పరత్వాది పఞ్చకమ్
పరవాసుదేవస్తుతి
ఉద్యద్భానుసహస్ర భాస్వర పర వ్యోమాస్పదం, నిర్మల
జ్ఞానానంద ఘన స్వరూప మమల జ్ఞానాదిభిః షడ్గుణైః |
జుష్టం, సూరిజనాధిపం, ధృత రథాంగాబ్జాది భూషోజ్జ్వలం,
శ్రీ భూ సేవ్య మనంత భోగి నిలయం శ్రీవాసుదేవం భజే || 1
వ్యూహవాసుదేవస్తుతి
ఆమోదే భువనే ప్రమోద ఉత సమ్మోదే చ సంకర్షణం,
ప్రద్యుమ్నం చ తథా నిరుద్ధమపి తాన్ సంహార సృష్టి స్థితీః!
కుర్వాణా న్మతి ముఖ్యషడ్గుణవరైః యుక్తాం స్త్రీయుగ్మాత్మ కైః
వ్యూహాధిష్ఠిత వాసుదేవమపి తం క్షీరాబ్ధినాథం భజే ||
విభవస్తుతి
వేదాన్వేషణ మందరాద్రి భరణ, క్ష్మోద్ధారణ, ప్రశ్రిత
ప్రహ్లాదావన, భూమి భిక్షణ, జగద్విక్రాంతయో యత్త్రియాః |
దుష్టక్షత్ర నిబర్హణం, దశముఖాద్యున్మూలనం, కర్షణం
కాళింద్యా, అతిపాప కంస నిధనం యస్క్రీడితం తన్నుమః || 2
అంతర్యామి స్తుతి
యో దేవాదిచతుర్విధేషు జనిషు బ్రహ్మాండ కోశాంతరే,
సంభక్తేషు చరాచరేషు చ విశన్ ఆస్తే సదాంతర్బహిః |
విష్ణుస్తం నిఖిలే ష్వణు ష్వణుతరం భూయస్సు భూయస్తరం,
స్వాంగుష్ఠప్రమితం చ యోగిహృదయే ష్వాసిన మీశం భజే || 3
అర్చా స్తుతి
శ్రీరంగస్థల వేంకటాద్రి కరిగిర్యాదౌ శతే ష్టోత్తరే,
స్థానే గ్రామని కేతనేషు చ సదా సాన్నిధ్య మాసేదు షే!
అర్చారూపిణ మర్చకాభిమతిత స్స్వీకుర్వతే విగ్రహం,
పూజాం చాఖిలవాంఛితాన్ వితరతే శ్రీశాయ తస్మై నమః || 4
ఫలశ్రుతి
ప్రాతర్విష్ణోః పరత్వాది పంచకస్తుతి ముత్తమామ్ |
పఠన్ ప్రాప్నోతి భగవత్ భక్తిం వరద నిర్మితామ్ ||