శ్రీ లక్ష్మీ స్తోత్రం (ఇంద్ర కృతం)
నమః కమలవాసిన్యై నారాయణ్యై నమో నమః |
కృష్ణప్రియాయై సతతం మహాలక్ష్మై నమో నమః || ౧ ||
పద్మపత్రేక్షణాయై చ పద్మాస్యాయై నమో నమః |
పద్మాసనాయై పద్మిన్యై వైష్ణవ్యై చ నమో నమః || ౨ ||
సర్వసంపత్స్వరూపిణ్యై సర్వారాధ్యై నమో నమః |
హరిభక్తిప్రదాత్ర్యై చ హర్షదాత్ర్యై నమో నమః || ౩ ||
కృష్ణవక్షఃస్థితాయై చ కృష్ణేశాయై నమో నమః |
చంద్రశోభాస్వరూపాయై రత్నపద్మే చ శోభనే || ౪ ||
సంపత్యధిష్ఠాతృదేవ్యై మహాదేవ్యై నమో నమః |
నమో వృద్ధిస్వరూపాయై వృద్ధిదాయై నమో నమః || ౫ ||
వైకుంఠే యా మహాలక్ష్మీః యా లక్ష్మీః క్షీరసాగరే |
స్వర్గలక్ష్మీరింద్రగేహే రాజలక్ష్మీః నృపాలయే || ౬ ||
గృహలక్ష్మీశ్చ గృహిణాం గేహే చ గృహదేవతా |
సురభిస్సాగరే జాతా దక్షిణా యజ్ఞకామనీ || ౭ ||
అదితిర్దేవమాతా త్వం కమలా కమలాలయే |
స్వాహా త్వం చ హవిర్ధానే కవ్యదానే స్వధా స్మృతా || ౮ ||
త్వం హి విష్ణుస్వరూపా చ సర్వాధారా వసుంధరా |
శుద్ధసత్త్వస్వరూపా త్వం నారాయణపరాయాణా || ౯ ||
క్రోధహింసావర్జితా చ వరదా శారదా శుభా |
పరమార్థప్రదా త్వం చ హరిదాస్యప్రదా పరా || ౧౦ ||
యయా వినా జగత్సర్వం భస్మీభూతమసారకమ్ |
జీవన్మృతం చ విశ్వం చ శశ్వత్సర్వం యయా వినా || ౧౧ ||
సర్వేషాం చ పరా మాతా సర్వబాంధవరూపిణీ |
ధర్మార్థకామమోక్షాణాం త్వం చ కారణరూపిణీ || ౧౨ ||
యథా మాతా స్తనాంధానాం శిశూనాం శైశవే సదా |
తథా త్వం సర్వదా మాతా సర్వేషాం సర్వరూపతః || ౧౩ ||
మాతృహీనఃస్తనాన్ధస్తు స చ జీవతి దైవతః |
త్వయా హీనో జనః కోఽపి న జీవత్యేవ నిశ్చితమ్ || ౧౪ ||
సుప్రసన్నస్వరూపా త్వం మాం ప్రసన్నా భవాంబికే |
వైరిగ్రస్తం చ విషయం దేహి మహ్యం సనాతని || ౧౫ ||
అహం యావత్త్వయా హీనః బంధుహీనశ్చ భిక్షుకః |
సర్వసంపద్విహీనశ్చ తావదేవ హరిప్రియే || ౧౬ ||
రాజ్యం దేహి శ్రియం దేహి బలం దేహి సురేశ్వరి |
కీర్తిం దేహి ధనం దేహి యశో మహ్యం చ దేహి వై || ౧౭ ||
కామం దేహి మతిం దేహి భోగాన్దేహి హరిప్రియే |
జ్ఞానం దేహి చ ధర్మం చ సర్వసౌభాగ్యమీప్సితమ్ || ౧౮ ||
ప్రభావం చ ప్రతాపం చ సర్వాధికారమేవ చ |
జయం పరాక్రమం యుద్ధే పరమైశ్వర్యమైవ చ || ౧౯ ||
ఇతి శ్రీ ఇంద్ర కృత లక్ష్మీ స్తోత్రం |
śrī lakṣmī stōtraṃ indra kṛtam
namaḥ kamalavāsinyāi nārāyaṇyāi namō namaḥ |
