ఋణ విమోచన గణేశ స్తోత్రం
అస్య శ్రీఋణమోచనమహాగణపతిస్తోత్రస్య శుక్రాచార్య ఋషిః
అనుష్టుప్ఛందః, శ్రీఋణమోచక మహాగణపతిర్దేవతా |
మమ ఋణమోచనమహాగణపతిప్రసాదసిద్ధ్యర్థే జపే వినియోగః ||
రక్తాంగం రక్తవస్త్రం సితకుసుమగణైః పూజితం రక్తగంధైః
క్షీరాబ్ధౌ రత్నపీఠే సురతరువిమలే రత్నసింహాసనస్థం |
దోర్భిః పాశాంకుశేష్టాభయధరమతులం చంద్రమౌలిం త్రిణేత్రం
ధ్యాయేత్ శాంత్యర్థమీశం గణపతిమమలం శ్రీసమేతం ప్రసన్నం ||
స్మరామి దేవదేవేశం వక్రతుండం మహాబలం |
షడక్షరం కృపాసింధుం నమామి ఋణముక్తయే || ౧ ||
ఏకాక్షరం హ్యేకదంతం ఏకం బ్రహ్మ సనాతనమ్ |
ఏకమేవాద్వితీయం చ నమామి ఋణముక్తయే || ౨ ||
మహాగణపతిం దేవం మహాసత్త్వం మహాబలం |
మహావిఘ్నహరం శంభోః నమామి ఋణముక్తయే || ౩ ||
కృష్ణాంబరం కృష్ణవర్ణం కృష్ణగంధానులేపనమ్ |
కృష్ణసర్పోపవీతం చ నమామి ఋణముక్తయే || ౪ ||
రక్తాంబరం రక్తవర్ణం రక్తగంధానులేపనమ్ |
రక్తపుష్పప్రియం దేవం నమామి ఋణముక్తయే || ౫ ||
పీతాంబరం పీతవర్ణం పీతగంధానులేపనమ్ |
పీతపుష్పప్రియం దేవం నమామి ఋణముక్తయే || ౬ ||
ధూమ్రాంబరం ధూమ్రవర్ణం ధూమ్రగంధానులేపనమ్ |
హోమధూమప్రియం దేవం నమామి ఋణముక్తయే || ౭ ||
ఫాలనేత్రం ఫాలచంద్రం పాశాంకుశధరం విభుమ్ |
చామరాలంకృతం దేవం నమామి ఋణముక్తయే || ౮ ||
ఇదం త్వృణహరం స్తోత్రం సంధ్యాయాం యః పఠేన్నరః |
షణ్మాసాభ్యంతరేణైవ ఋణముక్తో భవిష్యతి || ౯ ||
ఇతి ఋణ విమోచన మహాగణపతి స్తోత్రం |
Runa Vimochana Ganesha Stotram
Asya śrī ṛṇamōcana mahāgaṇapati stōtrasya śukrācārya ṛṣiḥ
anuṣṭup chandaḥ, śrī ṛṇamōcaka mahāgaṇapatirdēvatā |
mama ṛṇamōcana mahāgaṇapati prasāda siddhyarthē japē viniyōgaḥ ||
raktāṅgaṃ raktavastraṃ sitakusumagaṇaiḥ pūjitaṃ raktagandhaiḥ
kṣīrābdhau ratnapīṭhē surataruvimalē ratnasiṃhāsanasthaṃ |
dōrbhiḥ pāśāṅkuśēṣṭābhayadharamatulaṃ candramauliṃ triṇētraṃ
dhyāyēt śāntyarthamīśaṃ gaṇapatimamalaṃ śrīsamētaṃ prasannam ||
smarāmi dēvadēvēśaṃ vakratuṇḍaṃ mahābalaṃ |
ṣaḍakṣaraṃ kṛpāsindhuṃ namāmi ṛṇamuktayē || 1 ||
ēkākṣaraṃ hyēkadantaṃ ēkaṃ brahma sanātanam |
ēkamēvādvitīyaṃ ca namāmi ṛṇamuktayē || 2 ||
mahāgaṇapatiṃ dēvaṃ mahāsattvaṃ mahābalaṃ |
mahāvighnaharaṃ śambhōḥ namāmi ṛṇamuktayē || 3 ||
kṛṣṇāmbaraṃ kṛṣṇavarṇaṃ kṛṣṇagandhānulēpanam |
kṛṣṇasarpōpavītaṃ ca namāmi ṛṇamuktayē || 4 ||
raktāmbaraṃ raktavarṇaṃ raktagandhānulēpanam |
raktapuṣpapriyaṃ dēvaṃ namāmi ṛṇamuktayē || 5 ||
pītāmbaraṃ pītavarṇaṃ pītagandhānulēpanam |
pītapuṣpapriyaṃ dēvaṃ namāmi ṛṇamuktayē || 6 ||
dhūmrāmbaraṃ dhūmravarṇaṃ dhūmragandhānulēpanam |
hōmadhūmapriyaṃ dēvaṃ namāmi ṛṇamuktayē || 7 ||
phālanētraṃ phālacandraṃ pāśāṅkuśadharaṃ vibhum |
cāmarālaṅkṛtaṃ dēvaṃ namāmi ṛṇamuktayē || 8 ||
idaṃ tvṛṇaharaṃ stōtraṃ sandhyāyāṃ yaḥ paṭhēnnaraḥ |
ṣaṇmāsābhyantarēṇaiva ṛṇamuktō bhaviṣyati || 9 ||
iti śrī ṛṇavimōcana mahāgaṇapati stōtram |