శ్రీమద్రామాయణము - బాలకాండ
ద్వాదశ సర్గము
తత: కాలే బహుతిథే కస్మింశ్చిత్సుమనోహరే. వసన్తే సమనుప్రాప్తే రాజ్ఞో యష్టుం మనోభవత్ 1
తత: ప్రసాద్య శిరసా తం విప్రం దేవవర్ణినమ్. యజ్ఞాయ వరయామాస సన్తానార్థం కులస్య వై 2
తథేతి చ స రాజానమువాచ చ సుసత్కృత:. సమ్భారా సమ్భ్రియన్తాం తే తురగశ్చ విముచ్యతామ్ 3
తతో రాజాబ్రవీద్వాక్యం సుమన్త్రం మన్త్రిసత్తమమ్. సుమన్త్రావాహయ క్షిప్రం ఋత్విజో బ్రహ్మవాదిన: 4
సుయజ్ఞం వామదేవం చ జాబాలిమథ కాశ్యపమ్. పురోహితం వసిష్ఠం చ యే చాన్యే ద్విజసత్తమా: 5
తతస్సుమన్త్రస్త్వరితం గత్వా త్వరితవిక్రమ:. సమానయత్స తాన్విప్రాన్ సమస్తాన్వేదపారగాన్ 6
తాన్పూజయిత్వా ధర్మాత్మా రాజా దశరథస్తదా. ధర్మార్థసహితం యుక్తం శ్లక్ష్ణం వచనమబ్రవీత్ 7
మమ లాలప్యమానస్య పుత్రార్థం నాస్తి వై సుఖమ్. తదర్థం హయమేధేన యక్ష్యామీతి మతిర్మమ 8
తదహం యష్టుమిచ్ఛామి శాస్త్రదృష్టేన కర్మణా. ఋషిపుత్రప్రభావేన కామాన్ప్రాప్స్యామి చాప్యహమ్ 9
తతస్సాధ్వితి తద్వాక్యం బ్రాహ్మణా: ప్రత్యపూజయన్. వసిష్ఠప్రముఖాస్సర్వే పార్థివస్య ముఖాచ్చ్యుతమ్ 10
ఋష్యశృఙ్గపురోగాశ్చ ప్రత్యూచుర్నృపతిం తదా. సమ్భారాస్సమ్భ్రియన్తాం తే తురగశ్చ విముచ్యతామ్ 11
సర్వథా ప్రాప్స్యసే పుత్రాంశ్చత్వారోమితవిక్రమాన్. యస్య తే ధార్మికీ బుద్ధిరియం పుత్రార్థమాగతా 12
తత: ప్రీతోభవద్రాజా శ్రుత్వా తద్విజభాషితమ్. అమాత్యాంశ్చాబ్రవీద్రాజా హర్షేణేదం శుభాక్షరమ్ 13
గురూణాం వచనాచ్ఛీఘ్రం సమ్భారాస్సమ్భ్రియన్తు మే. సమర్థాధిష్ఠితశ్చాశ్వస్సోపాధ్యాయో విముచ్యతామ్ 14
సరయ్వాశ్చోత్తరే తీరే యజ్ఞభూమిర్విధీయతామ్. శాన్తయశ్చాభివర్ధన్తాం యథాకల్పం యథావిధి 15
శక్య: ప్రాప్తుమయం యజ్ఞస్సర్వేణాపి మహీక్షితా. నాపరాధో భవేత్కష్టో యద్యస్మిన్క్రతుసత్తమే 16
ఛిద్రం హి మృగయన్తేత్ర విద్వాంసో బ్రహ్మరాక్షసా:. నిహతస్య చ యజ్ఞస్య సద్య: కర్తా వినశ్యతి 17
తద్యథా విధిపూర్వం మే క్రతురేష సమాప్యతే. తథా విధానం క్రియతాం సమర్థా: కరణేష్విహ 18
తథేతి చ తతస్సర్వే మన్త్రిణ: ప్రత్యపూజయన్. పార్థివేన్ద్రస్య తద్వాక్యం యథాజ్ఞప్తమకుర్వత 19
తతో ద్విజాస్తే ధర్మజ్ఞమస్తువన్పార్థివర్షభమ్. అనుజ్ఞాతాస్తతస్సర్వే పునర్జగ్ముర్యథాగతమ్ 20
గతేష్వథ ద్విజాగ్య్రేషు మన్త్రిణస్తాన్నరాధిప:. విసర్జయిత్వా స్వం వేశ్మ ప్రవివేశ మహాద్యుతి: 21
ఇత్యార్షే శ్రీమద్రామాయణే వాల్మీకీయే ఆదికావ్యే బాలకాణ్డే ద్వాదశస్సర్గ:
Bālakāṇḍam - Dvādaśa Sargaḥ
tataḥ kālē bahutithē kasm iḿ-ścic-c-huma-nōharē. vasantē samanuprāptē rājñō yaṣṭuṃ manōbhavat 1
