బిల్వాష్టకం
త్రిదళం త్రిగుణాకారం త్రినేత్రం చ త్రియాయుధం |
త్రిజన్మపాపసంహారం ఏకబిల్వం శివార్పణం || ౧ ||
త్రిశాఖైః బిల్వపత్రైశ్చ అచ్ఛిద్రైః కోమలైః శుభైః |
శివపూజాం కరిష్యామి ఏకబిల్వం శివార్పణం || ౨ ||
అఖండబిల్వపత్రేణ పూజితే నందికేశ్వరే |
శుద్ధ్యంతి సర్వపాపేభ్యః ఏకబిల్వం శివార్పణం || ౩ ||
సాలగ్రామ శిలామేకాం జాతు విప్రాయ యోఽర్పయేత్ |
సోమయజ్ఞమహాపుణ్యం ఏకబిల్వం శివార్పణం || ౪ ||
దంతికోటిసహస్రాణి వాజపేయశతాని చ |
కోటికన్యామహాదానాం ఏకబిల్వం శివార్పణం || ౫ ||
పార్వత్యాస్స్వేదతోత్పన్నం మహాదేవస్య చ ప్రియం |
బిల్వవృక్షం నమస్యామి ఏకబిల్వం శివార్పణం || ౬ ||
దర్శనం బిల్వవృక్షస్య స్పర్శనం పాపనాశనం |
అఘోరపాపసంహారం ఏకబిల్వం శివార్పణం || ౭ ||
మూలతో బ్రహ్మరూపాయ మధ్యతో విష్ణురూపిణే |
అగ్రతశ్శివరూపాయ ఏకబిల్వం శివార్పణం || ౮ ||
బిల్వాష్టక మిదం పుణ్యం యః పఠేచ్ఛివసన్నిధౌ |
సర్వపాపవినిర్ముక్తః శివలోక మవాప్నుయాత్ || ౯ ||
ఇతి బిల్వాష్టకం సంపూర్ణమ్ ||
Bilvashtakam
tridalaṃ triguṇākāraṃ trinētraṃ ca triyāyudham |
trijanmapāpasaṃhāraṃ ēkabilvaṃ śivārpaṇam || 1 ||
triśākhaiḥ bilvapatraiśca acchidraiḥ kōmalaiḥ śubhaiḥ |
śivapūjāṃ kariṣyāmi ēkabilvaṃ śivārpaṇam || 2 ||
akhaṇḍabilvapatrēṇa pūjitē nandikēśvarē |
śuddhyanti sarvapāpēbhyaḥ ēkabilvaṃ śivārpaṇam || 3 ||
sālagrāma śilāmēkāṃ jātu viprāya yō’rpayēt |
sōmayajñamahāpuṇyaṃ ēkabilvaṃ śivārpaṇam || 4 ||
dantikōṭisahasrāṇi vājapēyaśatāni ca |
kōṭikanyāmahādānāṃ ēkabilvaṃ śivārpaṇam || 5 ||
pārvatyāssvēdatōtpannaṃ mahādēvasya ca priyam |
bilvavṛkṣaṃ namasyāmi ēkabilvaṃ śivārpaṇam || 6 ||
darśanaṃ bilvavṛkṣasya sparśanaṃ pāpanāśanam |
aghōrapāpasaṃhāraṃ ēkabilvaṃ śivārpaṇam || 7 ||
mūlatō brahmarūpāya madhyatō viṣṇurūpiṇē |
agrataśśivarūpāya ēkabilvaṃ śivārpaṇam || 8 ||
bilvāṣṭaka midaṃ puṇyaṃ yaḥ paṭhēcchivasannidhau |
sarvapāpaviniṛmuktaḥ śivalōka mavāpnuyāt || 9 ||
iti bilvāṣṭakaṃ saṃpūrṇam ||