మృతసంజీవని స్తోత్రం
ఏవమారాధ్య గౌరీశం దేవం మృత్యుంజయేశ్వరమ్ |
మృతసంజీవనం నామ్నా కవచం ప్రజపేత్సదా || ౧ ||
సారాత్సారతరం పుణ్యం గుహ్యాద్గుహ్యతరం శుభమ్ |
మహాదేవస్య కవచం మృతసంజీవనామకం || ౨ ||
సమాహితమనా భూత్వా శృణుష్వ కవచం శుభమ్ |
శృత్వైతద్దివ్య కవచం రహస్యం కురు సర్వదా || ౩ ||
వరాభయకరో యజ్వా సర్వదేవనిషేవితః |
మృత్యుంజయో మహాదేవః ప్రాచ్యాం మాం పాతు సర్వదా || ౪ ||
దధానః శక్తిమభయాం త్రిముఖం షడ్భుజః ప్రభుః |
సదాశివోఽగ్నిరూపీ మాం ఆగ్నేయ్యాం పాతు సర్వదా || ౫ ||
అష్టాదశభుజోపేతో దండాభయకరో విభుః |
యమరూపీ మహాదేవో దక్షిణస్యాం సదాఽవతు || ౬ ||
ఖడ్గాభయకరో ధీరో రక్షోగణనిషేవితః |
రక్షోరూపీ మహేశో మాం నైరృత్యాం సర్వదాఽవతు || ౭ ||
పాశాభయభుజః సర్వరత్నాకరనిషేవితః |
వరూణాత్మా మహాదేవః పశ్చిమే మాం సదాఽవతు || ౮ ||
గదాభయకరః ప్రాణనాయకః సర్వదాగతిః |
వాయవ్యాం మారుతాత్మా మాం శంకరః పాతు సర్వదా || ౯ ||
శంఖాభయకరస్థో మాం నాయకః పరమేశ్వరః |
సర్వాత్మాంతరదిగ్భాగే పాతు మాం శంకరః ప్రభుః || ౧౦ ||
శూలాభయకరః సర్వవిద్యానామధినాయకః |
ఈశానాత్మా తథైశాన్యాం పాతు మాం పరమేశ్వరః || ౧౧ ||
ఊర్ధ్వభాగే బ్రహ్మరూపీ విశ్వాత్మాఽధః సదాఽవతు |
శిరో మే శంకరః పాతు లలాటం చంద్రశేఖరః || ౧౨ ||
భ్రూమధ్యం సర్వలోకేశస్త్రినేత్రో లోచనేఽవతు |
భ్రూయుగ్మం గిరిశః పాతు కర్ణౌ పాతు మహేశ్వరః || ౧౩ ||
నాసికాం మే మహాదేవ ఓష్ఠౌ పాతు వృషధ్వజః |
జిహ్వాం మే దక్షిణామూర్తిర్దంతాన్మే గిరిశోఽవతు || ౧౪ ||
మృత్యుంజయో ముఖం పాతు కంఠం మే నాగభూషణః |
పినాకీ మత్కరౌ పాతు త్రిశూలీ హృదయం మమ || ౧౫ ||
పంచవక్త్రః స్తనౌ పాతు ఉదరం జగదీశ్వరః |
నాభిం పాతు విరూపాక్షః పార్శ్వౌ మే పార్వతీపతిః || ౧౬ ||
కటిద్వయం గిరీశో మే పృష్ఠం మే ప్రమథాధిపః |
గుహ్యం మహేశ్వరః పాతు మమోరూ పాతు భైరవః || ౧౭ ||
జానునీ మే జగద్ధర్తా జంఘే మే జగదంబికా |
పాదౌ మే సతతం పాతు లోకవంద్యః సదాశివః || ౧౮ ||
గిరిశః పాతు మే భార్యాం భవః పాతు సుతాన్మమ |
మృత్యుంజయో మమాయుష్యం చిత్తం మే గణనాయకః || ౧౯ ||
సర్వాంగం మే సదా పాతు కాలకాలః సదాశివః |
ఏతత్తే కవచం పుణ్యం దేవతానాం చ దుర్లభమ్ || ౨౦ ||
మృతసంజీవనం నామ్నా మహాదేవేన కీర్తితమ్ |
సహస్రావర్తనం చాస్య పురశ్చరణమీరితమ్ || ౨౧ ||
యః పఠేచ్ఛృణుయాన్నిత్యం శ్రావయేత్సుసమాహితః |
