నారాయణి స్తుతి
సర్వస్య బుద్ధిరూపేణ జనస్య హృది సంస్థితే |
స్వర్గాపవర్గదే దేవి నారాయణి నమోఽస్తు తే || ౧ ||
కలాకాష్ఠాదిరూపేణ పరిణామప్రదాయిని |
విశ్వస్యోపరతౌ శక్తే నారాయణి నమోఽస్తు తే || ౨ ||
సర్వమంగళమాంగళ్యే శివే సర్వార్థసాధికే |
శరణ్యే త్ర్యంబకే గౌరి నారాయణి నమోఽస్తు తే || ౩ ||
సృష్టిస్థితివినాశానాం శక్తిభూతే సనాతని |
గుణాశ్రయే గుణమయే నారాయణి నమోఽస్తు తే || ౪ ||
శరణాగతదీనార్తపరిత్రాణపరాయణే |
సర్వస్యార్తిహరే దేవి నారాయణి నమోఽస్తు తే || ౫ ||
హంసయుక్తవిమానస్థే బ్రహ్మాణీరూపధారిణి |
కౌశాంభఃక్షరికే దేవి నారాయణి నమోఽస్తు తే || ౬ ||
త్రిశూలచంద్రాహిధరే మహావృషభవాహిని |
మాహేశ్వరీస్వరూపేణ నారాయణి నమోఽస్తుతే || ౭ ||
మయూరకుక్కుటవృతే మహాశక్తిధరేఽనఘే |
కౌమారీరూపసంస్థానే నారాయణి నమోఽస్తు తే || ౮ ||
శంఖచక్రగదాశార్ఙ్గగృహీతపరమాయుధే |
ప్రసీద వైష్ణవీరూపే నారాయణి నమోఽస్తు తే || ౯ ||
గృహీతోగ్రమహాచక్రే దంష్ట్రోద్ధృతవసుంధరే |
వరాహరూపిణి శివే నారాయణి నమోఽస్తు తే || ౧౦ ||
నృసింహరూపేణోగ్రేణ హంతుం దైత్యాన్ కృతోద్యమే |
త్రైలోక్యత్రాణసహితే నారాయణి నమోఽస్తు తే || ౧౧ ||
కిరీటిని మహావజ్రే సహస్రనయనోజ్జ్వలే |
వృత్రప్రణహరే చైంద్రి నారాయణి నమోఽస్తు తే || ౧౨ ||
శివదూతీస్వరూపేణ హతదైత్యమహాబలే |
ఘోరరూపే మహారావే నారాయణి నమోఽస్తు తే || ౧౩ ||
దంష్ట్రారాకరాలవదనే శిరోమాలావిభూషణే |
చాముండే ముండమథనే నారాయణి నమోఽస్తు తే || ౧౪ ||
లక్ష్మి లజ్జే మహావిద్యే శ్రద్ధే పుష్టి స్వధే ధ్రువే |
మహారాత్రి మహామాయే నారాయణి నమోఽస్తు తే || ౧౫ ||
మేధే సరస్వతి వరే భూతి బాభ్రవి తామసి |
నియతే త్వం ప్రసీదేశే నారాయణి నమోఽస్తుతే || ౧౬ ||
ఇతి శ్రీ నారాయణి స్తుతి సంపూర్ణం ||
Nārāyaṇī Stuti
sarvasya buddhirūpēṇa janasya hṛdi saṃsthitē |
svargāpavargadē dēvi nārāyaṇi namō’stu tē || 1 ||
kalākāṣṭhādirūpēṇa pariṇāmapradāyini |
viśvasyōparatāu śaktē nārāyaṇi namō’stu tē || 2 ||
sarvamaṅgaḷamāṅgaḷyē śivē sarvārthasādhikē |
śaraṇyē tryambakē gāuri nārāyaṇi namō’stu tē || 3 ||
sṛṣṭisthitivināśānāṃ śaktibhūtē sanātani |
guṇāśrayē guṇamayē nārāyaṇi namō’stu tē || 4 ||
śaraṇāgatadīnārtaparitrāṇaparāyaṇē |
sarvasyārtiharē dēvi nārāyaṇi namō’stu tē || 5 ||
haṃsayuktavimānasthē brahmāṇīrūpadhāriṇi |
kāuśāmbhaḥkṣarikē dēvi nārāyaṇi namō’stu tē || 6 ||
triśūlacandrāhidharē mahāvṛṣabhavāhini |
māhēśvarīsvarūpēṇa nārāyaṇi namō’stu tē || 7 ||
mayūrakukkuṭavṛtē mahāśaktidharē’naghē |
kāumārīrūpasaṃsthānē nārāyaṇi namō’stu tē || 8 ||
śaṅkhacakragadāśārṅgagṛhītaparamāyudhē |
prasīda vaiṣṇavīrūpē nārāyaṇi namō’stu tē || 9 ||
gṛhītōgramahācakrē daṃṣṭrōddhṛtavasundharē |
varāharūpiṇi śivē nārāyaṇi namō’stu tē || 10 ||
nṛsiṃharūpēṇōgrēṇa hantuṃ daityān kṛtōdyamē |
trailōkyatrāṇasahitē nārāyaṇi namō’stu tē || 11 ||
kirīṭini mahāvajrē sahasranayanōjjvalē |
vṛtraprāṇaharē cāindri nārāyaṇi namō’stu tē || 12 ||
śivadūtīsvarūpēṇa hatadaityamahābalē |
ghōrarūpē mahārāvē nārāyaṇi namō’stu tē || 13 ||
daṃṣṭrākarālavadanē śirōmālāvibhūṣaṇē |
cāmuṇḍē muṇḍamathanē nārāyaṇi namō’stu tē || 14 ||
lakṣmi lajjē mahāvidyē śraddhē puṣṭi svadhē dhruvē |
mahārātri mahāmāyē nārāyaṇi namō’stu tē || 15 ||
mēdhē sarasvati varē bhūti bābhravi tāmasi |
niyatē tvaṃ prasīdēśē nārāyaṇi namō’stu tē || 16 ||
iti śrī nārāyaṇī stuti sampūrṇam ||