సప్తమో ధ్యాయః (చండముండవధః)
ధ్యానమ్: ఓం ధ్యాయేయం రత్నపీఠే శుకకలపఠితం శృణ్వతీం శ్యామలాజీం, న్యస్త్రైకాంఘ్రం సరోజే శశిశకలధరాం వల్లకీం వాదయన్తీమ్ |
[cite_start]కల్హారాబద్ధమాలాం నియమితవిలసచ్చోలికాం రక్తవస్త్రాం, మాతఙ్గం శబ్ధపాత్రాం మధురమధుమదాం చిత్రకోద్భాసిభాలామ్ |
ఋషిరువాచ: ఆజ్ఞప్తాస్తే తతో దైత్యాశ్చండముండపురోగమాః |
చతురంగబలోపేతా యయురభ్యుద్యతాయుధాః | 2
దదృశుస్తే తతో దేవీమీషద్ధాసాం వ్యవస్థితాం |
సింహస్యోపరి శైలేంద్రశృంగే మహతి కాంచనే | 3
తే దృష్ట్వా తాం సమాదాతుముద్యమం చక్రురుద్యతాః |
ఆకృష్ణచాపాసిధరాస్తథాన్యే తత్సమీపగాః | 4
తతః కోపం చకారోచ్చైరంబికా తానరీవ్రతి |
కోపేన చాస్యా వదనం మషీవర్ణమభూత్తదా | 5
భ్రుకుటీకుటిలాత్తస్యా లలాటఫలకాద్దుతం |
కాలీ కరాలవదనా వినిష్క్రంతాసిపాశినీ | 6
విచిత్రఖట్వాంగధరా నరమాలావిభూషణా |
ద్వీపిచర్మపరీధానా శుష్కమాంసాతిభైరవా | 7
అతివిస్తారవదనా జిహ్వాలలనభీషణా |
నిమగ్నారక్తనయనా నాదాపూరితదిఙ్ముఖా | 8 [cite: 536, 537]
సా వేగేనాభిపతితా ఘాతయంతీ మహాసురాన్ |
సైన్యే తత్ర సురారీణామభక్షయత తద్బలం | 9
పార్థిగ్రాహాంకుశగ్రాహయోధఘంటాసమన్వితాన్ |
సమాదాయైకహస్తేన ముఖే చిక్షేప వారణాన్ | 10
తథైవ యోధం తురగైః రథం సారథినా సహ |
నిక్షిప్య వక్త్రే దశనైశ్చర్వయంత్యతిభైరవమ్ | 11
ఏకం జగ్రాహ కేశేషు గ్రీవాయామథ చాపరం |
పాదేనాక్రమ్య చైవాన్యమురసాన్యమపోథయత్ | 12
తైర్ముక్తాని చ శస్త్రాణి మహాస్త్రాణి తథాసురైః |
ముఖేన జగ్రాహ రుషా దశనైర్మథితాన్యపి | 13
బలినాం తద్బలం సర్వమసురాణాం దురాత్మనాం |
మమర్దాభక్షయచ్చాన్యానన్యాంశ్చాతాడయత్తథా | 14
అసినా నిహతాః కేచిత్కేచితట్వాంగతాడితాః |
జగ్ముర్వినాశమసురా దంతాగ్రాభిహతాస్తథా | 15
క్షణేన తద్బలం సర్వమసురాణాం నిపాతితం |
దృష్ట్వా చండో భిదుద్రావ తాం కాలీమతిభీషణాం | 16
శరవర్షేర్మహాభీమైర్భీమాక్షీం తాం మహాసురః |
ఛాదయామాస చక్రైశ్చ ముండః క్షిప్రైః సహస్రశః | 17
తాని చక్రాణ్యనేకాని విశమానాని తన్ముఖం |
బభుర్యథార్కబింబాని సుబహూని ఘనోదరం | 18
తతో జహాసాతిరుషా భీమం భైరవనాదినీ |
కాలీ కరాలవక్తాంతర్దుర్దర్శదశనోజ్జ్వలా | 19
ఉత్థాయ చ మహాసింహం దేవీ చండమధావత |
గృహీత్వా చాస్య కేశేషు శిరస్తేనాసినాచ్ఛినత్ | 20
అథ ముండో భ్యధావత్తాం దృష్ట్వా చండం నిపాతితం |
తమప్యపాతయద్భూమౌసా ఖడ్గాభిహతం రుషా | 21
హతశేషం తతః సైన్యం దృష్ట్వా చండం నిపాతితం |
ముండం చ సుమహావీర్యం దిశో భేజే భయాతురం | 22
శిరశ్చండస్య కాలీ చ గృహీత్వా ముండమేవ చ |
ప్రాహ ప్రచండాట్టహాసమిశ్రమభ్యేత్య చండికాం | 23
మయా తవాత్రోపహృతౌ చండముండౌ మహాపశూ |
యుద్ధయజ్ఞే స్వయం శుంభం నిశుంభం చ హనిష్యసి | 24
ఋషిరువాచ: తావానీతా తతో దృష్ట్వా చండముండౌ మహాసురౌ |
ఉవాచ కాలీం కల్యాణీ లలితం చండికా వచః | 26
యస్మాచ్చండం చ ముండం చ గృహీత్వా త్వముపాగతా |
చాముండేతి తతో లోకే ఖ్యాతా దేవీ భవిష్యసి | 27
ఇతి శ్రీమార్కండేయపురాణే సావర్ణికే మన్వంతరే దేవీమాహాత్మ్యే చండముండవధో నామ సప్తమోధ్యాయః
saptamō'dhyāyaḥ (caṇḍamuṇḍavadhaḥ)
dhyānam: oṃ dhyāyeyaṃ ratnapīṭhe śukakalapaṭhitaṃ śṛṇvatīṃ śyāmalājīṃ, nyastraikāṅghraṃ sarōje śaśiśakaladharāṃ vallakīṃ vādayantīm |
