ముకుంద మాల
ఘుష్యతే యస్య నగరే రంగయాత్రా దినేదినే |
తమహం శిరసా వందే రాజానం కులశేఖరమ్ ||
శ్రీవల్లభేతి వరదేతి దయాపరేతి
భక్తప్రియేతి భవలుణ్ఠన కోవిదేతి |
నాథేతి నాగాశయనేతి జగన్నివాసే
త్యాలాపనం ప్రతిపదం కురు మే ముకుంద || ౧
జయతు జయతు దేవో దేవకీనందనో౨యం
జయతు జయతు కృష్ణో వృష్ణివంశప్రదీప: |
జయతు జయతు మేఘశ్యామల: కోమలాంగో
జయతు జయతు పృథ్వీభారనాశో ముకుందః || ౨
ముకున్ద మూర్ధ్నా ప్రణిపత్య యాచే
భవంతమేకాంతమియంతమర్దమ్ |
అవిస్మృతి స్త్వ చ్చరణారవిన్దే
భవేభవే మే౨స్తు భవత్ ప్రసాదాత్ || ౩
నాహం వందే తవ చరణయో:ద్వన్ద్వహేతో:
కుమ్భీపాకం గురుమపి హరే! నారకం నాపనేతుమ్ |
రమ్యా రామా మృదుతనులతా నన్దనే నాపి రన్తుం
భావే భావే హృదయభవనే భావయేయం భవన్తమ్ || ౪
నాస్ధా ధర్మే న వసునిచయే నైవ కామోపభోగే
యద్య ద్భవ్యం భవతు భగవన్ పూర్వకర్మానురూపమ్ |
ఏతత్ ప్రార్ధ్యం మమ బహుమతం జన్మజన్మాన్తరే౨పి
త్వత్పాదామ్భోరుహయుగగతా నిశ్చలా భక్తిరస్తు || ౫
దివి వా భువి వా మమాస్తు వాసో
నరకే వా నరకాన్తక ప్రకామమ్ |
అవధీరిత శారదారవిన్దౌ
చరణౌ తే మరణేపి చిన్తయాని || ౬
కృష్ణ త్వదీయ పదపంజ్ఞ్కజ పంజరాంతం
అద్వ్యైవ మే విశతు మానస రాజహంస: |
ప్రాణప్రయాణ సమయే కఫవాతపిత్తై:
కంఠావరోధనవిధౌ స్మరణం కుతస్తే || ౭
చిన్తయామి హరిమేవ సన్తతం
మన్దమన్ద హసితాననామ్బుజమ్ |
నందగోప తనయం పరాత్పరం
నారదాది మునిబృంద వందితమ్ || ౮
కరచరణ సరోజే కాంతిమన్నేత్రమీనే
శ్రమముషి భుజవీచివ్యాకులే౨గాధమార్గే |
హరిసరసి విగాహ్యాపీయ తేజోజలౌఘం
భవమరుపరిఖిన్న: ఖేదమద్యత్యజామి || ౯
సరసిజనయనే సశంఖచక్రే
మురభిధి మా విరమ స్వచిత్త | రన్తుమ్ |
సుఖతర మపరం న జాతు జానే
హరిచరణ స్మరణామృతేన తుల్యమ్ || ౧౦
మాభీర్మన్దమనో విచిన్త్య బహుధా యామీశ్చిరం యాతనా:
నామీ న: ప్రభవన్తి పాపరిపవస్స్సామీ నను శ్రీధర: |
ఆలస్యం వ్యపనీయ భక్తిసులభం ధ్యాయస్య నారాయణం
లోకస్య వ్యసనాపనోదనకరో దాసస్య కిం న క్షమ: || ౧౧
భవజలధిగతానాం ద్వన్ద్వ వాతాహతానాం
సుత దుహితృ కళత్ర త్రాణభారార్ధితానామ్ |
విషమవిషయతోయే మజ్జతామప్లవానాం
భవతు శరణమేకో విష్ణుపోతో నరాణామ్ || ౧౨
భవజలధి మగాధం దుస్తరం నిస్తరేయం
కధ మహ మితి చేతో మాస్మగా: కాతరత్వమ్ |
సరసిజదృశి దేవే తావకీ భక్తిరేకా
నరకభిది నిషణ్ణా తారయిష్య త్యవశ్యమ్ || ౧౩
తృష్ణాతోయే మదనపవనోద్ధూత మోహోర్మిమాలే
దారా౨వర్తే తనయ సహజగ్రాహ సంఘాకులే చ |
