ఋణ విమోచన అంగారక స్తోత్రం
స్కంద ఉవాచ |
ఋణగ్రస్త నరాణాంతు ఋణముక్తిః కథం భవేత్ |
బ్రహ్మోవాచ |
వక్ష్యేహం సర్వలోకానాం హితార్థం హితకామదం |
అస్య శ్రీ అంగారక స్తోత్ర మహామంత్రస్య గౌతమ ఋషిః అనుష్టుప్ ఛందః అంగారకో దేవతా మమ ఋణ విమోచనార్థే జపే వినియోగః |
ధ్యానమ్
రక్తమాల్యాంబరధరః శూలశక్తిగదాధరః |
చతుర్భుజో మేషగతో వరదశ్చ ధరాసుతః || ౧ ||
మంగళో భూమిపుత్రశ్చ ఋణహర్తా ధనప్రదః |
స్థిరాసనో మహాకాయో సర్వకామఫలప్రదః || ౨ ||
లోహితో లోహితాక్షశ్చ సామగానాం కృపాకరః |
ధరాత్మజః కుజో భౌమో భూమిజో భూమినందనః || ౩ ||
అంగారకో యమశ్చైవ సర్వరోగాపహారకః |
సృష్టేః కర్తా చ హర్తా చ సర్వదేవైశ్చపూజితః || ౪ ||
ఏతాని కుజ నామాని నిత్యం యః ప్రయతః పఠేత్ |
ఋణం న జాయతే తస్య ధనం ప్రాప్నోత్యసంశయః || ౫ ||
అంగారక మహీపుత్ర భగవన్ భక్తవత్సలః |
నమోఽస్తు తే మమాఽశేష ఋణమాశు వినాశయ || ౬ ||
రక్తగంధైశ్చ పుష్పైశ్చ ధూపదీపైర్గుడోదకైః |
మంగళం పూజయిత్వా తు మంగళాహని సర్వదా || ౭ ||
ఏకవింశతి నామాని పఠిత్వా తు తదంతికే |
ఋణరేఖాః ప్రకర్తవ్యాః అంగారేణ తదగ్రతః || ౮ ||
తాశ్చ ప్రమార్జయేత్పశ్చాత్ వామపాదేన సంస్పృశత్ |
మూలమంత్రః
అంగారక మహీపుత్ర భగవన్ భక్తవత్సల |
నమోఽస్తుతే మమాశేషఋణమాశు విమోచయ ||
ఏవం కృతే న సందేహో ఋణం హిత్వా ధనీ భవేత్ |
మహతీం శ్రియమాప్నోతి హ్యపరో ధనదో యథా ||
అర్ఘ్యం
అంగారక మహీపుత్ర భగవన్ భక్తవత్సల |
నమోఽస్తుతే మమాశేషఋణమాశు విమోచయ ||
భూమిపుత్ర మహాతేజః స్వేదోద్భవ పినాకినః |
ఋణార్తస్త్వాం ప్రపన్నోఽస్మి గృహాణార్ఘ్యం నమోఽస్తు తే ||
ఇతి శ్రీ ఋణ విమోచన అంగారక స్తోత్రం సంపూర్ణం ||
r̥ṇa vimōcana aṅgāraka stōtram
skanda uvāca |
r̥ṇagrasta narāṇāmtu r̥ṇamuktiḥ kathaṃ bhavēt |
brahmōvāca |
vaksyēhaṃ sarvalōkānāṃ hitārthaṃ hitakāmadaṃ |
asya śrī aṅgāraka stōtra mahāmantrasya gāutama r̥ṣiḥ anuṣṭup chandaḥ aṅgārakō dēvatā mama r̥ṇa vimōcanārthē japē viniyōgaḥ |
Dhyānam
raktamālyāmbaradharaḥ śūlaśaktigadādharaḥ |
caturbhujō mēṣagatō varadaśca dharāsutaḥ || 1 ||
maṅgaḷō bhūmiputraśca r̥ṇahartā dhanapradaḥ |
sthirāsanō mahākāyō sarvakāmaphalapradaḥ || 2 ||
lōhitō lōhitākṣaśca sāmagānāṃ kr̥pākaraḥ |
dharātmajaḥ kujō bhāumō bhūmijō bhūminandanaḥ || 3 ||
aṅgārakō yamaścaiva sarvarōgāpahārakaḥ |
sr̥ṣṭēḥ kartā ca hartā ca sarvadēvaiścapūjitaḥ || 4 ||
ētāni kuja nāmāni nityaṃ yaḥ prayataḥ paṭhēt |
r̥ṇaṃ na jāyatē tasya dhanaṃ prāpnōtyasaṃśayaḥ || 5 ||
aṅgāraka mahīputra bhagavan bhaktavatsalaḥ |
namō'stu tē mamā'śēṣa r̥ṇamāśu vināśaya || 6 ||
raktagandhāiśca puṣpāiśca dhūpadīpāirguḍōdakāiḥ |
maṅgaḷaṃ pūjayitvā tu maṅgaḷāhani sarvadā || 7 ||
ēkaviṃśati nāmāni paṭhitvā tu tadantikē |
r̥ṇarēkhāḥ prakartavyāḥ aṅgārēṇa tadagrataḥ || 8 ||
tāśca pramārjayētpāścāt vāmapādēna saṃspr̥śat |
Mūlamantraḥ
aṅgāraka mahīputra bhagavan bhaktavatsala |
namō'stutē mamāśēṣar̥ṇamāśu vimōcaya ||
ēvaṃ kr̥tē na sandēhō r̥ṇaṃ hitvā dhanī bhavēt |
mahatīṃ śriyamāpnōti hyaparō dhanadō yathā ||
Arghyam
aṅgāraka mahīputra bhagavan bhaktavatsala |
namō'stutē mamāśēṣar̥ṇamāśu vimōcaya ||
bhūmiputra mahātējaḥ svēdōdbhava pinākinaḥ |
r̥ṇārtastvāṃ prapannō'smi gr̥hāṇārghyaṃ namō'stu tē ||
iti śrī r̥ṇa vimōcana aṅgāraka stōtraṃ sampūrṇam ||