tataḥ prasādya śirasā taṃ vipraṃ dēvavarṇinam. yajñāya varayāmāsa santānārtthaṃ kulasya vāi 2
tatthēti cha sa rājānam-uvāca cha susatkr̥taḥ. sambhārā sambhriyantāṃ tē turagaścha v imucyatām 3
tatō rājā-bravīd-vākyaṃ sumantraṃ mantrisattamam. sumantrā-vā-haya kṣipraṃ r̥tvijō brahmavādinaḥ 4
suyajñaṃ vāmadēvaṃ cha jābālim-atha kāśyapam. purōhitaṃ vasiṣṭhaṃ cha yē chānyē dvijasattamāḥ 5
tatassumantras-tvaritaṃ gatvā tvaritavikramaḥ. samānayatsa tānviprān samastānvēdapāraɡān 6
tānpūjayitvā dharāmātmā rājā daśarathastadā. dhar-mārtthasahitaṃ yuktaṃ ślakṣṇaṃ vachanam-abravīt 7
mama lālapyamānasya putrārtthaṃ nāst i vāi sukham. tadarthaṃ hayamēdhēna yakṣyāmīt i matirmama 8
tad-ahaṃ yaṣṭum-icchāmi śāstradṛṣṭēna karmaṇā. r̥ṣiputra-prabhāvēna kāmānprāpsyāmi chāpyaham 9
tatassādhviti tadvākyaṃ brāhmaṇāḥ pratyapūjayan. vasiṣṭhapramukhāssarvē pārthivasya mukhāccyutam 10
r̥ṣyaśṛṅga-purōgāśca pratyūcur-nr̥patiṃ tadā. sambhārāssambhriyantāṃ tē turagaśca v imucyatām 11
saṛvathā prāpsyasē putrāñ-catvārōmitavikramān. yasya tē dhārmikī buddhir-iyaṃ putrārtthamāgatā 12
tataḥ prītō'bhavad-rājā śrutvā tadvijabhāṣitam. amātyāṃścā-bravīd-rājā harṣēṇēdaṃ śubhākṣaram 13
gurūṇāṃ vachanāc-chīghraṃ sambhārāssambhriyantu mē. samarthādhiṣṭhitaścāśvassōpādhyāyō v imucyatām 14
sarayvāścōttarē tīrē yajñabhūmir-vidhīyatām. śāntayaścābhivardhantāṃ yathākalpaṃ yathāvidhi 15
śakyaḥ prāptum-ayaṃ yajñassaṛvēṇāpi mahīkṣitā. nāparādhō bhavētkṣṭō yadyasm in-kratu-sattamē 16
chidraṃ hi mṛgayantētra vidvāṃsō brahmarākṣasāḥ. nihatasya cha yajñasya sadyaḥ kartā vinaśyat i 17
tadyathā vidhipūrvaṃ mē kraturēṣa samāpyatē. tatthā vidhānaṃ kriyatāṃ samartthāḥ karaṇēṣv iha 18
tatthēti cha tatassarvē mantriṇaḥ pratyapūjayan. pārthivēndrasya tadvākyaṃ yathājñaptam-akurvata 19
tatō dvijāstē dharmajñam-astuvann-pārtthivaṛṣabham. anujñātāstatassarvē punar-jaggmuryathāgatam 20
gatēṣvatha dvijāgryēṣu mantriṇastānnarādhipaḥ. visarjayitvā svaṃ vēśma pravivēśa mahādyutiḥ 21
iti śrīmadrāmāyaṇē vālmīkīyē ādikāvyē bālakāṇḍē dvādaśasargaḥ