సంసారాఖ్యే మహతి జలధౌ మజ్జతాం నస్త్రిధామన్
పాదామ్భోజే వరద భవతో భక్తినావం ప్రయచ్చ || ౧౪
మాద్రాక్షం క్షీణపుణ్యాన్,క్షణమపి భవతో భక్తిహీనాన్ పదాబ్జే
మాశ్రౌషం శ్రావ్యబన్ధం తవ చరిత మపాస్యాన్యదాఖ్యాన జాతమ్ |
మాస్మార్షం మాధవ త్వామపి భువనపతే | చేతసా౨పహ్నువానాన్
మాభూవం త్వత్ సపర్యా వ్యతికర రహితో జన్మజన్మాన్తరే౨పి || ౧౫
జిహ్వే కీర్తయ కేశవం మురరిపుం చేతో భజ, శ్రీధరం
పాణిద్వన్ద్వ సమర్చయా౨చ్యుత కధా: శ్రోత్రద్వయ౧ త్వం శృణు |
కృష్ణం లోకయ లోచనద్వయ హరేర్గచ్చాంఘ్రియుగ్మాలయం
జిఘ్ర ఘ్రాణ ముకుందపాదతులసీం, మూర్ధన్న మాధోక్షజమ్ || ౧౬
హే లోకా శ్శృణుత ప్రసూతి మరణవ్యాధే శ్చికిత్సామిమాం
యోగజ్ఞా స్సముదాహరన్తి మునయో యాం యాజ్ఞవల్క్యదయ: |
అన్తర్జ్యోతి రమేయ మేక మమృతం కృష్ణాఖ్య మాపీయతాం
తత్పీతం పరమౌషధం వితనుతే నిర్వాణ మాత్యన్తికమ్ || ౧౭
హే మర్త్యా: పరమం హిత శృణుత వో వక్ష్యామి సంక్షేపత:
సంసారార్ణవ మాపదూర్మిబహుళం సమ్యక్ ప్రవిశ్య స్థితా: |
నానాజ్ఞాన మపాస్య చేతసి నమో నారాయణాయే త్యముం
మన్త్రం సప్రణవం ప్రణామసహితం ప్రావర్తయధ్వం ముహు: || ౧౮
పృధ్వీ రేణు,రణు: పయాంసి కణికా: ఫల్గు స్ఫులింగోనల:
తేజో, నిశ్వసనం మరుత్ తనుతరం రన్ద్రం సుసూక్ష్మం నభ: |
క్షుద్రా రుద్ర పితామహప్రభృతయ: కీటా స్సమస్తా స్సురా:
దృష్టే యత్ర స తావకో విజయతే భూమా౨వధూతావధి: || ౧౯
బద్ధేనాంజలినా నతేన శిరసా గాత్రై స్సరోమోద్గమై:
కంఠేన స్వరగద్గదేన నయనే నోద్గీర్ణ బాష్పాంబునా |
నిత్యం త్వచ్చరణారవిందయుగళ ధ్యానామృతా స్వాదినాం
అస్మాకం సరసీరుహాక్ష సతతం సమ్పద్యతాం జీవితమ్ || ౨౦
హే గోపాలక హే కృపాజలనిధే హే సింధుకన్యాపతే
హే కంసాన్తక హే గజేన్ద్ర కరుణాపారీణ హే మాధవ |
హే రామానుజ హే జగత్త్రయగురో హే పుండరీకాక్ష మాం
హే గోపీజననాథ పాలయ పరం జానామి న త్వాం వినా || ౨౧
భక్తాపాయభుజంగగారుడమణి: త్త్రైలోక్యరక్షామణి:
గోపీలోచన చాతకామ్బుద మణి స్సౌందర్యముద్రామణి: |
య: కాన్తామణి రుక్మిణీఘనకుచ ద్వన్ద్వైకభూషామణి:
రేయో దేవ శిఖామణి ర్దిశతు నో గోపాలచూడామణి: || ౨౨
శత్రుచ్చేదైకమన్త్రం సకలముపనిషద్వాక్య సమ్పూజ్య మన్త్రం
సంసారోత్తారమన్త్రం సముపచిత తమస్సంఘ నిర్యాణమన్త్రమ్ |
సర్వైశ్వర్యైకమన్త్రం వ్యసనభుజగ సన్దష్ట సంన్త్రాణమన్త్రం
జిహ్వే శ్రీకృష్ణమన్త్రం జపజప సతతం జన్మసాఫల్యమన్త్రమ్ || ౨౩
