దుర్గా సప్తశ్లోకీ
శివ ఉవాచ
దేవీ త్వం భక్తసులభే సర్వకార్యవిధాయిని |
కలౌ హి కార్యసిద్ధ్యర్థముపాయం బ్రూహి యత్నతః ||
దేవ్యువాచ
శృణు దేవ ప్రవక్ష్యామి కలౌ సర్వేష్టసాధనమ్ |
మయా తవైవ స్నేహేనాప్యంబాస్తుతిః ప్రకాశ్యతే ||
ఓం అస్య శ్రీ దుర్గా సప్తశ్లోకీ స్తోత్రమంత్రస్య నారాయణ ఋషిః, అనుష్టుప్ ఛందః,
శ్రీ మహాకాళీ మహాలక్ష్మీ మహాసరస్వత్యో దేవతాః,
శ్రీ దుర్గా ప్రీత్యర్థం సప్తశ్లోకీ దుర్గాపాఠే వినియోగః |
ఓం జ్ఞానినామపి చేతాంసి దేవీ భగవతీ హి సా |
బలాదాకృష్య మోహాయ మహామాయా ప్రయచ్ఛతి || ౧ ||
దుర్గే స్మృతా హరసి భీతిమశేషజంతోః
స్వస్థైః స్మృతామతిమతీవ శుభాం దదాసి |
దారిద్ర్యదుఃఖ భయహారిణి కా త్వదన్యా
సర్వోపకారకరణాయ సదార్ద్ర చిత్తా || ౨ ||
సర్వమంగళ మాంగళ్యే శివే సర్వార్థసాధికే |
శరణ్యే త్ర్యంబకే గౌరీ నారాయణీ నమోఽస్తు తే || ౩ ||
శరణాగతదీనార్త పరిత్రాణపరాయణే |
సర్వస్యార్తిహరే దేవి నారాయణి నమోఽస్తు తే || ౪ ||
సర్వస్వరూపే సర్వేశే సర్వశక్తిసమన్వితే |
భయేభ్యస్త్రాహి నో దేవి దుర్గే దేవి నమోఽస్తు తే || ౫ ||
రోగానశేషానపహంసి తుష్టారుష్టా తు కామాన్ సకలానభీష్టాన్ |
త్వామాశ్రితానాం న విపన్నరాణాం త్వామాశ్రితాహ్యాశ్రయతాం ప్రయాంతి || ౬ ||
సర్వబాధాప్రశమనం త్రైలోక్యస్యాఖిలేశ్వరి |
ఏవమేవ త్వయా కార్యమస్మద్వైరి వినాశనమ్ || ౭ ||
ఇతి శ్రీ దుర్గా సప్తశ్లోకీ సంపూర్ణం ||
durga saptaślōkī
śiva uvāca
dēvī tvaṃ bhaktasulabhē sarvakāryavidhāyini |
kalāu hi kāryasiddhyarthamupāyaṃ brūhi yatnataḥ ||
dēvyuvāca
śr̥ṇu dēva pravakṣyāmi kalāu sarvēṣṭasādhanam |
mayā tavaiva snēhēnāpyambāstutiḥ prakāśyatē ||
ōṃ asya śrī durgā saptaślōkī stōtramantrasya nārāyaṇa r̥ṣiḥ, anuṣṭup chandaḥ,
śrī mahākāḷī mahālakṣmī mahāsarasvatyō dēvatāḥ,
śrī durgā prītyarthaṃ saptaślōkī durgāpāṭhē viniyōgaḥ |
ōṃ jñānināmapi cētāṃsi dēvī bhagavatī hi sā |
balādāk r̥ṣya mōhāya mahāmāyā prayacchati || 1 ||
durgē sm r̥tā harasi bhītimaśēṣajantōḥ
svasthaiḥ sm r̥tāmatimatīva śubhāṃ dadāsi |
dāridryaduḥkha bhayahāriṇi kā tvadanyā
sarvōpakārakaraṇāya sadārdrā cittā || 2 ||
sarvamaṅgaḷa māṅgaḷyē śivē sarvārthasādhikē |
śaraṇyē tryambakē gāurī nārāyaṇī namō'stu tē || 3 ||
śaraṇāgatadīnārta paritrāṇaparāyaṇē |
sarvasyārtiharē dēvi nārāyaṇi namō'stu tē || 4 ||
sarvasvarūpē sarvēśē sarvaśaktisamanvitē |
bhayēbhyastrāhi nō dēvi durgē dēvi namō'stu tē || 5 ||
rōgānaśēṣānapahansi tuṣṭāruṣṭā tu kāmān sakalānabhīṣṭān |
tvāmāśritānāṃ na vipannarāṇāṃ tvāmāśritāhyāśrayatāṃ prayānti || 6 ||
sarvabādhāpraśamanaṃ trailōkyasyākhilēśvari |
ēvamēva tvayā kāryamasmadvairi vināśanam || 7 ||
iti śrī durgā saptaślōkī sampūrṇam ||