శ్రీమద్రామాయణము - బాలకాండ
అష్టషష్టితమ సర్గము
జనకేన సమాదిష్టా దూతాస్తే క్లాన్తవాహనా:
త్రిరాత్రముషితా మార్గే తేయోధ్యాం ప్రావిశన్ పురీమ్ 1
రాజ్ఞో భవనమాసాద్య ద్వారస్థానిదమబ్రువన్
శీఘ్రం నివేద్యతాం రాజ్ఞే దూతాన్నో జనకస్య చ 2
ఇత్యుక్తా ద్వారపాలాస్తే రాఘవాయ న్యవేదయన
తే రాజవచనాద్దూతా రాజవేశ్మప్రవేశితా:
దదృశుర్దేవసఙ్కాశం వృద్ధం దశరథం నృపమ్ 3
బద్ధాఞ్జలిపుటా స్సర్వే దూతా విగతసాధ్వసా: రాజానమ్ ప్రయతా వాక్యమబ్రువన్మధురాక్షరమ్ 4
మైథిలో జనకో రాజా సాగ్నిహోత్రపురస్కృతమ్
కుశలం చావ్యయం చైవ సోపాధ్యాయపురోహితమ్ 5
ముహుర్ముహుర్మధురయా స్నేహసంయుక్తయా గిరా
జనకస్త్వాం మహారాజ పృచ్ఛతే సపురస్సరమ్ 6
పృష్ట్వా కుశలమవ్యగ్రం వైదేహో మిథిలాధిప:
కౌశికానుమతే వాక్యం భవన్తమిదమబ్రవీత్ 7
పూర్వం ప్రతిజ్ఞా విదితా వీర్యశుల్కా మమాత్మజా
రాజానశ్చ కృతామర్షానిర్వీర్యా విముఖీకృతా: 8
సేయం మమ సుతా రాజన్ విశ్వామిత్రపురస్సరై:
యదృచ్ఛయాగతైర్వీరైర్నిర్జితా తవ పుత్రకై: 9
తచ్చ రాజన్ ధనుర్దివ్యం మధ్యే భగ్నం మహాత్మనా
రామేణ హి మహారాజ మహత్యాం జనసంసది 10
అస్మై దేయా మయా సీతా వీర్యశుల్కా మహాత్మనే
ప్రతిజ్ఞాం కర్తుమిచ్ఛామి తదనుజ్ఞాతుమర్హసి 11
సోపాధ్యాయో మహారాజ పురోహితపురస్సర: శీఘ్రమాగచ్ఛ భద్రం తే ద్రష్టుమర్హసి రాఘవౌ 12
ప్రీతిం చ మమ రాజేన్ద్ర నిర్వర్తయితుమర్హసి
పుత్రయోరుభయోరేవ ప్రీతిం త్వమపి లప్స్యసే 13
ఏవం విదేహాధిపతిర్మధురం వాక్యమబ్రవీత్ 14
విశ్వామిత్రాభ్యనుజ్ఞాత శ్శతానన్దమతే స్థిత:
ఇత్యుక్త్వా విరతా దూతా రాజగౌరవశఙ్కితా: 15
దూతవాక్యం చ తచ్ఛ్రుత్వా రాజా పరమహర్షిత:
వసిష్ఠం వామదేవం చ మన్త్రిణోన్యాంశ్చ సోబ్రవీత్ 16
గుప్త: కుశికపుత్రేణ కౌసల్యానన్దవర్ధన: లక్ష్మణేన సహ భ్రాత్రా విదేహేషు వసత్యసౌ 17
దృష్టవీర్యస్తు కాకుత్స్థో జనకేన మహాత్మనా
సమ్ప్రదానం సుతాయాస్తు రాఘవే కర్తుమిచ్ఛతి 18
యది వో రోచతే వృత్తం జనకస్య మహాత్మన:
పురీం గచ్ఛామహే శీఘ్రం మా భూత్కాలస్య పర్యయ: 19
మన్త్రిణో బాఢమిత్యాహు: సహ సర్వైర్మహర్షిభి:
సుప్రీతశ్చాబ్రవీద్రాజా శ్వో యాత్రేతి స మన్త్రిణ: 20
మన్త్రిణస్తు నరేన్ద్రస్య రాత్రిం పరమసత్కృతా:
ఊషు స్తేముదితా స్సర్వే గుణై స్సర్వైస్సమన్వితా: 21
ఇత్యార్షే శ్రీమద్రామాయణే వాల్మీకీయే ఆదికావ్యే బాలకాణ్డే అష్టషష్టితమస్సర్గ:
Bālakāṇḍam - Aṣṭaṣaṣṭitama Sargaḥ
janakēna samādiṣṭā dūtāstē klāntavāhanāḥ
trirātramuṣitā mārgē tē'yōdhyāṃ prāviśan purīm 1
rājñō bhavanamāsādya dvārasthān-idam-abruvan
