కనకధారా స్తోత్రం Kanakadhara Stotram

Kanakadhara Stotram

vandē vandāru mandāram-indirānanda kandalam |
amandananda sandōha bandhuraṃ sindhurānanam ||

aṅgaṃ harēḥ pulakabhūṣaṇamāśrayantī
bhṛṅgāṅganēva mukuḷābharaṇaṃ tamālam |
aṅgīkṛtākhila vibhūtirapāṅgalīlā
māṅgalyadāstu mama maṅgaḷadēvatāyāḥ || 1 ||

mugdhā muhurvidadhatī vadanē murārēḥ
prēmatrapāpraṇihitāni gatāgatāni |
mālādṛśōrmadhukarīva mahōtpalē yā
sā mē śriyaṃ diśatu sāgara sambhavā yāḥ || 2 ||

āmīlitākṣamadhigamya mudā mukundaṃ
ānandakandamanimēṣamanaṅga tantram |
ākēkarasthitakanīnikapakṣmanētraṃ
bhūtyai bhavanmama bhujaṅga śayāṅganā yāḥ || 3 ||

bāhvantarē madhujitaḥ śritakaustubhē yā
hārāvaḷīva harinīlamayī vibhāti |
kāmapradā bhagavatō’pi kaṭākṣamālā
kaḷyāṇamāvahatu mē kamalālayā yāḥ || 4 ||

kālāmbudāḷi lalitōrasi kaiṭabhārēḥ
dhārādharē sphurati yā taṭidaṅganēva |
mātussamastajagatāṃ mahanīyamūrtiḥ
bhadrāṇi mē diśatu bhārgavanandanā yāḥ || 5 ||

prāptaṃ padaṃ prathamataḥ khalu yatprabhāvāt
māṅgalyabhāji madhumāthini manmathēna |
mayyāpatēttadiha mantharamīkṣaṇārthaṃ
mandālasaṃ ca makarālaya kanyakā yāḥ || 6 ||

viśvāmarēndra pada vibhrama dānadakṣaṃ
ānandahēturadhikaṃ muravidviṣō’pi |
īṣanniṣīdatu mayi kṣaṇamīkṣaṇārthaṃ
indīvarōdara sahōdaramindirā yāḥ || 7 ||

iṣṭā viśiṣṭamatayōpi yayā dayārdra
dṛṣṭyā triviṣṭapapadaṃ sulabhaṃ labhantē |
dṛṣṭiḥ prahṛṣṭa kamalōdara dīptiriṣṭāṃ
puṣṭiṃ kṛṣīṣṭa mama puṣkara viṣṭarā yāḥ || 8 ||

dadyāddayānu pavanō draviṇāmbudhārāṃ
asminnakiñcana vihaṅga śiśau viṣaṇṇē |
duṣkarmagharmamapanīya cirāya dūraṃ
nārāyaṇa praṇayinī nayanāmbuvāhaḥ || 9 ||

gīrdēvatēti garuḍadhvaja sundarīti
śākambarīti śaśiśēkhara vallabhēti |
sṛṣṭi sthiti praḷaya kēḷiṣu saṃsthitāyai
tasyai namastribhuvanāika gurōstaruṇyai || 10 ||

śrutyai namō’stu śubhakarma phalaprasūtyai
ratyai namō’stu ramaṇīya guṇārṇavāyai |
śaktyai namō’stu śatapatra nikētanāyai
puṣṭyai namō’stu puruṣōttama vallabhāyai || 11 ||

namō’stu nāḷīka nibhānanāyai
namō’stu dugdhōdadhi janmabhūmyai |
namō’stu sōmāmṛta sōdarāyai
namō’stu nārāyaṇa vallabhāyai || 12 ||

namō’stu hēmāmbuja pīṭhikāyai
namō’stu bhūmaṇḍala nāyikāyai |
namō’stu dēvādi dayāparāyai
namō’stu śārāṅgāyudha vallabhāyai || 13 ||

namō’stu dēvyai bhṛgunandanāyai
namō’stu viṣṇōrurasi sthitāyai |
namō’stu lakṣmyai kamalālayāyai
namō’stu dāmōdara vallabhāyai || 14 ||

namō’stu kāntyai kamalēkṣaṇāyai
namō’stu bhūtyai bhuvanaprasūtyai |
namō’stu dēvādibhirarcitāyai
namō’stu nandātmaja vallabhāyai || 15 ||

sampatkarāṇi sakalēndriya nandanāni
sāmrājya dānavibhavāni sarōruhākṣi |
tvadvandanāni duritā haraṇōdyatāni
māmēva mātaran iśaṃ kalayantu mānyē || 16 ||

yatkaṭākṣa samupāsanā vidhiḥ
sēvakasya sakalārtha sampadaḥ |
santanōti vacanāṅga mānasaiḥ
tvāṃ murārihṛdayēśvarīṃ bhajē || 17 ||

sarasijanilayē sarōjahastē
dhavaḷatamāṃśuka gandhamālyaśōbhē |
bhagavati harivallabhē manōjñē
tribhuvanabhūtikarī prasīdamahyaṃ || 18 ||

digghastibhiḥ kanaka kumbhamukhāvasṛṣṭa
sarvāhinī vimalacārujalāplutāṅgīṃ |
prātarnamāmi jagatāṃ jananīmaśēṣa
lōkadhinātha gṛhiṇīmamṛtābdhiputrīṃ || 19 ||

kamalē kamalākṣa vallabhē tvaṃ
karuṇāpūra taraṅgitairapāṅgaiḥ |
avalōkaya māmakiñcanānāṃ
prathamaṃ pātramakṛtimaṃ dayāyāḥ || 20 ||

dēvi prasīda jagadīśvari lōkamātaḥ
kaḷyāṇagātri kamalēkṣaṇa jīvanāthē |
dāridryabhītihṛdayaṃ śaraṇāgataṃ māṃ
ālōkaya pratidinaṃ sadayairapāṅgai || 21 ||

stuvanti yē stutibhiramībhir anvahaṃ
trayīmayīṃ tribhuvanamātaraṃ ramāṃ |
guṇādhikā gurutura bhāgya bhāginaḥ
bhavanti tē bhuvi budha bhāvitāśayāḥ || 22 ||

suvarṇadhārā stōtraṃ yaccharkaācārya nirmitaṃ
trisandhyaṃ yaḥ paṭhēnnityaṃ sa kubērasamō bhavēt ||