వ్యామోహప్రశమౌషధం మునిమనోవృత్తి ప్రవృత్త్యౌషధం
దైత్యేన్ద్రార్తికరౌషధం త్రిజగతాం సంజీవనై కౌషధమ్ |
భక్తాత్యన్త హితౌషధం భవభయ ప్రధ్వంసనైకౌషధం
శ్రేయ: ప్రాప్తికరౌషధం పిబ మన:శ్రీకృష్ణదివ్యౌషధమ్ ౨౪
ఆమ్నాయాభ్యసనా న్యరణ్యరుదితం వేదవ్రతా న్యన్వహం
మేద శ్చేద ఫలాని పూర్తవిధయ స్సర్వే హంతం భస్మని |
తీర్థానా మవగాహనాని చ గజస్నానం వినా యత్పద
ద్వన్ద్వామ్భోరుహ సంస్మృతీ ర్విజయతే దేవ స్సనారాయణ: || ౨౫
శ్రీమన్ నామ ప్రోచ్య నారాయణాఖ్యం
కే న ప్రాపుర్వాంచితం పాపినో౨పి |
హా న: పూర్వం వాక్ ప్రవృత్తా న తస్మిన్
తేన ప్రాప్తం గర్భవాసాది దు:ఖమ్ || ౨౬
మజ్జన్మన: ఫలమిదం మధుకైటభారే
మత్ ప్రార్థనీయ మదనుగ్రహ ఏష ఏవ |
త్వద్భృత్య భృత్య పరిచారక భృత్య భృత్య
భృత్యస్య భృత్య ఇతి మాం స్మర లోకనాథ || ౨౭
నాథే న: పురుషోత్తమే,త్రిజగతా మేకాధిపే చేతసా
సేవ్యే స్వస్య పదస్య దాతారి సురే నారాయణే తిష్ఠతి |
యం కంచిత్ పురుషాధమం కతిపయ గ్రామేశ మల్పార్థదం
సేవాయై మృగయామహే నరమహో మూకా వరాకా వయమ్ || ౨౮
మదన పరిహర స్థితిం మదీయే
మనసి ముకున్ద పదారవిన్ద ధామ్ని |
హరనయన కృశానునా కృశో౨సి
స్మరసి న చక్రపరాక్రమం మురారే: || ౨౯
తత్త్వం బ్రువాణాని పరం పరస్మాత్
మధు క్షరన్తీవ సతాం ఫలాని |
ప్రావర్తయ ప్రాంజలిరస్మి జిహ్వే |
నామాని నారాయణ గోచరాణి || ౩౦
ఇదం శరీరం పరిణామపేశలం
పత త్యవశ్యం శ్లథసంధి జర్ఘరమ్ |
కిమౌషధై: క్లిశ్యసి మూఢ దుర్మతే
నిరామయం కృష్ణరసాయనం పిబ || ౩౧
దారా వారీకరవరసుతా తే తనూజో విరించి:
స్తోతా వేదస్తవ సురగణో భృత్యవర్గ: ప్రసాద: |
ముక్తి,ర్మాయా జగదవికలం, తావకీ దేవకీ తే
మాతా,మిత్రం బలరిపుసుత, స్త్వయ్యతో౨న్యం న జానే || ౩౨
కృష్ణో రక్షతు నో జగత్త్రయగురు: కృష్ణం నమస్యామ్యహం
కృష్ణే నామర శత్రవో వినిహతా: కృష్ణాయ తస్మై నమ: |
కృష్ణా దేవ సముత్థితం జగదిదం కృష్ణస్య దాసో౨స్మ్యహం
కృష్ణే తిష్ఠతి సర్వ మేత దఖిలం హే కృష్ణ | సంరక్ష మామ్ || ౩౩
తత్త్వం ప్రసీద భగవన్ కురు మయ్యనాథే
విష్ణో కృపాం పరమకారుణిక: కిల త్వమ్ |
సంసార సాగరనిమగ్న మనన్త దీనం
ఉద్ధర్తు మర్హసి హరే పురుషోత్తమో౨సి || ౩౪
నమామి నారాయణ పాదపంకజం
కరోమి నారాయణ పూజనం సదా |
వదామి నారాయణ నామ నిర్మలం
స్మరామి నారాయణ తత్త్వ మవ్యయమ్ || ౩౫
శ్రీనాథ నారాయణ వాసుదేవ
శ్రీకృష్ణ భక్తప్రియ చక్రపాణే | |
శ్రీపద్మనాభా౨చ్యుత కైటభారే
శ్రీరామ పద్మాక్ష హరే మురారే | ౩౬
