శ్రీమద్రామాయణము - బాలకాండ
ఏకోనపఞ్చాశత్ సర్గము
అఫలస్తు తతశ్శక్రో దేవానగ్నిపురోగమాన్
అబ్రవీత్త్రస్తవదనస్సర్షిస్సఙ్ఘాన్ సచారణాన్ 1
కుర్వతా తపసో విఘ్నం గౌతమస్య మహాత్మన:
క్రోధముత్పాద్య హి మయా సురకార్యమిదం కృతమ్ 2
అఫలోస్మి కృతస్తేన క్రోధాత్సా చ నిరాకృతా
శాపమోక్షేణ మహతా తపోస్యాపహృతం మయా 3
తస్మాత్సురవరాస్సర్వే సర్షిస్సఙ్ఘాస్సచారణా:! సురసాహ్యకరం సర్వే సఫలం కర్తుమర్హథ 4
శతక్రతోర్వచశ్శ్రుత్వా దేవాస్సాగ్నిపురోగమా:
పితృదేవానుపేత్యాహు స్సహ సర్వైర్మరుద్గణై: 5
అయం మేషస్సవృషణశ్శక్రో హ్యవృషణ: కృత:
మేషస్య వృషణౌ గృహ్య శక్రాయాశు ప్రయచ్ఛథ 6
అఫలస్తు కృతో మేష: పరాం తుష్టిం ప్రదాస్యతి
భవతాం హర్షణార్థాయ యే చ దాస్యన్తి మానవా: 7
అగ్నేస్తు వచనం శ్రుత్వా పితృదేవాస్సమాగతా:
ఉత్పాట్య మేషవృషణౌ సహస్రాక్షే న్యవేశయన్ 8
తదా ప్రభృతి కాకుత్స్థ! పితృదేవాస్సమాగతా:
అఫలాన్ భుఞ్జతే మేషాన్ ఫలైస్తేషామయోజయన్ 9
ఇన్ద్రస్తు మేషవృషణస్తదాప్రభృతి రాఘవ!
గౌతమస్య ప్రభావేన తపసశ్చ మహాత్మన: 10
తదాగచ్ఛ మహాతేజా ఆశ్రమం పుణ్యకర్మణ:
తారయైనాం మహాభాగామహల్యాం దేవరూపిణీమ్ 11
విశ్వామిత్రవచశ్శ్రుత్వా రాఘవస్సహలక్ష్మణ:
విశ్వామిత్రం పురస్కృత్య తమాశ్రమమథావిశత్ 12
దదర్శ చ మహాభాగాం తపసా ద్యోతితప్రభామ్
లోకైరపి సమాగమ్య దుర్నిరీక్ష్యాం సురాసురై: 13
ప్రయత్నాన్నిర్మితాం ధాత్రా దివ్యాం మాయామయీమివ
స తుషారావృతాం సాభ్రాం పూర్ణచన్ద్రప్రభామివ 14
మధ్యేంభసో దురాధర్షాం దీప్తాం సూర్యప్రభామివ
సా హి గౌతమవాక్యేన దుర్నిరీక్ష్యా బభూవ హ 15
త్రయాణామపి లోకానాం యావద్రామస్య దర్శనమ్
శాపస్యాన్తముపాగమ్య తేషాం దర్శనమాగతా 16
రాఘవౌ తు తతస్తస్యా: పాదౌ జగృహతుస్తదా
స్మరన్తీ గౌతమవచ: ప్రతిజగ్రాహ సా చ తౌ 17
పాద్యమర్ఘ్యం తథాతిథ్యం చకార సుసమాహితా
ప్రతిజగ్రాహ కాకుత్స్థో విధిదృష్టేన కర్మణా 18
పుష్పవృష్టిర్మహత్యాసీద్దేవదున్దుభినిస్వనై:
గన్ధర్వాప్సరసాం చైవ మహానాసీత్సమాగమ: 19
సాధు సాధ్వితి దేవాస్తామహల్యాం సమపూజయన్
తపోబలవిశుద్ధాఙ్గీ గౌతమస్య వశానుగామ్ 20
గౌతమోపి మహాతేజా అహల్యాసహితస్సుఖీ
రామం సమ్పూజ్య విధివత్తపస్తేపే మహాతపా: 21
రామోపి పరమాం పూజాం గౌతమస్య మహామునే:
సకాశాద్విధివత్ప్రాప్య జగామ మిథిలాం తత: 22
ఇత్యార్షే శ్రీమద్రామాయణే వాల్మీకీయే ఆదికావ్యే బాలకాణ్డే ఏకోనపఞ్చాశత్ సర్గము
Bālakāṇḍam - Ēkōnapañcāśat Sargaḥ
aphalastu tataśśakrō dēvānagnipurōgamān
abravīt-trastavadanassarṣissaṅghān sachāraṇān 1
kurvatā tapasō vighnaṃ gāutamasya mahātmanaḥ
krōdham-utpādya hi mayā surakāryam-idaṃ kr̥tam 2
aphalōsmi kr̥tastēna krōdhātsā ca nirākr̥tā
śāpamōkṣēṇa mahatā tapō'syāpahṛtaṃ mayā 3
tasmāt-suravarāssarvē sarṣissaṅghāssachāraṇāḥ!
