శ్రీ ఆంజనేయ స్తోత్రం
మహేశ్వర ఉవాచ |
శృణు దేవి ప్రవక్ష్యామి స్తోత్రం సర్వభయాపహం |
సర్వకామప్రదం నౄణాం హనూమత్ స్తోత్రముత్తమం || ౧ ||
తప్తకాంచనసంకాశం నానారత్నవిభూషితం |
ఉద్యద్బాలార్కవదనం త్రినేత్రం కుండలోజ్జ్వలం || ౨ ||
మౌంజీకౌపీనసంయుక్తం హేమయజ్ఞోపవీతినం |
పింగళాక్షం మహాకాయం టంకశైలేంద్రధారిణం || ౩ ||
శిఖానిక్షిప్తవాలాగ్రం మేరుశైలాగ్రసంస్థితం |
మూర్తిత్రయాత్మకం పీనం మహావీరం మహాహనుమ్ || ౪ ||
హనుమంతం వాయుపుత్రం నమామి బ్రహ్మచారిణం |
త్రిమూర్త్యాత్మకమాత్మస్థం జపాకుసుమసన్నిభం || ౫ ||
నానాభూషణసంయుక్తం ఆంజనేయం నమామ్యహం |
పంచాక్షరస్థితం దేవం నీలనీరదసన్నిభం || ౬ ||
పూజితం సర్వదేవైశ్చ రాక్షసాంతం నమామ్యహం |
అచలద్యుతిసంకాశం సర్వాలంకారభూషితం || ౭ ||
షడక్షరస్థితం దేవం నమామి కపినాయకం |
తప్తస్వర్ణమయం దేవం హరిద్రాభం సురార్చితం || ౮ ||
సుందరం సాబ్జనయనం త్రినేత్రం తం నమామ్యహం |
అష్టాక్షరాధిపం దేవం హీరవర్ణసముజ్జ్వలం || ౯ ||
నమామి జనతావంద్యం లంకాప్రాసాదభంజనం |
అతసీపుష్పసంకాశం దశవర్ణాత్మకం విభుమ్ || ౧౦ ||
జటాధరం చతుర్బాహుం నమామి కపినాయకం |
ద్వాదశాక్షరమంత్రస్య నాయకం కుంతధారిణం || ౧౧ ||
అంకుశం చ దధానం చ కపివీరం నమామ్యహం |
త్రయోదశాక్షరయుతం సీతాదుఃఖనివారిణం || ౧౨ ||
పీతవర్ణం లసత్కాయం భజే సుగ్రీవమంత్రిణం |
మాలామంత్రాత్మకం దేవం చిత్రవర్ణం చతుర్భుజం || ౧౩ ||
పాశాంకుశాభయకరం ధృతటంకం నమామ్యహం |
సురాసురగణైః సర్వైః సంస్తుతం ప్రణమామ్యహం || ౧౪ ||
ఏవం ధ్యాయేన్నరో నిత్యం సర్వపాపైః ప్రముచ్యతే |
ప్రాప్నోతి చింతితం కార్యము శీఘ్రమేవ న సంశయః || ౧౫ ||
అష్టమ్యాం వా చతుర్దశ్యా మర్కవారే విశేషతః
సన్థ్యా పూజాం ప్రకుర్వీత ద్వాదశ్యాఞ్చ విశేషతః || ౧౬ ||
అర్కమూలేన కుర్వీత హనుమత్ప్రితిమాం సుథీః
పూజయే త్తత్ర విద్వాన్ యో రక్తవస్ర్తేణ వేష్టయేత్ || ౧౭ ||
బ్రాహ్మణా న్భోజయే త్పశ్చా త్తత్ప్రీత్యై సర్వకామదామ్
యః కరోతి నరో భక్త్యా పూజాం హనుమత సుధీః
న శస్ర్త భయ మాప్నోతి భయం వా ప్యన్తరిక్షజమ్ || ౧౮ ||
అక్షాది రాక్షసహరం దశకణ్ఠ దర్ప నిర్మూలనం రఘువరాంఘ్రీ సరోజభక్తమ్
సీతా విషహ్య ఘన దుఃఖ నివారకం తం వాయో స్సుతం గిలిత భాను మహం నమామి || ౧౯ ||
మాం పశ్య పశ్య హనుమాన్ నిజదృష్టి పాతైః
మాం రక్ష రక్ష పరితో రిపు దుఃఖ పుంజాత్ |
వశ్యాం కురు త్రిజగతీం వసుధాధిపానాం
మే దేహి దేహి మహతీం విసుధాం శ్రియం చ || ౨౦ ||
అపద్భ్యో రక్ష సర్వత్ర ఆంజనేయ నమోస్తుతే
బన్ధనం ఛేదయాజస్రం కపివీర నమోస్తుతే || ౨౧ ||
దుష్ట రోగాన్ హన హన రామమిత్ర నమోస్తుతే
ఉచ్చాటయ రిపూ స్సర్వా న్మోహనం కురు భూభుజమ్ || ౨౨ ||
విద్వేషిణో మారయ త్వం త్రిమూర్త్యాత్మక సర్వదా
సంజీవ పర్వతోద్ధార మనోదుఃఖ నివారయ || ౨౩ ||
ఘోరా నుపద్రవాన్ సర్వాన్ నాశయాక్షాసురాన్తక
ఏవం స్తుత్యాత్ హనూమన్తం నరః శ్రద్ధా సమన్వితః || ౨౪ ||
ఇత్యుమా సంహితాయాం శ్రీ ఆంజనేయ స్తోత్రం సంపూర్ణం ||