అనంత వైకుంఠ ముకుంద కృష్ణ
గోవిన్ద దామోదర మాధవేతి |
వక్తుం సమర్థో౨పి న వక్తి కశ్చిత్
అహో జనానాం వ్యసనాభిముఖ్యమ్ || ౩౭
ధ్యాయన్తి యే విష్ణు మనన్త మవ్యయం
హృత్పద్మమధ్యే సతతం వ్యవస్థితమ్ |
సమాహితానాం సతతాభయప్రదం
తే యాన్తి సిద్ధిం పరమాంచ వైష్ణవీమ్ || ౩౮
క్షీరసాగరతరంగ శీకరాసార తారకిత చారుమూర్తయే |
భోగిభోగ శయనీయశాయినే మాధవాయ మధువిద్విషే నమ: || ౩౯
యస్య ప్రియౌ శ్రుతిధరౌ కవిలోకవీరౌ
మిత్రే ద్విజన్మవరపద్మ శరావభూతామ్ |
తేనామ్భుజాక్ష చరణామ్బుజ షట్పదేన
రాజ్ఞా కృతా కృతిరియం కులశేఖరేణ || ౪౦
ఇతి శ్రీ ముకుంద మాల ||
Mukunda Mala
ghuṣyatē yasya nagarē raṅgayātrā dinēdinē |
tamahaṃ śirasā vaṇdē rājānaṃ kulaśēkharam ||
śrīvallabhēti varadēti dayāparēti
bhaktapriyēti bhavaluṇṭhana kōvidēti |
nāthēti nāgāśayanēti jagannivāsē
tyālāpanaṃ pratipadaṃ kuru mē mukuṇda || 1
jayatu jayatu dēvō dēvakīnaṇdanō’yaṃ
jayatu jayatu kṛṣṇō vṛṣṇivaṃśapradīpa: |
jayatu jayatu mēghaśyāmala: kōmalāṅgō
jayatu jayatu pṛthvībhāranāśō mukuṇdaḥ || 2
mukuṇda mūrḍhnā praṇipatya yācē
bhavaṇtamēkāṇtamiyantamaṛdam |
avismṛti stva ccaraṇāraviṇdē
bhavēbhavē mē’stu bhavat prasādāt || 3
nāhaṃ vaṇdē tava caraṇayō:dvaṇdvahētō:
kumbhīpākaṃ gurumapi harē! nārakaṃ nāpanētum |
ramyā rāmā mṛdutanulatā naṇdanē nāpi raṇtuṃ
bhāvē bhāvē hr̥dayabhavanē bhāvayēyaṃ bhavaṇtam || 4
nāsdhā dharmē na vasunicayē naiva kāmōpabhōgē
yadya dbhavyaṃ bhavatu bhagavan pūrvakarmānurūpam |
ētat prārdhyaṃ mama bahumataṃ janmajanmāṇtarē’pi
tvatpādāmbhōruhayugagatā niścalā bhaktirastu || 5
divi vā bhuvi vā mamāstu vāsō
narakē vā narakāṇtaka prakāmam |
avadhīrita śāradāraviṇdau
caraṇau tē maraṇēpi ciṇtayāni || 6
kṛṣṇa tvadīya padapañjñkaja pañjarāṇtaṃ
advyaiya mē viśatu mānasa rājahamsa: |
prāṇaprayāṇa samayē kaphavātapittai:
kaṇṭhāvarōdhanavidhau smaraṇaṃ kutastē || 7
ciṇtayāmi harimēva saṇtataṃ
maṇdamaṇda hasitānanāmbujaṃ |
naṇdagōpa tanayaṃ parātparaṃ
nāradādi munibṛṇda vaṇditam || 8
karacaraṇa sarōjē kāṇtimannētramīnē
śramamuṣi bhujavīcivyākulē’gādhāmaṛgē |