surasāhyakaraṃ sarvē saphalaṃ kartum-arhatha 4
śatakratōrvacaś-śrutvā dēvāssāgnipurōgamāḥ
pitr̥̄dēvān-upētyāhu ssaha sarvāir-marudgaṇāiḥ 5
ayaṃ mēṣassavṛṣaṇaś-śakrō hyavṛṣaṇaḥ kr̥taḥ
mēṣasya vṛṣaṇāu gr̥hya śakrāyāśu prayacchatha 6
aphalastu kr̥tō mēṣaḥ parāṃ tuṣṭiṃ pradāsyati
bhavatāṃ harṣaṇārtthāya yē ca dāsyanti mānavāḥ 7
agnēstu vachanaṃ śrutvā pitr̥̄dēvāssamāgatāḥ
utpāṭya mēṣavṛṣaṇāu sahasrākṣē nyavēśayan 8
tadā prabr̥ti kākutstha! pitr̥̄dēvāssamāgatāḥ
aphalān bhuñjatē mēṣān phalāistēṣām-ayōjayan 9
indrastu mēṣavṛṣaṇastadāprabr̥ti rāghava!
gāutamasya prabhāvēna tapasas-ca mahātmanaḥ 10
tadāgaccha mahātēja āśramaṃ puṇyakarmaṇaḥ
tārayāināṃ mahābhāgām-ahalyāṃ dēvarūpiṇīm 11
viśvāmitravacaś-śrutvā rāghavassahalakṣmaṇaḥ
viśvāmitraṃ puraskr̥tya tamāśramam-athāviśat 12
dadarśa ca mahābhāgāṃ tapasā dyōtitaprabhām
lōkāir-api samāgamya durnirīkṣyāṃ surāsurāiḥ 13
prayatnān-nirmitāṃ dhātrā divyāṃ māyāmayīm-iva
sa tuṣārāvṛtāṃ sābhrāṃ pūrṇacandraprabhām-iva 14
madhyē'mbhasō durādharṣāṃ dīptāṃ sūryaprabhām-iva
sā hi gāutamavākyēna durnirīkṣyā babhūva ha 15
trayāṇām-api lōkānāṃ yāvadrāmasya darśanam
śāpasyāntam-upāgamya tēṣāṃ darśanam-āgatā 16
rāghavāu tu tatastyasyāḥ pādāu jagṛhatustadā
smarantī gāutamavachaḥ pratigrajrāha sā ca tāu 17
pādyam-arghyaṃ tathātithyaṃ cakāra susamāhitā
pratigrajrāha kākutstthō vidhidr̥ṣṭēna karmaṇā 18
puṣpavṛṣṭir-mahatyāsīd-dēvadundubh i n i svanāiḥ
gandharvāpsarasāṃ cāiva mahānāsīt-samāgamaḥ 19
sādhu sādhviti dēvāstām-ahalyāṃ samapū-ja-yan
tapōbalav i śud-d-hāṅgīṃ gāutamas-ya vaśān ugām 20
gāutamō'p i mahātējā ahal-yāsah i t-as-s uk-hī
rāmaṃ sum-pū-j-ya v i d-h i va-t-tapas-tēpē mahātapaḥ 21
rāmō'p i paramāṃ pūjāṃ gāutamas-ya mahām unēḥ
sakāśād-v i d-h i va-t-p-rāp-ya jagāma m i t-h i lāṃ tataḥ 22
iti śrīmadrāmāyaṇē vālmīkīyē ādikāvyē bālakāṇḍē ēkōnapañcāśat-sargaḥ