శివాష్టకం
ప్రభుం ప్రాణనాథం విభుం విశ్వనాథం
జగన్నాథనాథం సదానందభాజామ్ |
భవద్భవ్యభూతేశ్వరం భూతనాథం
శివం శంకరం శంభుమీశానమీడే || ౧ ||
గళే రుండమాలం తనౌ సర్పజాలం
మహాకాలకాలం గణేశాదిపాలమ్ |
జటాజూటగంగోత్తరంగైర్విశాలం
శివం శంకరం శంభుమీశానమీడే || ౨ ||
ముదామాకరం మండనం మండయంతం
మహామండలం భస్మభూషాధరం తమ్ |
అనాదిం హ్యపారం మహామోహమారం
శివం శంకరం శంభుమీశానమీడే || ౩ ||
వటాధోనివాసం మహాట్టాట్టహాసం
మహాపాపనాసం సదాసుప్రకాశమ్ |
గిరీశం గణేశం సురేశం మహేశం
శివం శంకరం శంభుమీశానమీడే || ౪ ||
గిరింద్రాత్మజాసంగృహీతార్ధదేహం
గిరౌసంస్థితం సర్వదా పన్నగేహమ్ |
పరబ్రహ్మబ్రహ్మాదిభిర్వంద్యమానం
శివం శంకరం శంభుమీశానమీడే || ౫ ||
కపాలం త్రిశూలం కరాభ్యాం దధానం
పదాంభోజనమ్రాయ కామం దదానమ్ |
బలీవర్దయానం సురాణాం ప్రధానం
శివం శంకరం శంభుమీశానమీడే || ౬ ||
శరచ్చంద్రగాత్రం గణానందపాత్రం
త్రినేత్రం పవిత్రం ధనేశస్య మిత్రమ్ |
అపర్ణాకళత్రం సదాసచ్చరిత్రం
శివం శంకరం శంభుమీశానమీడే || ౭ ||
హరం సర్పహారం చితాభూవిహారం
భవం వేదసారం సదా నిర్వికారమ్ |
శ్మశానే వసంతం మనోజం దహంతం
శివం శంకరం శంభుమీశానమీడే || ౮ ||
స్తవం యః ప్రభాతే నరశ్శూలపాణేః
పఠేత్ స్తోత్రరత్నం త్విహప్రాప్యరత్నమ్ |
సుపుత్రం సుధాన్యం సుమిత్రం కళత్రం
విచిత్రైస్సమారాధ్య మోక్షం ప్రయాతి || ౯ ||
ఇతి శ్రీ శివాష్టకం ||
Shivashtakam
prabhuṃ prāṇanāthaṃ vibhuṃ viśwanāthaṃ
jagannāthanāthaṃ sadānandabhājām |
bhavadbhavyabhūtēśwaraṃ bhūtanāthaṃ
śivaṃ śaṅkaraṃ śambhumiśānamīḍē || 1 ||
galē ruṇḍamālaṃ tanau sarpajālaṃ
mahākālakālaṃ gaṇēśādipālam |
jaṭājūṭagaṅgōttaraṅgairviśālaṃ
śivaṃ śaṅkaraṃ śambhumiśānamīḍē || 2 ||
mudāmākaraṃ maṇḍanaṃ maṇḍayantaṃ
mahāmaṇḍalaṃ bhasmabhūṣādharaṃ tam |
anādiṃ hyapāraṃ mahāmōhamāraṃ
śivaṃ śaṅkaraṃ śambhumiśānamīḍē || 3 ||
vaṭādhōnivāsaṃ mahāṭṭāṭṭahāsaṃ
mahāpāpanāśaṃ sadāsuprakāśām |
girīśaṃ gaṇēśaṃ surēśaṃ mahēśaṃ
śivaṃ śaṅkaraṃ śambhumiśānamīḍē || 4 ||
girindrātmājāsaṅgr̥hītārdhadēhaṃ
girāusaṃsthitaṃ sarvadā pannagēham |
parabrahmabrahmādibhirvandyamānaṃ
śivaṃ śaṅkaraṃ śambhumiśānamīḍē || 5 ||
kapālaṃ triśūlaṃ karābhyāṃ dadhānaṃ
padāmbhōjanamrāya kāmaṃ dadānam |
balīvardayānaṃ surāṇāṃ pradhānaṃ
śivaṃ śaṅkaraṃ śambhumiśānamīḍē || 6 ||
śaraccandragātraṃ gaṇānandapātraṃ
trinētraṃ pavitraṃ dhanēśasya mitram |
aparṇākaḷatraṃ sadāsaccaritram
śivaṃ śaṅkaraṃ śambhumiśānamīḍē || 7 ||
haraṃ sarpahāraṃ citābhūvihāraṃ
bhavaṃ vēdasāraṃ sadā nirvikāram |
śmaśānē vasantaṃ manōjaṃ dahantaṃ
śivaṃ śaṅkaraṃ śambhumiśānamīḍē || 8 ||
stavaṃ yaḥ prabhātē naraśśūlapāṇēḥ
paṭhēt stōtraratnaṃ tvihaprāpyaratnam |
suputraṃ sudhānyaṃ sumitraṃ kaḷatraṃ
vicitraissamārādhya mōkṣaṃ prayāti || 9 ||
iti śrī śivāṣṭakam ||