ద్వాదశ జ్యోతిర్లింగ స్తోత్రం
సౌరాష్ట్రదేశే విశదేఽతిరమ్యే జ్యోతిర్మయం చంద్రకళావతంసమ్ |
భక్తప్రదానాయ కృపావతీర్ణం తం సోమనాథం శరణం ప్రపద్యే || ౧ ||
శ్రీశైలశృంగే వివిధప్రసంగే శేషాద్రిశృంగేఽపి సదా వసంతమ్ |
తమర్జునం మల్లికపూర్వమేనం నమామి సంసారసముద్రసేతుమ్ || ౨ ||
అవంతికాయాం విహితావతారం ముక్తిప్రదానాయ చ సజ్జనానామ్ |
అకాలమృత్యోః పరిరక్షణార్థం వందే మహాకాలమహాసురేశమ్ || ౩ ||
కావేరికానర్మదయోః పవిత్రే సమాగమే సజ్జనతారణాయ |
సదైవ మాంధాతృపురే వసంతం ఓంకారమీశం శివమేకమీడే || ౪ ||
పూర్వోత్తరే ప్రజ్వలికానిధానే సదా వసం తం గిరిజాసమేతమ్ |
సురాసురారాధితపాదపద్మం శ్రీవైద్యనాథం తమహం నమామి || ౫ ||
యామ్యే సదంగే నగరేఽతిరమ్యే విభూషితాంగం వివిధైశ్చ భోగైః |
సద్భక్తిముక్తిప్రదమీశమేకం శ్రీనాగనాథం శరణం ప్రపద్యే || ౬ ||
మహాద్రిపార్శ్వే చ తటే రమంతం సంపూజ్యమానం సతతం మునీంద్రైః |
సురాసురైర్యక్ష మహోరగాఢ్యైః కేదారమీశం శివమేకమీడే || ౭ ||
సహ్యాద్రిశీర్షే విమలే వసంతం గోదావరితీరపవిత్రదేశే |
యద్దర్శనాత్ పాతకం పాశు నాశం ప్రయాతి తం త్ర్యంబకమీశమీడే || ౮ ||
శ్రీతామ్రపర్ణీజలరాశియోగే నిబధ్య సేతుం విశిఖైరసంఖ్యైః |
శ్రీరామచంద్రేణ సమర్పితం తం రామేశ్వరాఖ్యం నియతం నమామి || ౯ ||
యం డాకినిశాకినికాసమాజే నిషేవ్యమాణం పిశితాశనైశ్చ |
సదైవ భీమాదిపదప్రసిద్ధం తం శంకరం భక్తహితం నమామి || ౧౦ ||
సానందమానందవనే వసంతం ఆనందకందం హతపాపబృందమ్ |
వారాణసీనాథమనాథనాథం శ్రీవిశ్వనాథం శరణం ప్రపద్యే || ౧౧ ||
ఇలాపురే రమ్యవిశాలకేఽస్మిన్ సముల్లసంతం చ జగద్వరేణ్యమ్ |
వందే మహోదారతరస్వభావం ఘృష్ణేశ్వరాఖ్యం శరణం ప్రపద్యే || ౧౨ ||
జ్యోతిర్మయద్వాదశలింగకానాం శివాత్మనాం ప్రోక్తమిదం క్రమేణ |
స్తోత్రం పఠిత్వా మనుజోఽతిభక్త్యా ఫలం తదాలోక్య నిజం భజేచ్చ ||
ఇతి శ్రీ ద్వాదశ జ్యోతిర్లింగ స్తోత్రం సంపూర్ణం ||
Dwadasa Jyotirlinga Stotram
saurāṣṭradēśē viśadē’tīramyē jyōtirmayaṃ candrakalāvataṃsam |
bhaktapradānāya kr̥pāvatīrṇaṃ taṃ sōmanāthaṃ śaraṇaṃ prapadyē || 1 ||
śrīśailaśr̥ṅgē vividhaprasaṅgē śēṣādriśr̥ṅgē’pi sadā vasantam |
tamārjunaṃ mallikapūrvamēnaṃ namāmi saṃsārasamudrasētum || 2 ||
avantikāyāṃ vihitāvatāraṃ muktipradānāya ca sajjanānām |
akālamr̥tyōḥ parirakṣaṇārtthaṃ vandē mahākālamahāsurēśam || 3 ||
kāvērikānarmadayōḥ pavitrē samāgamē sajjanatāraṇāya |
sadaiva māndhātṛpurē vasantaṃ ōṅkāramīśaṃ śivamēkamīḍē || 4 ||
pūrvōttarē prajvalikānidhānē sadā vasaṃ taṃ girijāsamētam |
surāsurārādhitapādapadmaṃ śrīvaidyanāthaṃ tamahaṃ namāmi || 5 ||
yāmyē sadaṅgē nagarē’tiramyē vibhūṣitāṅgaṃ vividhaiśca bhōgaiḥ |
sadbhaktimuktipradamīśamēkaṃ śrīnāganāthaṃ śaraṇaṃ prapadyē || 6 ||
mahādripārśvē ca taṭē ramantaṃ saṃpūjyamānaṃ satataṃ munīndraiḥ |
surāsurairyakṣa mahōragāḍhyaiḥ kēdāramīśaṃ śivamēkamīḍē || 7 ||
sahyādriśīrṣē vimalē vasantaṃ gōdāvarītīrapavitradēśē |
yaddarśanāt pātakaṃ pāśu nāśaṃ prayāti taṃ tryambakamīśamīḍē || 8 ||
śrītāmraparṇījalarāśiyōgē nibadhya sētuṃ viśikhairasaṅkhyaiḥ |
śrīrāmacandrēṇa samarpitaṃ taṃ rāmēśvarākhyaṃ niyataṃ namāmi || 9 ||
yaṃ ḍākinīśākinikāsamājē niṣēvyamāṇaṃ piśitāśanaiśca |
sadaiva bhīmādipadaprasiddhaṃ taṃ śaṅkaraṃ bhaktahitaṃ namāmi || 10 ||
sānandāmānandavanē vasantaṃ ānandakandaṃ hatapāpabr̥ndam |
vārāṇasīnāthamānāthanāthaṃ śrīviśvanāthaṃ śaraṇaṃ prapadyē || 11 ||
ilāpurē ramyaviśālakē’smin samullasantaṃ ca jagadvārēṇyam |
vandē mahōdāratarasvabhāvaṃ ghṛṣṇēśvarākhyaṃ śaraṇaṃ prapadyē || 12 ||
jyōtirmayadvādaśaliṅkakānāṃ śivātmanāṃ prōktamidaṃ kramēṇa |
stōtraṃ paṭhitvā manujō’tibhaktyā phalaṃ tadālōkya nijaṃ bhajēcca ||
iti śrī dvādaśa jyōtirliṅga stōtraṃ saṃpūrṇam ||