śīghraṃ nivēdyatāṃ rājñē dūtānnō janakasya ca 2
ityuktā dvārapālāstē rāghavāya nyavēdayan
tē rājavacanād-dūtā rājavēśma-pravēśitāḥ
dadr̥śur-dēvasaṅkāśaṃ vr̥ddhaṃ daśarathaṃ nr̥pam 3
baddhāñjalipuṭā ssarvē dūtā vigatasādhvasāḥ
rājānaṃ prayatā vākyam-abruvan-madhurākṣaram 4
māithilō janakō rājā sāgnihōtra-puraskr̥tam
kuśalaṃ cāvyayaṃ cāiva sōpādhyāya-purōhitam 5
muhur-muhur-madhurayā snēhasaṃyuktayā girā
janakastvāṃ mahārāja pṛcchatē sapurassaraṃ 6
pṛṣṭvā kuśalam-avyagraṃ vāidēhō mithilādhipaḥ
kāuśikānumatē vākyaṃ bhavantam-idam-abravīt 7
pūrvaṃ pratijñā viditā vīryaśulkā mamātmajā
rājānaś-ca kr̥tāmarṣā-nirvīryā vimukhīkr̥tāḥ 8
sēyaṃ mama sutā rājan viśvāmitra-purassarāiḥ
yadṛcchayāgatāir-vīrāir-nirjitā tava putrakāiḥ 9
tacca rājan dhanurdivyaṃ madhyē bhagnaṃ mahātmanā
rāmēṇa hi mahārāja mahatyāṃ janasaṃsadi 10
asmāi dēyā mayā sītā vīryaśulkā mahātmanē
pratijñāṃ kartu-micchāmi tad-anujñātu-marhasi 11
sōpādhyāyō mahārāja purōhita-purassaraḥ
śīghram-āgaccha bhadraṃ tē draṣṭumarhasi rāghavāu 12
prītiṃ ca mama rājēndra nirvartayitu-marhasi
putrayōr-ubhayōr-ēva prītiṃ tvam-api lapsyasē 13
ēvaṃ vidēhādhipatir-madhuraṃ vākyam-abravīt 14
viśvāmitrā-bhyanu-jñāta ś-śatā-nandamatē st-h i taḥ
it-y ukt vā v i ratā dūtā rā-ja-gaurava-śaṅk i tāḥ 15
dūtavāk-yaṃ cha tacch-rut vā rājā paramahar-ṣ i taḥ
vas i ṣṭ-haṃ vāmadēvaṃ cha ma-nt-r iṇō'n-yā-mś-cha sō'b-ravīt 16
g uptaḥ k uś i kap ut-rēṇa kāusal-yānanda-var-d-hanaḥ
lak-ṣ-maṇēna sa-ha b-h-rā-t-rā v i dē-hēṣ u vasat-y asā u 17
dṛṣṭavīr-yast u kākutst-hō janakēna mahātmanā
sum-p-radānaṃ s utā-yāst u rāghavē kar-t um-ic-chat i 18
yad i vō rōchatē vṛt-taṃ janakas-ya mahātmanaḥ
p urīṃ gac-chāma-hē śīg-h-raṃ mā b-hūt-kālas-ya par-ya-yaḥ 19
ma-nt-r iṇō bāḍ-ham-it-yā-h uḥ sa-ha saṛvā i r-ma-har-ṣ i b-h iḥ
s up-rītaś-chāb-ravīd-rājā ś-vō yāt-rē-t i sa ma-nt-r iṇaḥ 20
ma-nt-r iṇast u narēnd-ras-ya rāt-r iṃ paramasat-kr̥tāḥ
ūṣ u stē-m ud i tā ssar-vē g uṇā i s-saṛvā i s-sumanv i tāḥ 21
iti śrīmadrāmāyaṇē vālmīkīyē ādikāvyē bālakāṇḍē aṣṭaṣaṣṭitamaḥ sargaḥ