భృగువల్లి - సంపూర్ణ పాఠం
శాంతి మంత్రము
ఓం సహ నావవతు | సహ నౌ భునక్తు | సహ వీర్యం కరవావహై |
తేజస్వినావధీతమస్తు మా విద్విషావహై |
ఓం శాంతిః శాంతిః శాంతిః ||
ప్రథమోఽనువాకః
భృగుర్వై వారుణిః | వరుణం పితరముపససార | అధీహి భగవో బ్రహ్మేతి |
తస్మా ఏతత్ప్రోవాచ | అన్నం ప్రాణం చక్షుః శ్రోత్రం మనో వాచమితి |
తగ్ం హోవాచ | యతో వా ఇమాని భూతాని జాయంతే | యేన జాతాని జీవంతి |
యత్ప్రయంత్యభిసంవిశంతి | తద్విజిజ్ఞాసస్వ | తద్బ్రహ్మేతి |
స తపోఽతప్యత | స తపస్తప్త్వా ||
ద్వితీయోఽనువాకః
అన్నో బ్రహ్మేతి వ్యజానాత్ | అన్నాద్ధ్యేవ ఖల్విమాని భూతాని జాయంతే |
అన్నేన జాతాని జీవంతి | అన్నం ప్రయంత్యభిసంవిశంతీతి | తద్విజ్ఞాయ |
పునరేవ వరుణం పితరముపససార | అధీహి భగవో బ్రహ్మేతి |
తగ్ం హోవాచ | తపసా బ్రహ్మ విజిజ్ఞాసస్వ | తపో బ్రహ్మేతి |
స తపోఽతప్యత | స తపస్తప్త్వా ||
తృతీయోఽనువాకః
ప్రాణో బ్రహ్మేతి వ్యజానాత్ | ప్రాణాద్ధ్యేవ ఖల్విమాని భూతాని జాయంతే |
ప్రాణేన జాతాని జీవంతి | ప్రాణం ప్రయంత్యభిసంవిశంతీతి | తద్విజ్ఞాయ |
పునరేవ వరుణం పితరముపససార | అధీహి భగవో బ్రహ్మేతి |
తగ్ం హోవాచ | తపసా బ్రహ్మ విజిజ్ఞాసస్వ | తపో బ్రహ్మేతి |
స తపోఽతప్యత | స తపస్తప్త్వా ||
చతుర్థోఽనువాకః
మనో బ్రహ్మేతి వ్యజానాత్ | మనసో హ్యేవ ఖల్విమాని భూతాని జాయంతే |
మనసా జాతాని జీవంతి | మనం ప్రయంత్యభిసంవిశంతీతి | తద్విజ్ఞాయ |
పునరేవ వరుణం పితరముపససార | అధీహి భగవో బ్రహ్మేతి |
తగ్ం హోవాచ | తపసా బ్రహ్మ విజిజ్ఞాసస్వ | తపో బ్రహ్మేతి |
స తపోఽతప్యత | స తపస్తప్త్వా ||
పంచమోఽనువాకః
విజ్ఞానం బ్రహ్మేతి వ్యజానాత్ | విజ్ఞానాద్ధ్యేవ ఖల్విమాని భూతాని జాయంతే |
విజ్ఞానేన జాతాని జీవంతి | విజ్ఞానం ప్రయంత్యభిసంవిశంతీతి | తద్విజ్ఞాయ |
పునరేవ వరుణం పితరముపససార | అధీహి భగవో బ్రహ్మేతి |
తగ్ం హోవాచ | తపసా బ్రహ్మ విజిజ్ఞాసస్వ | తపో బ్రహ్మేతి |
స తపోఽతప్యత | స తపస్తప్త్వా ||
షష్ఠోఽనువాకః
ఆనందో బ్రహ్మేతి వ్యజానాత్ | ఆనందాద్ధ్యేవ ఖల్విమాని భూతాని జాయంతే |
ఆనందేన జాతాని జీవంతి | ఆనందం ప్రయంత్యభిసంవిశంతీతి |
సైషా భార్గవీ వారుణీ విద్యా | పరమే వ్యోమన్ ప్రతిష్ఠితా |
స య ఏవం వేద ప్రతిష్ఠతి | అన్నవానన్నాదో భవతి |
మహాన్ భవతి ప్రజయా పశుభిర్బ్రహ్మవర్చసేన | మహాన్ కీర్త్యా ||
సప్తమోఽనువాకః
అన్నం న నింద్యాత్ | తద్వ్రతమ్ | ప్రాణో వా అన్నమ్ | శరీరమన్నాదమ్ |
ప్రాణే శరీరం ప్రతిష్ఠితమ్ | శరీరే ప్రాణః ప్రతిష్ఠితః |
తదేతదన్నమన్నే ప్రతిష్ఠితమ్ | స య ఏతదన్నమన్నే ప్రతిష్ఠితం వేద ప్రతిష్ఠతి |
