శ్రీమద్రామాయణము - బాలకాండ
ఏకోనసప్తతితమ సర్గము
తతో రాత్ర్యాం వ్యతీతాయాం సోపాధ్యాయ: సబాన్ధవ:
రాజా దశరథో హృష్ట స్సుమన్త్రమిదమబ్రవీత్ 1
అద్య సర్వే ధనాధ్యక్షా ధనమాదాయ పుష్కలమ్
వ్రజన్త్వగ్రే సువిహితా నానారత్నసమన్వితా: 2
చతురఙ్గబలం చాపి శీఘ్రం నిర్యాతు సర్వశ:
మమజ్ఞాసమకాలం చ యానయుగ్యమనుత్తమమ్ 3
వసిష్ఠో వామదేవశ్చ జాబాలిరథ కాశ్యప:
మార్కణ్డేయశ్చ దీర్ఘాయు:ఋషి: కాత్యాయనస్తథా 4
ఏతే ద్విజా: ప్రయాన్త్వగ్రే స్యన్దనం యోజయస్వ మే
యథా కాలాత్యయో న స్యా ద్దూతా హి త్వరయన్తి మామ్ 5
వచనాత్తు నరేన్ద్రస్య సా సేనా చతురఙ్గిణీ
రాజానమృషిభి స్సార్ధం వ్రజన్తం పృష్ఠతోన్వగాత్ 6
గత్వా చతురహం మార్గం విదేహానభ్యుపేయివాన్
రాజా తు జనక శ్శ్రీమాన్ శ్శ్రుత్వా పూజామకల్పయత్ 7
తతో రాజానమాసాద్య వృద్ధం దశరథం నృపమ్
జనకో ముదితో రాజా హర్షం చ పరమం యయౌ 8
ఉవాచ చ నరశ్రేష్ఠో నరశ్రేష్ఠం ముదాన్విత:
స్వాగతం తే మహారాజ దిష్ట్యా ప్రాప్తోసి రాఘవ! 9
పుత్రయోరుభయో: ప్రీతిం లప్స్యసే వీర్యనిర్జితామ్
దిష్ట్యా ప్రాప్తో మహాతేజా వసిష్ఠో భగవానృషి: 10
సహ సర్వైర్ద్విజశ్రేష్ఠైర్దేవైరివ శతక్రతు:
దిష్ట్యా మే నిర్జితా విఘ్నా దిష్ట్యా మే పూజితం కులమ్ 11
రాఘవై స్సహ సమ్బన్ధాద్వీర్యశ్రేష్ఠైర్మహాత్మభి:
శ్వా: ప్రభాతే నరేన్ద్రేన్ద్ర నిర్వర్తయితుమర్హసి 12
యజ్ఞస్యాన్తే నరశ్రేష్ఠ వివాహమృషిసమ్మతమ్
తస్య తద్వచనం శ్రుత్వా ఋషిమధ్యే నరాధిప: 13
వాక్యం వాక్యవిదాం శ్రేష్ఠ: ప్రత్యువాచ మహీపతిమ్
ప్రతిగ్రహో దాతృవశ శ్శ్రృతమేతన్మయా పురా 14
యథా వక్ష్యసి ధర్మజ్ఞ తత్కరిష్యామహే వయమ్
ధర్మిష్ఠం చ యశస్యం చ వచనం సత్యవాదిన: 15
శ్రుత్వా విదేహాధిపతి: పరం విస్మయమాగత:
తత స్సర్వే మునిగణా: పరస్పరసమాగమే 16
హర్షేణ మహతా యుక్తాస్తాం నిశామవసన్ సుఖమ్
రాజా చ రాఘవౌ పుత్రౌ నిశామ్య పరిహర్షిత 17
ఉవాస పరమప్రీతో జనకేన సుపూజిత:
జనకోపి మహాతేజా: క్రియాం ధర్మేణ తత్త్వవిత్ 18
యజ్ఞస్య చ సుతాభ్యాం చ కృత్వా రాత్రిమువాస హ 19
ఇత్యార్షే శ్రీమద్రామాయణే వాల్మీకీయే ఆదికావ్యే బాలకాణ్డే ఏకోనసప్తతితమస్సర్గ:
Bālakāṇḍam - Ēkōnasaptatitama Sargaḥ
tatō rātryāṃ vyatītāyāṃ sōpādhyāyaḥ sabāndhavaḥ