harisarasi vigāhyāpīya tējōjalaughaṃ
bhavamaru parikhiṇna: khēdamadyatyajāmi || 9
sarasijanayanē saśaṅkhacakrē
murabhidhi mā virama svacitta | raṇtum |
sukhatara maparaṃ na jātu jānē
haricaraṇa smaraṇāmṛtēna tulyam || 10
mābhīṛmaṇdamanō viciṇtya bahudhā yāmīściraṃ yātanā:
nāmī na: prabhavanti pāparipavasssāmī naṇu śrīdhara: |
ālasyaṃ vyapanīya bhaktisulabhaṃ dhyāyasya nārāyaṇaṃ
lōkasya vyasanāpanōdanakarō dāsasya kiṃ na xama: || 11
bhavajaladhigatānāṃ dvaṇdva vātāhatānāṃ
suta duhitṛ kaḷatra trāṇabhārārditānām |
viṣamaviṣayatōyē majjatāmaplavānāṃ
bhavatu śaraṇamēkō viṣṇupōtō narāṇām || 12
bhavajaladhi magādhaṃ dustaraṃ nistarēyaṃ
kadha maha miti cētō māsmagā: kātaratvam |
sarasijadṛśi dēvē tāvakī bhaktirēkā
narakabhidi niṣaṇṇā tārayiṣya tyavaśyam || 13
tṛṣṇātōyē madanapavanōddhūta mōhōrmimālē
dārā’vaṛtē tanaya sahajagrāha saṅghākulē ca |
saṃsārākhyē mahati jaladhau majjatāṃ nastridhāman
pādāmbhōjē varada bhavatō bhaktināvaṃ prayacca || 14
mādrāxaṃ kṣīṇapuṇyān,xaṇamapi bhavatō bhaktihīnān padābjē
māśrauṣaṃ śrāvyabaṇdhaṃ tava carita mapāsyānyadākhyāna jātam |
māsmārṣaṃ mādhava tvāmapi bhuvanapatē | cētasā’pahunvānān
mābhūvaṃ tvat saparyā vyatikara rahitō janmajanmāṇtarē’pi || 15
jihvē kīrtaya kēśavaṃ muraripuṃ cētō bhaja, śrīdharaṃ
pāṇidwaṇdva samarcayā’cyuta kadhā: śrōtradwayaṃ tvaṃ śṛṇu |
kṛṣṇaṃ lōkaya lōcanadwaya harērgaccāṅghriyugmālayaṃ
jighra ghrāṇa mukuṇdapādatulasīṃ, mūrdhaṇna mād hōkṣajam || 16
hē lōkā śśṛṇuta prasūti maraṇavyādhē ścikitsāmimāṃ
yōgajñā ssamudāharaṇti munayō yāṃ yājñavalkyaday: |
aṇtarjyōti ramēya mēka mamṛtaṃ kṛṣṇākhya māpīyatāṃ
tatpītaṃ paramauṣadhaṃ vitanutē nirvāṇa mātyaṇtikam || 17
hē maṛtyā: paramaṃ hita śṛṇuta vō vaxyāmi saṃxēpata:
saṃsārāṛṇava māpadūrmibahuḷaṃ samyak praviśya sthitā: |
nānājñāna mapāsya cētasi namō nārāyaṇāyē tyamuṃ
maṇtraṃ sapraṇavaṃ praṇāmasahitaṃ prāvartayadhvaṃ muhu: || 18
pṛdhvī rēṇu,raṇu: payāṃsi kaṇikā: phalgu sphuliṅgōnala:
tējō, niśvasanaṃ marut tanutaraṃ raṇdraṃ susūxmaṃ nabha: |
xudrā rudra pitāmahaprabhṛtay: kīṭā ssamastā ssurā:
dṛṣṭē yatra sa tāvakō vijayatē bhūmā’vadhūtāvadhi: || 19
baddhēnāñjalinā natēna śirasā gātrai ssarōmōdgayai:
kaṇṭhēna svaragadgadēna nayanē nōdgīrṇa bāṣpāmbuṇā |
nityaṃ tvaccaraṇāraviṇdayugaḷa dhyānāmṛtā svādināṃ
asmākaṃ sarasīruhāxa satataṃ saṃpadyatāṃ jīvitam || 20
hē gōpālaka hē kṛpājalaṇidhē hē siṇdhukanyāpatē
hē kaṃsāṇtaka hē gajēṇdra karuṇāpārīṇa hē mādhava |
hē rāmānuja hē jagattrayagurō hē puṇḍarīkāxa māṃ
hē gōpījananātha pālaya paraṃ jānāmi na tvāṃ vinā || 21
bhaktāpāyabhujaṅgagāruḍamaṇi: tttrailōkyaraxāmaṇi:
gōpīlōcana cātakāmbuda maṇi ssauṇdaryamudrāmaṇi: |
ya: kāṇtāmaṇi rukmiṇīghanakuca dwaṇdvaikabhūṣāmaṇi:
rēyō dēva śikhāmaṇi rdiśatu nō gōpālacūḍāmaṇi: || 22
śatruccēdaikamaṇtraṃ sakalamupaniṣadvākya saṃpūjya maṇtraṃ
saṃsārōttāramaṇtraṃ samupacita tamassaṅgha niryāṇamaṇtram |
sarvaiśwaryaikamaṇtraṃ vyasanabhujaṅga saṇdaṣṭa saṇtrāṇamaṇtraṃ
jihvē śrīkṛṣṇamaṇtraṃ japajapa satataṃ janmasāphalyamaṇtram || 23
vyāmōhapraśamauṣadhaṃ munimanōvṛtti pravṛttyauṣadhaṃ
daityēṇdrārtikarauṣadhaṃ trijagatāṃ sañjīvanai kauṣadham |
bhaktātyaṇta hitauṣadhaṃ bhavabhaya pradhwaṃsaṇaikauṣadhaṃ
śrēy: prāptikarauṣadhaṃ piba mana:śrīkṛṣṇadivyauṣadham 24
āmnāyābhyasanā nyaṛṇyaruditaṃ vēdavratā nyanvahaṃ
mēda śchēda phalāni pūrtavidhay ssarvē haṇtaṃ bhasmani |
tīrthānā mavagāhanāni ca gajasnānaṃ vinā yatpada
dwaṇdwāmbhōruha saṃsmṛtī rvijayatē dēva ssanārāyaṇa: || 25
śrīman nāma prōcya nārāyaṇākhyaṃ
kē na prāpurvāñcitaṃ pāpinō’pi |
hā na: pūṛvaṃ vāk pravṛttā na tasmin
tēna prāptaṃ garbhavāsādi du:kham || 26
majjanmaṇa: phalamidaṃ madhukaiṭabhārē
mat prārthanīya madanugraha ēṣa ēva |
tvadbhr̥tya bhr̥tya paricāraka bhr̥tya bhr̥tya
bhr̥tyasya bhr̥tya iti māṃ smara lōkanātha || 27
nāthē na: puruṣōttamē,trijagatā mēkādhipē cētasā
sēvyē svasya padasya dātāri surē nārāyaṇē tiṣṭhati |