అన్నవానన్నాదో భవతి | మహాన్ భవతి ప్రజయా పశుభిర్బ్రహ్మవర్చసేన | మహాన్ కీర్త్యా ||
అష్టమోఽనువాకః
అన్నం న పరిచక్షీత | తద్వ్రతమ్ | ఆపో వా అన్నమ్ | జ్యోతిరన్నాదమ్ |
అప్సు జ్యోతిః ప్రతిష్ఠితమ్ | జ్యోతిష్యాపః ప్రతిష్ఠితాః |
తదేతదన్నమన్నే ప్రతిష్ఠితమ్ | స య ఏతదన్నమన్నే ప్రతిష్ఠితం వేద ప్రతిష్ఠతి |
అన్నవానన్నాదో భవతి | మహాన్ భవతి ప్రజయా పశుభిర్బ్రహ్మవర్చసేన | మహాన్ కీర్త్యా ||
నవమోఽనువాకః
అన్నం బహు కుర్వీత | తద్వ్రతమ్ | పృథివీ వా అన్నమ్ | ఆకాశో అన్నాదః |
పృథివ్యామాకాశః ప్రతిష్ఠితః | ఆకాశే పృథివీ ప్రతిష్ఠితా |
తదేతదన్నమన్నే ప్రతిష్ఠితమ్ | స య ఏతదన్నమన్నే ప్రతిష్ఠితం వేద ప్రతిష్ఠతి |
అన్నవానన్నాదో భవతి | మహాన్ భవతి ప్రజయా పశుభిర్బ్రహ్మవర్చసేన | మహాన్ కీర్త్యా ||
దశమోఽనువాకః
న కంచన వసతౌ ప్రత్యాచక్షీత | తద్వ్రతమ్ |
తస్మాద్యయా కయా చ విధయా బహున్నం ప్రాప్నుయాత్ |
ఆరాధ్యస్మా అన్నమిత్యాచక్షతే | ఏతద్వై ముఖతో అన్నం రాద్ధమ్ |
ముఖతోఽస్మా అన్నం రాధ్యతే | ఏతద్వై మధ్యతో అన్నం రాద్ధమ్ |
మధ్యతోఽస్మా అన్నం రాధ్యతే | ఏతద్వై అంతతో అన్నం రాద్ధమ్ |
అంతతోఽస్మా అన్నం రాధ్యతే | య ఏవం వేద |
క్షేమ ఇతి వాచి | యోగక్షేమ ఇతి ప్రాణాపానయోః | కర్మేతి హస్తయోః |
గతిరితి పాదయోః | విముక్తిరితి పాయౌ | ఇతి మానుషీస్సమాజ్ఞాః | అథ దైవీః |
తృప్తిరితి వృష్టౌ | బలమితి విద్యుతి | యశ ఇతి పశుషు |
జ్యోతిరితి నక్షత్రేషు | ప్రజాతిరమృతమానంద ఇత్యుపస్థే |
సర్వమిత్యాకాశే | తద్ప్రతిష్ఠేత్యుపాసీత | ప్రతిష్ఠావాన్ భవతి |
తన్మహ ఇత్యుపాసీత | మహాన్ భవతి | తన్మన ఇత్యుపాసీత | మానవాన్ భవతి |
తన్నమ ఇత్యుపాసీత | నమ్యంతే అస్మై కామాః |
తద్బ్రహ్మేత్యుపాసీత | బ్రహ్మవాన్ భవతి |
తద్బ్రహ్మణః పరిమర ఇత్యుపాసీత | పర్యేణమ్మ్రియంతే ద్విషంతస్సపత్నాః |
పరియేఽఅప్రియా భ్రాతృవ్యాః | స యశ్చాయం పురుషే | యశ్చాసావాదిత్యే | స ఏకః |
స య ఏవం విత్ | అస్మాల్లోకాత్ప్రేత్య | ఏతమన్నమయాత్మానముపసంక్రమ్య |
ఏతంప్రాణమయాత్మానముపసంక్రమ్య | ఏతమ్మనోమయాత్మానముపసంక్రమ్య |
ఏతంవిజ్ఞానమయాత్మానముపసంక్రమ్య | ఏతమానందమయాత్మానముపసంక్రమ్య |
ఇమాల్ లోకాన్ కామాన్నీ కామరూప్యనుసంచరన్ | ఏతత్సామగాయన్నాస్తే |
హా హా హా | అహమన్నమహమన్నమహమన్నమ్ |
అహమన్నాదోఽహమన్నాదోఽహమన్నాదః |
అహగ్ం శ్లోకకృదహగ్ం శ్లోకకృదహగ్ం శ్లోకకృత్ |
అహమస్మి ప్రథమజా ఋతస్య | పూర్వం దేవేభ్యో అమృతస్య నాభాయి |
యో మా దదాతి స ఇదేవ మావాః | అహమన్నమన్నమదంతమద్మి |
అహం విశ్వం భువనమభ్యభవామ్ | సువర్ణ జ్యోతిః | య ఏవం వేద |
ఇత్యుపనిషత్ ||