rājā daśarathō hṛṣṭa s-sumantram-idam-abravīt 1
adya sarvē dhanādhyakṣā dhanam-ādāya puṣkalam
vrajantvagrē suvihitā nānāratnasamanvitāḥ 2
chaturaṅgabalaṃ chāpi śīghraṃ niryātu sarvaśaḥ
mamājñā-samakālaṃ ca yānayugyam-anuttamam 3
vasiṣṭhō vāmadēvaś-ca jābālir-atha kāśyapaḥ
mārkaṇḍēyaś-ca dīrghāyu r-r̥ṣiḥ kātyāyanas-tathā 4
ētē dvijāḥ prayāntvagrē syandanaṃ yōjayasva mē
yathā kālātyayō na syā d-dūtā hi tvarayanti mām 5
vachanāttu narēndrasya sā sēnā chaturaṅgiṇī
rājānam-r̥ṣibhi ssārdhaṃ vrajantaṃ pr̥ṣṭhatōnvagāt 6
gatvā chaturahaṃ mārgaṃ vidēhān-abhyupēyivān
rājā tu janaka ś-śrīmān ś-śrutvā pūjām-akalpayat 7
tatō rājānam-āsādya vr̥ddhaṃ daśarathaṃ nr̥pam
janakō muditō rājā harṣaṃ ca paramaṃ yayāu 8
uvāca ca naraśrēṣṭhō naraśrēṣṭhaṃ mudānvitaḥ
svāgataṃ tē mahārāja diṣṭyā prāptōsi rāghava! 9
putrayōr-ubhayōḥ prītiṃ lapsyasē vīryanirjitām
diṣṭyā prāptō mahātējā vasiṣṭhō bhagavānr̥ṣiḥ 10
saha sarvāir-dvijaśrēṣṭhāir-dēvāiriva śatakratuḥ
diṣṭyā mē nirjitā vighnā diṣṭyā mē pūjitaṃ kulam 11
rāghavāi ssaha sambandhād-vīryaśrēṣṭhāir-mahātma-bhiḥ
śvaḥ prabhātē narēndrēndra nirvartayitu-marhasi 12
yajñasyāntē naraśrēṣṭha vivāham-r̥ṣisamatam
tasya tadvachanaṃ śrutvā r̥ṣimadhyē narādhipaḥ 13
vākyaṃ vākyavidāṃ śrēṣṭhaḥ pratyuvāca mahīpatim
pratigrahō dātr̥vaśa ś-śrutam-ētannamayā purā 14
yathā vakṣyasi dharmajña tat-kariṣyāmahē vayam
dharmiṣṭhaṃ ca yaśasyaṃ ca vachanaṃ satyavādinaḥ 15
śrutvā vidēhādhipatiḥ paraṃ vismayam-āgataḥ
tata ssarvē munigaṇāḥ parasparasamāgamē 16
harṣēṇa mahatā yuktā-stāṃ niśām-avasan sukham
rājā ca rāghavāu putrāu niśāmya pariharṣita 17
uvāsa paramaprītō janakēna supūjitaḥ
janakō'pi mahātējāḥ kriyāṃ dharmēṇa tattvavit 18
yajñasya cha s utāb-h-yāṃ cha kr̥t vā rāt-r i m-uvāsa ha 19
iti śrīmadrāmāyaṇē vālmīkīyē ādikāvyē bālakāṇḍē ēkōnasaptatitamaḥ sargaḥ