మేధా సూక్తం
ఓం యశ్ఛన్దసామృషభో విశ్వరూపః | ఛన్దోభ్యోఽధ్యమృతాత్సంబభూవ |
స మేన్ద్రో మేధయా స్పృణోతు | అమృతస్య దేవధారణో భూయాసమ్ || ౧ ||
శరీరం మే విచర్షణమ్ | జిహ్వా మే మధుమత్తమా |
కర్ణాభ్యాం భూరివిశ్రువమ్ | బ్రహ్మణః కోశోఽసి మేధయా పిహితః |
శ్రుతం మే గోపాయ || ౨ ||
ఓం శాన్తిః శాన్తిః శాన్తిః ||
ఓం మేధాదేవీ జుషమాణా న ఆగద్విశ్వాచీ భద్రా సుమనస్యమానా |
త్వయా జుష్టా నుదమానా దురుక్తాన్ బృహద్వదేమ విదథే సువీరాః || ౩ ||
త్వయా జుష్ట ఋషిర్భవతి దేవి త్వయా బ్రహ్మాఽఽగతశ్రీరుత త్వయా |
త్వయా జుష్టశ్చిత్రం విన్దతే వసు సానో జుషస్వ ద్రవిణో న మేధే || ౪ ||
మేధాం మే ఇన్ద్రో దదాతు మేధాం దేవీ సరస్వతీ |
మేధాం మే అశ్వినావుభావాధత్తాం పుష్కరస్రజా || ౫ ||
అప్సరాసు చ యా మేధా గన్ధర్వేషు చ యన్మనః |
దైవీ మేధా సరస్వతీ సా మాం మేధా సురభిర్జుషతాగం స్వాహా || ౬ ||
ఆ మాం మేధా సురభిర్విశ్వరూపా హిరణ్యవర్ణా జగతీ జగమ్యా |
ఊర్జస్వతీ పయసా పిన్వమానా సా మాం మేధా సుప్రతీకా జుషన్తామ్ || ౭ ||
మయి మేధాం మయి ప్రజాం మయ్యగ్నిస్తేజో దదాతు
మయి మేధాం మయి ప్రజాం మయీన్ద్ర ఇన్ద్రియం దదాతు
మయి మేధాం మయి ప్రజాం మయి సూర్యో భ్రాజో దదాతు || ౮ ||
ఓం హంస హంసాయ విద్మహే పరమహంసాయ ధీమహి | తన్నో హంసః ప్రచోదయాత్ || ౯ ||
ఓం శాన్తిః శాన్తిః శాన్తిః ||
mēdhā sūktam
ōṃ yaśchandasā-mṛṣabhō viśvarūpaḥ | chandōbhyō’dhyamṛtāthsambabhūva |
sa mēndrō mēdhayā spṛṇōtu | amṛtasya dēvadhāraṇō bhūyāsam || 1 ||
śarīraṃ mē vicaṛṣaṇam | jihvā mē madhumattamā |
kaṛṇābhyāṃ bhūrivishruvam | brahmaṇaḥ kōśō’si mēdhayā pihitaḥ |
śrutaṃ mē gōpāya || 2 ||
ōṃ śāntiḥ śāntiḥ śāntiḥ ||
ōṃ mēdhādēvī juṣamāṇā na āgād-viśvācī bhadrā sumanasyamānā |
tvayā juṣṭā nudamānā duruktān bṛhadvadēma vidathē suvīrāḥ || 3 ||
tvayā juṣṭa ṛṣirbhavati dēvi tvayā brahmā’gatashrīruta tvayā |
tvayā juṣṭash-citraṃ vindatē vasu sānō juṣasva draviṇō na mēdhē || 4 ||
mēdhāṃ mē indrō dadātu mēdhāṃ dēvī sarasvatī |
mēdhāṃ mē aśvināvubhāvādhattāṃ puṣkarasrajā || 5 ||
apsarāsu ca yā mēdhā gandhaṛvēṣu ca yanmanaḥ |
daivī mēdhā sarasvatī sā māṃ mēdhā surabhir-juṣatāgṃ svāhā || 6 ||
ā māṃ mēdhā surabhir-viśvarūpā hiraṇyavarṇā jagatī jagamyā |
ūrjasvatī payasā pinvamānā sā māṃ mēdhā supratīkā juṣantām || 7 ||
mayi mēdhāṃ mayi prajāṃ mayyagnis-tējō dadātu
mayi mēdhāṃ mayi prajāṃ mayīndra indriyaṃ dadātu
mayi mēdhāṃ mayi prajāṃ mayi sūryō bhrājō dadātu || 8 ||
ōṃ haṃsa haṃsāya vidmahē paramahaṃsāya dhīmahi | tannō haṃsaḥ pracōdayāt || 9 ||
ōṃ śāntiḥ śāntiḥ śāntiḥ ||