పాండురంగ అష్టకం
మహాయోగపీఠే తటే భీమరథ్యా - వరం పుండరీకాయ దాతుం మునీంద్రైః |
సమాగత్య తిష్ఠంతమానందకందం - పరబ్రహ్మలింగం భజే పాండురంగమ్ || ౧ ||
తటిద్వాససం నీలమేఘావభాసం - రమామందిరం సుందరం చిత్ప్రకాశమ్ |
వరం త్విష్టకాయాం సమన్యస్తపాదం - పరబ్రహ్మలింగం భజే పాండురంగమ్ || ౨ ||
ప్రమాణం భవాబ్ధేరిదం మామకానాం - నితంబః కరాభ్యాం ధృతో యేన తస్మాత్ |
విధాతుర్వసత్యై ధృతో నాభికోశః - పరబ్రహ్మలింగం భజే పాండురంగమ్ || ౩ ||
స్ఫురత్కౌస్తుభాలంకృతం కంఠదేశే - శ్రియా జుష్టకేయూరకం శ్రీనివాసమ్ |
శివం శాంతమీడ్యం వరం లోకపాలం - పరబ్రహ్మలింగం భజే పాండురంగమ్ || ౪ ||
శరచ్చంద్రబింబాననం చారుహాసం - లసత్కుండలాక్రాంతగండస్థలాంతమ్ |
జపారాగబింబాధరం కంజనేత్రం - పరబ్రహ్మలింగం భజే పాండురంగమ్ || ౫ ||
కిరీటోజ్జ్వలత్సర్వదిక్ప్రాంతభాగం - సురైరర్చితం దివ్యరత్నైరనర్ఘైః |
త్రిభంగాకృతిం బర్హమాల్యావతంసం - పరబ్రహ్మలింగం భజే పాండురంగమ్ || ౬ ||
విభుం వేణునాదం చరంతం దురంతం - స్వయం లీలయా గోపవేషం దధానమ్ |
గవాం బృందకానందదం చారుహాసం - పరబ్రహ్మలింగం భజే పాండురంగమ్ || ౭ ||
అజం రుక్మిణీ ప్రాణసంజీవనం తం - పరం ధామ కైవల్యమేకం తురీయమ్ |
ప్రసన్నం ప్రపన్నార్తిహం దేవదేవం - పరబ్రహ్మలింగం భజే పాండురంగమ్ || ౮ ||
స్తవం పాండురంగస్య వై పుణ్యదం యే - పఠంత్యేకచిత్తేన భక్త్యా చ నిత్యమ్ |
భవాంభోనిధిం తే వితీర్త్వాంతకాలే - హరేరాలయం శాశ్వతం ప్రాప్నువంతి || ౯ ||
pāṇḍuraṅga aṣṭakam
mahāyōgapīṭʰē taṭē bhīmarathyā - varaṃ puṇḍarīkāya dātuṃ munīndrāiḥ |
samāgatya tiṣṭʰantamānandakandaṃ - parabrahmaliṅgaṃ bhajē pāṇḍuraṅgam || 1 ||
taṭidvāsasaṃ nīlamēghāvabhāsaṃ - ramāmandiraṃ sundaraṃ citprakāśam |
varaṃ tviṣṭakāyāṃ samanyastapādaṃ - parabrahmaliṅgaṃ bhajē pāṇḍuraṅgam || 2 ||
pramāṇaṃ bhavābdʰēridhaṃ māmakānāṃ - nitambaḥ karābhyāṃ dhr̥tō yēna tasmāt |
vidhāturvasatyāi dhr̥tō nābhikōśaḥ - parabrahmaliṅgaṃ bhajē pāṇḍuraṅgam || 3 ||
sphuratkāustubhālaṅkr̥taṃ kaṇṭʰadēśē - śriyā juṣṭakēyūrakaṃ śrīnivāsam |
śivaṃ śāntamīdyaṃ varaṃ lōkapālaṃ - parabrahmaliṅgaṃ bhajē pāṇḍuraṅgam || 4 ||
śaraccandrabimbānanaṃ cāruhāsaṃ - lasatkuṇḍalākrāntagaṇḍasthalāntam |
japārāgabimbādharaṃ kañjanētraṃ - parabrahmaliṅgaṃ bhajē pāṇḍuraṅgam || 5 ||
kirīṭōjjvalatsarvadikprāntabhāgaṃ - surāirarcitaṃ divyaratnāiranarghāiḥ |
tribhaṅgākr̥tiṃ barhamālyāvataṃsaṃ - parabrahmaliṅgaṃ bhajē pāṇḍuraṅgam || 6 ||
vibhuṃ vēṇunādaṃ carantaṃ durantaṃ - svayaṃ līlayā gōpavēṣaṃ dadhānam |
gavāṃ br̥ndakānandadaṃ cāruhāsaṃ - parabrahmaliṅgaṃ bhajē pāṇḍuraṅgam || 7 ||
ajaṃ rukmiṇī prāṇasañjīvanaṃ taṃ - paraṃ dhāma kāivalyamēkaṃ turīyam |
prasannaṃ prapannārtiham dēvadēvaṃ - parabrahmaliṅgaṃ bhajē pāṇḍuraṅgam || 8 ||
stavaṃ pāṇḍuraṅgasya vāi puṇyadaṃ yē - paṭʰantyēkacittēna bhaktyā ca nityam |
bhavāmbhōnidhiṃ tē vitīrtvāntakālē - harērālayaṃ śāśvataṃ prāpnuvanti || 9 ||