yaṃ kañcit puruṣādhamaṃ katipaya grāmēśa malpārthadaṃ
sēvāyai mṛgayāmahē naramahō mūkā varākā vayam || 28
madana parihara sthitiṃ madīyē
manasi mukuṇda padāraviṇda dhāmni |
haranayana kṛśānunā kṛśō’si
smarasi na cakraparākramaṃ murārē: || 29
tattvaṃ bruvāṇāni paraṃ parasmāt
madhu xaraṇtīva satāṃ phalāni |
prāvartaya prāñjalirasmi jihvē |
nāmāni nārāyaṇa gōcarāṇi || 30
idaṃ śarīraṃ pariṇāmapēśalaṃ
pata tyavaśyaṃ ślathasaṃdhi jargharam |
kimauṣadhai: kliśyasi mūḍha durmatē
nirāmayaṃ kṛṣṇarasāyanaṃ piba || 31
dārā vārākaravarasutā tē tanūjō viriñci:
stōtā vēdastava suragaṇō bhr̥tyavarga: prasāda: |
mukti,rmāyā jagadavikalaṃ, tāvakī dēvakī tē
mātā,mitraṃ balaripusuta, stvavyatō’nyaṃ na jānē || 32
kṛṣṇō raṣatū nō jagattrayagurū: kṛṣṇaṃ namasyāmyahaṃ
kṛṣṇē nāmara śatravō vinihatā: kṛṣṇāya tasmai nama: |
kṛṣṇā dēva samutthitaṃ jagadidaṃ kṛṣṇasya dāsō’syahaṃ
kṛṣṇē tiṣṭhati sarva mēta dakhilaṃ hē kṛṣṇa | saṃraxa mām || 33
tattvaṃ prasīda bhagavan kuru mayyanāthē
viṣṇō kr̥pāṃ paramakāruṇika: kila tvam |
saṃsāra sāgaranimagna anaṇta dīnaṃ
uddhaṛtu maṛhasi harē puruṣōttamō’si || 34
namāmi nārāyaṇa pādapaṅkajaṃ
karōmi nārāyaṇa pūjanaṃ sadā |
vadāmi nārāyaṇa nāma nirmalaṃ
smarāmi nārāyaṇa tattva mavyayam || 35
śrīnātha nārāyaṇa vāsudēva
śrīkṛṣṇa bhaktapriya cakrapāṇē | |
śrīpadmanābhā’cyuta kaiṭabhārē
śrīrāma padmāxa harē murārē | 36
anaṇta vaikunṭha mukuṇda kṛṣṇa
gōviṇda dāmōdara mādhavēti |
vaktuṃ samarthō’pi na vakti kaścit
ahō janānāṃ vyasanābhimukhyam || 37
dhyāyaṇti yē viṣṇu manaṇta mavyayaṃ
hr̥tpadmamadhyē satataṃ vyavasthitam |
samāhitānāṃ satatābhayapradaṃ
tē yāṇti siddhiṃ paramāñca vaiṣṇavīm || 38
kṣīrasāgarataraṅga śīkarāsāra tārakita cārumūrtayē |
bhōgibhōga śayanīyaśāyiṇē mādhavāya madhuvidviṣē nama: || 39
yasya priyau śrutidharau kavilōkavīrau
mitrē dwijanmavara-padma śarāvabhūtām |
tēnāmbhujāxa caraṇāmbhuja ṣaṭpadēna
rājñā kṛtā kṛtiriyaṃ kulaśēkharēṇa || 40
iti śrī gōviṇdāṣṭakam ||