పశుపత్యష్టకం
౧. పశుపతీన్దుపతిం ధరణీపతిం భుజగలోకపతిం చ సతీపతిం |
ప్రణతభక్తజనార్తిహరం పరం భజత రే మనుజా గిరిజాపతిం ||
౨. న జనకో జననీ న చ సోదరో న తనయో న చ భూరిబలం కులం |
అవతి కోఽపి న కాలవశం గతం భజత రే మనుజా గిరిజాపతిం ||
౩. మురజడిణ్డిమవాద్యవిలక్షణం మధురపఞ్చమనాదవిశారదం |
ప్రమథభూతగణైరపి సేవితం భజత రే మనుజా గిరిజాపతిం ||
౪. శరణదం సుఖదం శరణాన్వితం శివ శివేతి శివేతి నతం నృణాం |
అభయదం కరుణావరుణాలయం భజత రే మనుజా గిరిజాపతిం ||
౫. నరశిరోరచితం మణికుణ్డలం భుజగహారముదం వృషభధ్వజం |
చితిరజోధవలీకృతవిగ్రహం భజత రే మనుజా గిరిజాపతిం ||
౬. మఖవినాశకరం శిశిశేఖరం సతతమధ్వరభాజిఫలప్రదం |
ప్రళయదగ్ధసురాసురమానవం భజత రే మనుజా గిరిజాపతిం ||
౭. మదమపాస్య చిరం హృది సంస్థితం మరణజన్మజరామయపీడితం |
జగదుదీక్ష్య సమీపభయాకులం భజత రే మనుజా గిరిజాపతిం ||
౮. హరివిరఞ్చిసురాధిపపూజితం యమజనేశధనేశనమస్కృతం |
త్రినయనం భువనత్రితయాధిపం భజత రే మనుజా గిరిజాపతిం ||
౯. పశుపతేరిదమష్టకమద్భుతం విరచితం పృథివీపతిసూరిణా |
పఠతి సంశ్రృణుతే మనుజః సదా శివపురీం వసతే లభతే ముదం ||
ఇతి శ్రీ పశుపత్యష్టకం సంపూర్ణం ||
Pashupatyashtakam
1. paśupatīndupatiṃ dharaṇīpatiṃ bhujagalōkapatiṃ ca satīpatiṃ |
praṇatabhaktajanārtiharaṃ paraṃ bhajata rē manujā girijāpatiṃ ||
2. na janakō jananī na ca sōdarō na tanayō na ca bhūribalaṃ kulaṃ |
avati kō’pi na kālavaśaṃ gataṃ bhajata rē manujā girijāpatiṃ ||
3. murajaḍiṇḍimavādyavilakṣaṇaṃ madhurapañcamanādaviśāradaṃ |
pramathabhūtaganairapi sēvitaṃ bhajata rē manujā girijāpatiṃ ||
4. śaraṇadaṃ sukhadaṃ śaraṇānvitaṃ śiva śivēti śivēti nataṃ nṛṇāṃ |
abhayadaṃ karuṇāvaruṇālayaṃ bhajata rē manujā girijāpatiṃ ||
5. naraśirōracitaṃ maṇikuṇḍalaṃ bhujagahāramudaṃ vr̥ṣabhadhvajaṃ |
citirajōdhavalīkṛtavigrahaṃ bhajata rē manujā girijāpatiṃ ||
6. makhavināśakaraṃ śaśiśēkharaṃ satatamadhvarabhājiphalapradaṃ |
praḷayadagdhasurāsuramānavaṃ bhajata rē manujā girijāpatiṃ ||
7. madamapāsya ciraṃ hṛdi saṃsthitaṃ maraṇajanmajarāmayapīḍitaṃ |
jagadudīkṣya samīpabhayākulaṃ bhajata rē manujā girijāpatiṃ ||
8. hariviriñcisurādhipapūjitaṃ yamajanēśadhanēśanamaskṛtaṃ |
trinayanaṃ bhuvanatritayādhipaṃ bhajata rē manujā girijāpatiṃ ||
9. paśupatēridamaṣṭakamadbhutaṃ viracitaṃ pṛthivīpatisūriṇā |
paṭhati saṃśṛṇutē manujaḥ sadā śivapurīṃ vasatē labhatē mudam ||
iti śrī paśupatyāṣṭakaṃ saṃpūrṇam ||