kṛṣṇapriyāyāi satataṃ mahālakṣmāi namō namaḥ || 1 ||
padmapatrēkṣaṇāyāi ca padmāsyāyāi namō namaḥ |
padmāsanāyāi padminyāi vāiṣṇavyāi ca namō namaḥ || 2 ||
sarvasampatsvarūpiṇyāi sarvārādhyāi namō namaḥ |
haribhaktipradātryāi ca harṣadātryāi namō namaḥ || 3 ||
kṛṣṇavakṣaḥsthitāyāi ca kṛṣṇēśāyāi namō namaḥ |
candraśōbhāsvarūpāyāi ratnapadmē ca śōbhanē || 4 ||
sampatyadhiṣṭhātṛdēvyāi mahādēvyāi namō namaḥ |
namō vṛddhisvarūpāyāi vṛddhidāyāi namō namaḥ || 5 ||
vāikuṇṭhē yā mahālakṣmīḥ yā lakṣmīḥ kṣīrasāgarē |
svargalakṣmīrindragēhē rājalakṣmīḥ nṛpālayē || 6 ||
gṛhalakṣmīśca gṛhiṇāṃ gēhē ca gṛhadēvatā |
surabhissāgarē jātā dakṣiṇā yajñakāmanī || 7 ||
aditirdēvamātā tvaṃ kamalā kamalālayē |
svāhā tvaṃ ca havirdhānē kavyadānē svadhā smṛtā || 8 ||
tvaṃ hi viṣṇusvarūpā ca sarvādhārā vasundharā |
śuddhasattvasvarūpā tvaṃ nārāyaṇaparāyāṇā || 9 ||
krōdhahiṃsāvarjitā ca varadā śāradā śubhā |
paramārthapradā tvaṃ ca haridāsyapradā parā || 10 ||
yayā vinā jagatsarvaṃ bhasmībhūtamasārakam |
jīvanmṛtaṃ ca viśvaṃ ca śaśvatsarvaṃ yayā vinā || 11 ||
sarvēṣāṃ ca parā mātā sarvabāndhavarūpiṇī |
dharmārthakāmamōkṣāṇāṃ tvaṃ ca kāraṇarūpiṇī || 12 ||
yathā mātā stanāndhānāṃ śiśūnāṃ śaiśavē sadā |
tathā tvaṃ sarvadā mātā sarvēṣāṃ sarvarūpataḥ || 13 ||
mātṛhīnaḥstanāndhastu sa ca jīvati dāivataḥ |
tvayā hīnō janaḥ kō’pi na jīvatyēva niścitam || 14 ||
suprasannasvarūpā tvaṃ māṃ prasannā bhavāmbikē |
vāirigrastaṃ ca viṣayaṃ dēhi mahyaṃ sanātani || 15 ||
ahaṃ yāvattvayā hīnaḥ bandhuhīnaśca bhikṣukaḥ |
sarvasampadvihīnaśca tāvadēva haripriyē || 16 ||
rājyaṃ dēhi śriyaṃ dēhi balaṃ dēhi surēśvari |
kīrtiṃ dēhi dhanaṃ dēhi yaśō mahyaṃ ca dēhi vāi || 17 ||
kāmaṃ dēhi matiṃ dēhi bhōgāndēhi haripriyē |
jñānaṃ dēhi ca dharmaṃ ca sarvasāubhāgyamīpsitam || 18 ||
prabhāvaṃ ca pratāpaṃ ca sarvādhikāramēva ca |
jayaṃ parākramaṃ yuddhē paramāiśvaryamāiva ca || 19 ||
iti śrī indra kṛta lakṣmī stōtram