స కాలమృత్యుం నిర్జిత్య సదాయుష్యం సమశ్నుతే || ౨౨ ||
హస్తేన వా యదా స్పృష్ట్వా మృతం సంజీవయత్యసౌ |
ఆధయో వ్యాధయస్తస్య న భవంతి కదాచన || ౨౩ ||
కాలమృత్యుమపి ప్రాప్తమసౌ జయతి సర్వదా |
అణిమాదిగుణైశ్వర్యం లభతే మానవోత్తమః || ౨౪ ||
యుద్ధారంభే పఠిత్వేదమష్టావింశతివారకమ్ |
యుద్ధమధ్యే స్థితః శత్రుః సద్యః సర్వైర్న దృశ్యతే || ౨౫ ||
న బ్రహ్మాదీని చాస్త్రాణి క్షయం కుర్వంతి తస్య వై |
విజయం లభతే దేవయుద్ధమధ్యేపి సర్వదా || ౨౬ ||
ప్రాతరుత్థాయ సతతం యః పఠేత్కవచం శుభమ్ |
అక్షయ్యం లభతే సౌఖ్యమిహలోకే పరత్ర చ || ౨౭ ||
సర్వవ్యాధివినిర్ముక్తః సర్వరోగవివర్జితః |
అజరామరణోభూత్వా సదా షోడశవార్షికః || ౨౮ ||
విచరత్యఖిలాన్లోకాన్ప్రాప్య భోగాంశ్చ దుర్లభాన్ |
తస్మాదిదం మహాగోప్యం కవచం సముదాహృతమ్ || ౨౯ ||
మృతసంజీవనం నామ్నా దేవతైరపి దుర్లభమ్ |
మృతసంజీవనం నామ్నా దేవతైరపి దుర్లభమ్ || ౩౦ ||
ఇతి శ్రీ మృతసంజీవని స్తోత్రం సంపూర్ణం ||
Mrita Sanjeevani Stotram
ēvamārādhya gaurīśaṃ dēvaṃ mṛtyuñjayēśvaram |
mṛtasañjīvanaṃ nāmnā kavacaṃ prajapētsadā || 1 ||
sārātsārataraṃ puṇyaṃ guhyādguhyataraṃ śubham |
mahādēvasya kavacaṃ mṛtasañjīvanāmakam || 2 ||
samāhitamanā bhūtvā śṛṇuṣva kavacaṃ śubham |
śṛtvaitaddivya kavacaṃ rahasyaṃ kuru sarvadā || 3 ||
varābhayakarō yajvā sarvadēvaniṣēvitaḥ |
mṛtyuñjayō mahādēvaḥ prācyāṃ māṃ pātu sarvadā || 4 ||
dadhānaḥ śaktimabhayāṃ trimukhaṃ ṣaḍbhujaḥ prabhuḥ |
sadāśivō’gnirūpī māṃ āgnēyyāṃ pātu sarvadā || 5 ||
aṣṭādaśabhujōpētō daṇḍābhayakarō vibhuḥ |
yamarūpī mahādēvō dakṣiṇasyāṃ sadā’vatu || 6 ||
khaḍgābhayakarō dhīrō rakṣōgaṇaniṣēvitaḥ |
rakṣōrūpī mahēśō māṃ nairṛtyāṃ sarvadā’vatu || 7 ||
pāśābhayabhujaḥ sarvaratnākaraniṣēvitaḥ |
varūṇātmā mahādēvaḥ paścimē māṃ sadā’vatu || 8 ||
gadābhayakaraḥ prāṇanāyakaḥ sarvadāgatiḥ |
vāyavyāṃ mārutātmā māṃ śaṅkaraḥ pātu sarvadā || 9 ||
śaṅkhābhayakarasthō māṃ nāyakaḥ paramēśvaraḥ |
sarvātmāntardigbhāgē pātu māṃ śaṅkaraḥ prabhuḥ || 10 ||
śūlābhayakaraḥ sarvavidyānāmadhināyakaḥ |
īśānātmā tathaīśānyāṃ pātu māṃ paramēśvaraḥ || 11 ||
ūrdhvabhāgē brahmarūpī viśvātmā’dhaḥ sadā’vatu |
