బాలముకుంద అష్టకం
కరారవిందేన పదారవిందం ముఖారవిందే వినివేశయంతమ్ |
వటస్య పత్రస్య పుటే శయానం బాలం ముకుందం మనసా స్మరామి || ౧ ||
సంహృత్య లోకాన్వటపత్రమధ్యే శయానమాద్యంతవిహీనరూపమ్ |
సర్వేశ్వరం సర్వహితావతారం బాలం ముకుందం మనసా స్మరామి || ౨ ||
ఇందీవరశ్యామలకోమలాంగం ఇంద్రాదిదేవార్చితపాదపద్మమ్ |
సంతానకల్పద్రుమమాశ్రితానాం బాలం ముకుందం మనసా స్మరామి || ౩ ||
లంబాలకం లంబితహారయష్టిం శృంగారリーలాంకితదంతపంక్తిమ్ |
బింబాధరం చారువిశాలనేత్రం బాలం ముకుందం మనసా స్మరామి || ౪ ||
శిక్యే నిధాయాద్యపయోదధీని బహిర్గతాయాం వ్రజనాయికాయామ్ |
భుక్త్వా యథేష్టం కపటేన సుప్తం బాలం ముకుందం మనసా స్మరామి || ౫ ||
కలిందజాంతస్థితకాలియస్య ఫణాగ్రరంగేనటనప్రియంతమ్ |
తత్పుచ్ఛహస్తం శరదిందువక్త్రం బాలం ముకుందం మనసా స్మరామి || ౬ ||
ఉలూఖలే బద్ధముదారశౌర్యం ఉత్తుంగయుగ్మార్జున భంగలీలమ్ |
ఉత్ఫుల్లపద్మాయత చారునేత్రం బాలం ముకుందం మనసా స్మరామి || ౭ ||
ఆలోక్య మాతుర్ముఖమాదరేణ స్తన్యం పిబంతం సరసీరుహాక్షమ్ |
సచ్చిన్మయం దేవమనంతరూపం బాలం ముకుందం మనసా స్మరామి || ౮ ||
ఇతి బాలముకుంద అష్టకం ||
Bala Mukunda Ashtakam
karāraviṇdēna padāraviṇdaṃ mukhāraviṇdē vinivēśayaṇtam |
vaṭasya patrasya puṭē śayānaṃ bālaṃ mukuṇdaṃ manasā smarāmi || 1 ||
saṃhṛtya lōkānvaṭapatramadhyē śayānamādyaṇtavihīnarūpam |
sarvēśwaraṃ sarvahitāvatāraṃ bālaṃ mukuṇdaṃ manasā smarāmi || 2 ||
indīvaraśyāmalakōmalāṅgaṃ indrādidēvārcitapādapadmam |
santānakalpadrumamāśritānāṃ bālaṃ mukuṇdaṃ manasā smarāmi || 3 ||
lambālakaṃ lambitahārayaṣṭiṃ śṛṅgāralīlāṅkitadaṇtapaṅktim |
biṃbādharaṃ cāruviśālanētraṃ bālaṃ mukuṇdaṃ manasā smarāmi || 4 ||
śikyē nidhāyādyapayōdadhīni bahirgatāyāṃ vrajanāyikāyām |
bhuktvā yathēṣṭaṃ kapaṭēna suptaṃ bālaṃ mukuṇdaṃ manasā smarāmi || 5 ||
kaliṇdajāṇtasthitakāliyasya phaṇāgraraṅgē naṭanapriyaṇtam |
tatpucchahastaṃ śaradiduvaktraṃ bālaṃ mukuṇdaṃ manasā smarāmi || 6 ||
ulūkhalē baddhamudāraśauryaṃ uttuṅgayugmārjuna bhaṅgalīlam |
utphullapadmāyata cārunētraṃ bālaṃ mukuṇdaṃ manasā smarāmi || 7 ||
ālōkya māturmukhamādarēṇa staṇyaṃ pibaṇtaṃ sarasīruhāxam |
saccinmayaṃ dēvamanaṇtarūpaṃ bālaṃ mukuṇdaṃ manasā smarāmi || 8 ||
iti bāla mukuṇda aṣṭakam ||