రుద్ర పంచముఖ ధ్యానం
సంవర్తాగ్నితటిత్ప్రదీప్తకనకప్రస్పర్ధితేజోమయం
గంభీరధ్వనిమిశ్రితోగ్రదహనప్రోద్భాసితామ్రాధరం |
అర్ధేందుద్యుతిలోలపింగళజటాభారప్రబద్ధోరగం
వందే సిద్ధసురాసురేంద్రనమితం పూర్వం ముఖః శూలినః || ౧ ||
కాలభ్రభ్రమరాంజనద్యుతినిభం వ్యావృత్తపింగేక్షణం
కర్ణోద్భాసితభోగిమస్తకమణి ప్రోద్భిన్నదంష్ట్రాంకురం |
సర్పప్రోతకపాలశుక్తిశకలవ్యాకీర్ణసంచారగం
వందే దక్షిణమీశ్వరస్య కుటిల భ్రూభంగరౌద్రం ముఖం || ౨ ||
ప్రాలేయాచలచంద్రకుందధవళం గోక్షీరఫేనప్రభం
భస్మాభ్యక్తమనంగదేహదహనజ్వాలావళీలోచనం |
బ్రహ్మేంద్రాదిమరుద్గణైః స్తుతిపరైరభ్యర్చితం యోగిభి-
-వందేఽహం సకలం కళంకరహితం స్థాణోర్ముఖం పశ్చిమం || ౩ ||
గౌరం కుంకుమపంకిలం సుతిలకం వ్యాపాండుగండస్థలం
భ్రూవిక్షేపకటాక్షవీక్షణలసత్సంసక్తకర్ణోత్పలం |
స్నిగ్ధం బింబఫలాధరప్రహసితం నీలాలకాలంకృతం
వందే పూర్ణశశాంకమండలనిభం వక్త్రం హరస్యోత్తరం || ౪ ||
వ్యక్తావ్యక్తగుణేతరం సువిమలం షట్త్రింశతత్త్వాత్మకం
తస్మాదుత్తరతత్త్వమక్షరమితి ధ్యేయం సదా యోగిభిః |
వందే తామసవర్జితం త్రిణయనం సూక్ష్మాతిసూక్ష్మాత్పరం
శాంతం పంచమమీశ్వరస్య వదనం ఖవ్యాపితేజోమయం || ౫ ||
Rudra Panchamukha Dhyanam
saṃvartāgnitaṭitpradīptakanakapraspardhitējōmayaṃ
gaṃbhīradhvanimiśritōgradahanaprōdbhāsitāmrādharaṃ |
ardhēndudyutilōlapiṅgaḷajaṭābhāraprabaddhōragaṃ
vandē siddhasurāsurēndranamitaṃ pūrvaṃ mukhaḥ śūlinaḥ || 1 ||
kālabhrabhramarāñjanadyutinibhaṃ vyāvr̥ttapiṅgēkṣaṇaṃ
karṇōdbhāsitabhōgimastakamaṇi prōdbhinnadaṃṣṭrāṅkuraṃ |
sarpaprōtakapālaśuktiśakalavyākīrṇasaṃcāragaṃ
vandē daxiṇamīśvarasya kuṭila bhrūbhaṅgaraudraṃ mukhaṃ || 2 ||
prālēyācalacandrakundadhavalaṃ gōkṣīraphēnaprabhaṃ
bhasmābhyaktamanaṅgadēhadahanajvālāvaḷīlōcanaṃ |
brahmēndrādimarudgaṇaiḥ stutiparairabhyarcitaṃ yōgibhi-
-rvandē’haṃ sakalaṃ kaḷaṅkarahitaṃ sthāṇōrmukhaṃ paścimam || 3 ||
gauraṃ kuṅkumapaṅkilaṃ sutilakaṃ vyāpāṇḍugaṇḍasthalaṃ
bhrūvixēpakaṭāxavīxaṇalasatsaṃsaktakarṇōtpalaṃ |
snigdhaṃ biṃbaphalādharaprahasitaṃ nīlālakālaṅkr̥taṃ
vandē pūrṇaśaśāṅkamaṇḍalanibhaṃ vaktraṃ harasyōttaram || 4 ||
vyaktāvyaktaguṇētaraṃ suvimalaṃ ṣaṭtriṃśatattvātmakṃ
tasmāduttaratattvaxaramiti dhyēyaṃ sadā yōgibhiḥ |
vandē tāmasavarjitaṃ triṇayanaṃ sūxmātisūxmātparaṃ
śāntaṃ pañcamamīśvarasya vadanaṃ khavyāpitējōmayam || 5 ||