రుక్మిణీ లగ్నాష్టకము
సత్యజ్ఞాన సుఖ స్వరూపమమలం సర్వోత్తమం నిత్యదృక్ |
ప్రత్యక్తత్త్వ మచింత్యశక్తి విలసద్విశ్వం పరబ్రహ్మయత్ |
లోకానుగ్రహ విగ్రహస్య జగతాం నాథస్య తస్యామరాః |
రుక్మిణ్యాస్సతతం వివాహ సమయే కుర్వంతుతే మంగళమ్ || ౧ ||
గంగాద్యా స్సరితో గ్రహాశ్చ శుభదా గంధర్వ విద్యాధరా |
దిక్పాలా ఋషయశ్చ దేవమునయో దేవ్యశ్చ గౌర్యాదయః |
శ్రీవత్సాంకిత వక్షసస్సు మనసా మగ్రే సరస్య ప్రభోః |
రుక్మిణ్యా స్సతతం వివాహ సమయే కుర్వంతుతే మంగళమ్ || ౨ ||
యో గోపీ నయోనోత్పలై రనుపమై రారాధితో గోకులే |
గోభిర్గోపసుతై రనేక మునిభిర్హృత్పద్మకోశాంతరే |
మాయా మానుష విగ్రహస్య మరుతస్తే వాలాఖిల్యాదయో |
రుక్మిణ్యా స్సతతం వివాహ సమయే కుర్వంతుతే మంగళమ్ || ౩ ||
బ్రహ్మా విష్ణు రుమాపతి శ్రుతిచయో వాణీరమో మాయుతా |
ఆదిత్యావసవో గణాధిపముఖా రుద్రాశ్చ భద్రప్రదాః |
కాలాంభోధర దివ్యకాంతి విలసత్కాయస్య మాయావినో |
రుక్మిణ్యా స్సతతం వివాహ సమయే కుర్వంతుతే మంగళమ్ || ౪ ||
వంశీనాద వినోద నందిత సునందాద్యోనవద్యోమహాన్ |
నందాద్యైరభి పూజితః పరమయా భక్త్యా ముహుర్లాలితః |
యఃపూర్వం కమలేక్షణస్య కమలానాథస్య తస్యామరాః |
రుక్మిణ్యా స్సతతం వివాహ సమయే కుర్వంతుతే మంగళమ్ || ౫ ||
విద్యుత్పుంజ నిభాంబరస్య విలసగ్రైవేయకస్య ప్రభోః |
ముక్తాహార మహార్హ కౌస్తుభమణి గ్రీవస్య కృష్ణాత్మనః |
పూర్ణేందు ప్రతిమాననస్య సుతరాం పూర్ణస్యభక్త్యా మరాః |
రుక్మిణ్యా స్సతతం వివాహ సమయే కుర్వంతుతే మంగళమ్ || ౬ ||
మీనాంకాధిక సుందరస్సురవధూ దృక్చాత కాంభోధరో |
గోపీ మండల మండనాంచిత తనుర్యస్సుందరః పూరుషః |
తస్యాఖండ సుఖాత్మకస్య విదుషామేకాత్మకస్య ప్రభోః |
రుక్మిణ్యా స్సతతం వివాహ సమయే కుర్వంతుతే మంగళమ్ || ౭ ||
యే సత్యం ప్రవదంతి సర్వభువనే యాధర్మలీలాఃస్త్రియః |
పాతివ్రత్య పరాయణాస్సురభయో మందారముఖ్యద్రుమాః |
తే సర్వే యదునాయకస్య మహతస్సర్వాత్మకస్య ప్రభోః |
రుక్మిణ్యా స్సతతం వివాహ సమయే కుర్వంతుతే మంగళమ్ || ౮ ||
గర్గాద్యైర్మునిభి స్సదామిత మహాశీర్వాద వర్మాంచితో |
దేవైర్వ్యోమ్ని విమానమధ్యకలితైర్దత్తప్రసూనాంజలిః |
సంతుష్టామర సమ్యగాచరిత భేరీనాద సంతుష్టవాన్ |
రుక్మిణ్యా స్సతతం వివాహ సమయే కుర్వంతుతే మంగళమ్ || ౯ ||
rukmiṇī lagnāṣṭakam
satyajñāna sukha svarūpamamalaṃ sarvōttamaṃ nityadr̥k |
pratyaktattva macintyaśakti vilasadviśvaṃ parabrahmayat |
lōkānugraha vigrahasya jagatāṃ nāthasya tasyāmarāḥ |
rukmiṇyāssatataṃ vivāha samayē kurvantutē maṅgaḷam || 1 ||
gaṅgādyā ssaritō grahāśca śubhadā gandharva vidyādharā |
dikpālā r̥ṣayaśca dēvamunayō dēvyaśca gāuryādayaḥ |
śrīvatsāṅkita vakṣasassu manasā magrē sarasya prabhōḥ |
rukmiṇyā ssatataṃ vivāha samayē kurvantutē maṅgaḷam || 2 ||
yō gōpī nayōnōtpalāi ranupamāi rārādhitō gōkulē |
gōbhirgōpasutāi ranēka munibhirhr̥tpadmakōśāntarē |
māyā mānuṣa vigrahasya marutastē vālākhilyādayō |
rukmiణ్యā ssatataṃ vivāha samayē kurvantutē maṅgaḷam || 3 ||
brahmā viṣṇu rumāpati śruticayō vāṇīramō māyutā |
ādityāvasavō gaṇādhipamukhā rudrāśca bhadrapradāḥ |
kālāmbhōdhara divyakānti vilasatkāyasya māyāvinō |
rukmiṇyā ssatataṃ vivāha samayē kurvantutē maṅgaḷam || 4 ||
vaṃśīnāda vinōda nandita sunandādyōnavadyōmahān |
nandādyāirabhi pūjitaḥ paramayā bhaktyā muhurlālitaḥ |
yaḥpūrvaṃ kamalēkṣaṇasya kamalānāthasya tasyāmarāḥ |
rukmiṇyā ssatataṃ vivāha samayē kurvantutē maṅgaḷam || 5 ||
vidyutpuñja nibhāmbarasya vilasagraivēyakasya prabhōḥ |
muktāhāra mahārha kāustubhamaṇi grīvasya kr̥ṣṇātmanaḥ |
pūrṇēndu pratimānanasya sutarāṃ pūrṇasyabhaktyā marāḥ |
rukmiṇyā ssatataṃ vivāha samayē kurvantutē maṅgaḷam || 6 ||
mīnāṅkādika sundarassuravadhū dr̥kcātaka kāmbhōdharō |
gōpī maṇḍala maṇḍanāñcita tanuryassundaraḥ pūruṣaḥ |
tasyākhaṇḍa sukhātmakasya viduṣāmēkātmakasya prabhōḥ |
rukmiṇyā ssatataṃ vivāha samayē kurvantutē maṅgaḷam || 7 ||
yē satyaṃ pravadanti sarvabhuvanē yādharmalīlāḥ striyaḥ |
pātivratya parāyaṇāssurabhayō mandāramukhyadrumāḥ |
tē sarvē yadunāyakasya mahatassarvātmakasya prabhōḥ |
rukmiṇyā ssatataṃ vivāha samayē kurvantutē maṅgaḷam || 8 ||
gargādyāirmunibhi ssadāmita mahāśīrvāda varmāñcitō |
dēvairvyōmni vimānamadhyakalitāirdattaprasūnāñjaliḥ |
santuṣṭāmara samyagācarita bhērīnāda santuṣṭavān |
rukmiṇyā ssatataṃ vivāha samayē kurvantutē maṅgaḷam || 9 ||