śirō mē śaṅkaraḥ pātu lalāṭaṃ candraśēkharaḥ || 12 ||
bhrūmadhyaṃ sarvalōkēśastrinētrō lōcanē’vatu |
bhrūyugmaṃ giriśaḥ pātu karṇau pātu mahēśvaraḥ || 13 ||
nāsikāṃ mē mahādēva ōṣṭhau pātu vṛṣadhvajaḥ |
jihvāṃ mē dakṣiṇāmūrtirdantānmē giriśō’vatu || 14 ||
mṛtyuñjayō mukhaṃ pātu kaṇṭhaṃ mē nāgabhūṣaṇaḥ |
pinākī matkarau pātu triśūlī hṛdayaṃ mama || 15 ||
pañcavaktraḥ stanau pātu udaraṃ jagadīśvaraḥ |
nābhiṃ pātu virūpākṣaḥ pārśvau mē pārvatīpatiḥ || 16 ||
kaṭidvayaṃ giriśō mē pṛṣṭhaṃ mē pramathādhipaḥ |
guhyaṃ mahēśvaraḥ pātu mamōrū pātu bhairavaḥ || 17 ||
jānunī mē jagddhartā jaṅghē mē jagadambikā |
pādau mē satataṃ pātu lōkavandyaḥ sadāśivaḥ || 18 ||
giriśaḥ pātu mē bhāryāṃ bhavaḥ pātu sutānmama |
mṛtyuñjayō mamāyuṣyaṃ cittaṃ mē gaṇanāyakaḥ || 19 ||
sarvāṅgaṃ mē sadā pātu kālakālaḥ sadāśivaḥ |
ētattē kavacaṃ puṇyaṃ dēvatānāṃ ca durlabham || 20 ||
mṛtasañjīvanaṃ nāmnā mahādēvēna kīrtitam |
sahasrāvartanaṃ cāsya puraścaraṇamīritam || 21 ||
yaḥ paṭhēcchṛṇuyānniityaṃ śrāvayētsusamāhitaḥ |
sa kālamṛtyuṃ nirjitya sadāyuṣyaṃ samaśnutē || 22 ||
hastēna vā yadā spṛṣṭvā mṛtaṃ sañjīvayatyasau |
ādhayō vyādhayastasya na bhavanti kadācana || 23 ||
kālamṛtyumapi prāptamasau jayati sarvadā |
aṇimādigūṇaiśvaryaṃ labhatē mānavōttamaḥ || 24 ||
yuddhārambhē paṭhitvēdamaṣṭāviṃśativārakam |
yuddhamadhyē sthitaḥ śatruḥ sadyaḥ sarvairna dṛśyatē || 25 ||
na brahmādīni cāstrāṇi kṣayaṃ kurvanti tasya vai |
vijayaṃ labhatē dēvayuddhamadhyēpi sarvadā || 26 ||
prātarutthāya satataṃ yaḥ paṭhētkavacaṃ śubham |
akṣayyaṃ labhatē saukhyāmihalōkē paratra ca || 27 ||
sarvavyādhivinirmuktaḥ sarvarōgavivarjitaḥ |
ajarāmaraṇōbhūtvā sadā ṣōḍaśavārṣikaḥ || 28 ||
vicaratyakhilānlōkānprāpya bhōgāṃśca durlabhān |
tasmādidaṃ mahāgōpyaṃ kavacaṃ samudāhṛtam || 29 ||
mṛtasañjīvanaṃ nāmnā dēvatairapi durlabham |
mṛtasañjīvanaṃ nāmnā dēvatairapi durlabham || 30 ||
iti śrī mṛtasañjīvani stōtraṃ saṃpūrṇam ||