kalhārābaddhamālāṃ niyamitavilasaccōlikāṃ raktavastrāṃ, mātaṅgaṃ śabdhapātrāṃ madhuramadhumadāṃ citrakōdbhāsibhālām ||
r̥ṣiruvāca: ājñaptāstē tatō daityāś-caṇḍamuṇḍapurōgamāḥ |
caturaṅgabalōpētā yayur-abhyudyatāyudhāḥ | 2
dadṛśustē tatō dēvīm-īṣaddhāsāṃ vyavasthitām |
siṃhasyōpari śāilēndraśṛṅgē mahati kāñcanē | 3
tē dṛṣṭvā tāṃ samādātum-udyamaṃ cakrur-udyatāḥ |
ākṛṣṭacāpāsidharās-tathānyē tatsamīpagāḥ | 4
tataḥ kōpaṃ cakārōccāir-ambikā tān-arīnv-prati |
kōpēna cāsyā vadanaṃ maṣīvarṇam-abhūt-tadā | 5
bhrukuṭīkuṭilāt-tasyā lalāṭaphalakād-drutam |
kālī karālavadanā viniṣkrāntā-sipāśinī | 6
vicitrakhaṭvāṅgadharā naramālā-vibhūṣaṇā |
dvīpicarmaparīdhānā śuṣkamāṃsātibhairavā | 7
ativistāravadanā jihvālalanabhīṣaṇā |
nimagnāraktanayanā nādāpūritadiṅmukhā | 8
sā vēgēnābhipatitā ghātayantī mahāsurān |
sāinyē tatra surārīṇām-abhakṣayata tad-balam | 9
pārṣṇigrāhāṅkuśagrāhayōdhaghaṇṭā-samanvitān |
samādāyāika-hastēna mukhē cikṣēpa vāraṇān | 10
tathāiva yōdhaṃ turagāiḥ rathaṃ sārathinā saha |
nikṣipya vaktrē daśanāiś-carvayant-yatibhairavam | 11
ēkaṃ jagrāha kēśēṣu grīvāyām-atha cāparam |
pādēnākramya cāivānyam-urasānyam-apōthayat | 12
tāir-muktāni ca śastrāni mahāstrāṇi tathāsurāiḥ |
mukhēna jagrāha ruṣā daśanāir-mathitāny-api | 13
balināṃ tad-balaṃ sarvam-asurānāṃ durātmanām |
mamardā-bhakṣayaccānyān-anyāṃścātāḍayat-tathā | 14
asinā nihatāḥ kēcit-kēcit-khaṭvāṅgatāḍitāḥ |
jagmur-vināśam-asurā dantāgrābhihatās-tathā | 15
kṣaṇēna tad-balaṃ sarvam-asurānāṃ nipātitam |
dṛṣṭvā caṇḍō bhidudrāva tāṃ kālīm-atibhīṣaṇām | 16
śaravarṣāir-mahābhīmāir-bhīmākṣīṃ tāṃ mahāsuraḥ |
chādayāmāsa cakrāiś-ca muṇḍaḥ kṣiprāiḥ sahasraśaḥ | 17
tāni cakrāṇy-anēkāni viśamānāni tan-mukham |
babhur-yathārkabimbāni subahūni ghanōdaram | 18
tatō jahāsātiruṣā bhīmaṃ bhairavanādinī |
kālī karālavaktrāntar-durdarśadaśanōjjvalā | 19
utthāya ca mahāsiṃhaṃ dēvī caṇḍam-adhāvata |
gṛhītvā cāsya kēśēṣu śiras-tēnā-sināc-chinit | 20
atha muṇḍō'bhyadhāvattāṃ dṛṣṭvā caṇḍaṃ nipātitam |
tam-apy-apātayad-bhūmāu sā khaḍgābhihataṃ ruṣā | 21
hataśēṣaṃ tataḥ sāinyam dṛṣṭvā caṇḍaṃ nipātitam |
muṇḍaṃ ca sumahāvīryaṃ diśō bhējē bhayāturam | 22
śiraś-caṇḍasya kālī ca gṛhītvā muṇḍam-ēva ca |
prāha pracaṇḍāṭṭahāsa-miśram-abhyētya caṇḍikām | 23
mayā tavātrōpahṛtāu caṇḍamuṇḍāu mahāpaśū |
yuddhayajñē svayaṃ śumbhaṃ niśumbhaṃ ca haniṣyasi | 24
r̥ṣiruvāca: tāv-ānītāu tatō dṛṣṭvā caṇḍamuṇḍāu mahāsurāu |
uvāca kālīṃ kalyāṇī lalitaṃ caṇḍikā vacaḥ | 26
yasmāc-caṇḍaṃ ca muṇḍaṃ ca gṛhītvā tvam-upāgatā |
cām uṇḍēt i tatō lōkē k-h-yātā dēvī b-hav i ṣ-yas i | 27
iti śrīmārkaṇḍēyapurāṇē sāvarṇikē manvantarē dēvīmāhātmye caṇḍamuṇḍavadho nāma saptamō'dhyāyaḥ