నవదుర్గా స్తోత్రం
౧. శైలపుత్రీ
వందే వాంఛితలాభాయ చంద్రార్ధకృతశేఖరాం |
వృషారూఢాం శూలధరాం శైలపుత్రీ యశస్వినీం ||
౨. బ్రహ్మచారిణీ
దధానా కరపద్మాభ్యాం అక్షమాలా కమండలుః |
దేవీ ప్రసీదతు మయి బ్రహ్మచారిణ్యనుత్తమా ||
౩. చంద్రఘంటా
పిండజప్రవరారూఢా చండకోపాస్త్రకైర్యుతా |
ప్రసాదం తనుతే మహ్యం చంద్రఘంటేతి విశ్రుతా ||
౪. కూష్మాండా
సురాసంపూర్ణకలశం రుధిరాప్లుతమేవ చ |
దధానా హస్తపద్మాభ్యాం కూష్మాండా శుభదాస్తు మే ||
౫. స్కందమాతా
సింహాసనగతా నిత్యం పద్మాశ్రితకరద్వయా |
శుభదాస్తు సదా దేవీ స్కందమాతా యశస్వినీ ||
౬. కాత్యాయనీ
చంద్రహాసోజ్జ్వలకరా శార్దూలవరవాహనా |
కాత్యాయనీ శుభం దద్యాదేవీ దానవఘాతినీ ||
౭. కాళరాత్రీ
ఏకవేణీ జపాకర్ణపూరా నగ్నా ఖరాస్థితా |
లంబోష్ఠీ కర్ణికాకర్ణీ తైలాభ్యక్తశరీరిణీ ||
వామపాదోల్లసల్లోహలతాకంటకభూషణా |
వర్ధనమూర్ధ్వజా కృష్ణా కాళరాత్రిర్భయంకరీ ||
౮. మహాగౌరి
శ్వేతే వృషే సమారూఢా శ్వేతాంబరధరా శుచిః |
మహాగౌరీ శుభం దద్యాన్మహాదేవప్రమోదదా ||
౯. సిద్ధిదాత్రీ
సిద్ధగంధర్వయక్షాద్యైరసురైరమరైరపి |
సేవ్యమానా సదా భూయాత్సిద్ధిదా సిద్ధిదాయినీ ||
ఇతి శ్రీ నవ దుర్గా స్తోత్రం సంపూర్ణం ||
nava durgā stōtram
1. śailaputrī
vandē vāñchitalābhāya candrārdhak r̥taśēkharām |
vr̥ṣārūḍhāṃ śūladharāṃ śailaputrī yaśasvinīm ||
2. brahmacāriṇī
dadhānā karapadmābhyām akṣamālā kamaṇḍaluḥ |
dēvī prasīdatu mayi brahmacāriṇyanuttamā ||
3. candraghaṇṭā
piṇḍajapravarārūḍhā caṇḍakōpāstrakairyutā |
prasādaṃ tanutē mahyaṃ candraghaṇṭēti viśrutā ||
4. kūṣmāṇḍā
surāsaṃpūrṇakalaśaṃ rudhirāplutamēva ca |
dadhānā hastapadmābhyāṃ kūṣmāṇḍā śubhadāstu mē ||
5. skandamātā
siṃhāsanagatā nityaṃ padmāśritakaradvayā |
śubhadāstu sadā dēvī skandamātā yaśasvinī ||
6. kātyāyanī
candrahāsōjjvalakarā śārdūlavaravāhanā |
kātyāyanī śubhaṃ dadyāddēvī dānavaghātinī ||
7. kāḷarātrī
ēkavēṇī japākarṇapūrā nagnā kharāsthitā |
lambōṣṭhī karṇikākarṇī tāilābhyaktaśarīriṇī ||
vāmapādōllasallōhalatākaṇṭakabhūṣaṇā |
vardhanamūrdhvajā k r̥ṣṇā kāḷarātrirbhayaṅkarī ||
8. mahāgāurī
śvētē vr̥ṣē samārūḍhā śvētāmbaradharā śuciḥ |
mahāgāurī śubhaṃ dadyānmahādēvapramōdadā ||
9. siddhidātrī
siddhagandharvayakṣādyāirasurāiramarairapi |
sēvyamānā sadā bhūyātsiddhidā siddhidāyinī ||
iti śrī nava durgā stōtraṃ sampūrṇam ||