శ్రీ భవానీ అష్టకం
న తాతో న మాతా న బంధుర్న దాతా
న పుత్రో న పుత్రీ న భృత్యో న భర్తా
న జాయా న విద్యా న వృత్తిర్మమైవ
గతిస్త్వం గతిస్త్వం త్వమేకా భవాని || ౧ ||
భవాబ్ధావపారే మహాదుఃఖభీరు
పపాత ప్రకామీ ప్రలోభీ ప్రమత్తః
కుసంసారపాశప్రబద్ధః సదాహం
గతిస్త్వం గతిస్త్వం త్వమేకా భవాని || ౨ ||
న జానామి దానం న చ ధ్యానయోగం
న జానామి తంత్రం న చ స్తోత్రమంత్రమ్
న జానామి పూజాం న చ న్యాసయోగం
గతిస్త్వం గతిస్త్వం త్వమేకా భవాని || ౩ ||
న జానామి పుణ్యం న జానామి తీర్థం
న జానామి ముక్తిం లయం వా కదాచిత్
న జానామి భక్తిం వ్రతం వాపి మాతః
గతిస్త్వం గతిస్త్వం త్వమేకా భవాని || ౪ ||
కుకర్మీ కుసంగీ కుబుద్ధిః కుదాసః
కులాచారహీనః కదాచారలీనః
కుదృష్టిః కువాక్యప్రబంధః సదాహం
గతిస్త్వం గతిస్త్వం త్వమేకా భవాని || ౫ ||
ప్రజేశం రమేశం మహేశం సురేశం
దినేశం నిశీథేశ్వరం వా కదాచిత్
న జానామి చాన్యత్ సదాహం శరణ్యే
గతిస్త్వం గతిస్త్వం త్వమేకా భవాని || ౬ ||
వివాదే విషాదే ప్రమాదే ప్రవాసే
జలే చానలే పర్వతే శత్రుమధ్యే
అరణ్యే శరణ్యే సదా మాం ప్రపాహి
గతిస్త్వం గతిస్త్వం త్వమేకా భవాని || ౭ ||
అనాథో దరిద్రో జరారోగయుక్తో
మహాక్షీణదీనః సదా జాడ్యవక్త్రః
విపత్తౌ ప్రవిష్టః ప్రనష్టః సదాహం
గతిస్త్వం గతిస్త్వం త్వమేకా భవాని || ౮ ||
ఇతి శ్రీ భవానీ అష్టకం ||
śrī bhavānī aṣṭakam
na tātō na mātā na bandhurna dātā
na putrō na putrī na bh r̥tyō na bhartā
na jāyā na vidyā na v r̥ttirmamāiva
gatistvaṃ gatistvaṃ tvamēkā bhavānī || 1 ||
bhavābdhāvapārē mahāduḥkhabhīru
papāta prakāmī pralōbhī pramattaḥ
kusaṃsārapāśaprabaddhaḥ sadāhaṃ
gatistvaṃ gatistvaṃ tvamēkā bhavānī || 2 ||
na jānāmi dānaṃ na ca dhyānayōgaṃ
na jānāmi tantraṃ na ca stōtramantram
na jānāmi pūjāṃ na ca nyāsayōgaṃ
gatistvaṃ gatistvaṃ tvamēkā bhavānī || 3 ||
na jānāmi puṇyaṃ na jānāmi tīrthaṃ
na jānāmi muktiṃ layaṃ vā kadācit
na jānāmi bhaktiṃ vrataṃ vāpi mātaḥ
gatistvaṃ gatistvaṃ tvamēkā bhavānī || 4 ||
kukarmī kusaṅgī kubuddhiḥ kudāsaḥ
kulācārahīnaḥ kadācāralīnaḥ
kud r̥ṣṭiḥ kuvākyaprabandhaḥ sadāhaṃ
gatistvaṃ gatistvaṃ tvamēkā bhavānī || 5 ||
prajēśaṃ ramēśaṃ mahēśaṃ surēśaṃ
dinēśaṃ niśīthēśvaraṃ vā kadācit
na jānāmi cānyat sadāhaṃ śaraṇyē
gatistvaṃ gatistvaṃ tvamēkā bhavānī || 6 ||
vivādē viṣādē pramādē pravāsē
jalē cānalē parvatē śatrumadhyē
araṇyē śaraṇyē sadā māṃ prapāhi
gatistvaṃ gatistvaṃ tvamēkā bhavānī || 7 ||
anāthō daridrō jarārōgayuktō
mahākṣīṇadīnaḥ sadā jāḍyavaktraḥ
vipattāu praviṣṭaḥ pranaṣṭaḥ sadāhaṃ
gatistvaṃ gatistvaṃ tvamēkā bhavānī || 8 ||
iti śrī bhavānī aṣṭakam ||