṅgaṃ
stutiṃ yaḥ paṭhēdbhaktiyuktaśca tasmai |
svakiityaṃ padaṃ śāśvataṃ vēdasāraṃ
śriyaṃ cāṣṭasiddhiṃ bhavānī dadāti || 16 ||
bhavānī bhavānī bhavānī trivāraṃ
udāraṃ mudā sarvadā yē japanti |
na śōkaṃ na mōhaṃ na pāpaṃ na bhītiḥ
kadācit kathañcit kutasci j-janānām || 17 ||
iti śrīmacchaṅkarabhagavataḥ kr̥tāu bhavānī bhujaṅgaṃ sampūrṇam ||