ఆత్మ పంచకం
నాహం దేహో నేంద్రియాణ్యంతరంగం నాహంకారః ప్రాణవర్గో న చాహం |
దారాపత్యక్షేత్రవిత్తాదిదూర- స్సాక్షీ నిత్యః ప్రత్యగాత్మా శివోహం || ౧ ||
రజ్జ్వజ్ఞానాద్భాతి రజ్జుర్యథా హి- స్స్వాత్మాజ్ఞానాదాత్మనో జీవభావః |
ఆప్తోక్త్యా హి భ్రాంతినాశే స రజ్జు- ర్జీవో నాఽహం దేశికోక్త్యా శివోహం || ౨ ||
అభాతీదం విశ్వమాత్మన్యసత్యం సత్యజ్ఞానానందరూపే విమోహాత్ |
నిద్రామోహా-త్స్వప్నవత్తన్న సత్త్యం శుద్ధః పూర్ణో నిత్య ఏకశ్శివోహం || ౩ ||
మత్తో నాన్యత్కించిదత్రాప్తి విశ్వం సత్యం బాహ్యం వస్తుమాయోపక్లుప్తమ్ |
ఆదర్శాంతర్భాసమానస్య తుల్యం మయ్యద్వైతే భాతి తస్మాచ్ఛివోహం || ౪ ||
నాఽహం జాతో న ప్రవృద్ధో న నష్టో దేహస్యోక్తాః ప్రాకృతాస్సర్వధర్మాః |
కర్తృత్వాది-శ్చిన్మయస్యాస్తి నాహం కారస్యైవ హ్యాత్మనో మే శివోహం || ౫ ||
నాఽహం జాతో జన్మమృత్యుః కుతో మే నాఽహం ప్రాణః క్షుత్పిపాసే కుతో మే |
నాఽహం చిత్తం శోకమోహౌ కుతో మే నాఽహం కర్తా బంధమోక్షౌ కుతో మే || ౬ ||
ఇతి శ్రీమచ్ఛంకరభవత్పాదాచార్య స్వామి విరచితాత్మపంచకమ్ సంపూర్ణమ్ ||
ātma pañcakam
nāhaṃ dēhō nēndriyāṇyantaraṅgaṃ nāhaṅkāraḥ prāṇavargō na cāhaṃ |
dārāpatyakṣētravittādidūra- ssākṣī nityaḥ pratyagātmā śivōhaṃ || 1 ||
rajjvajñānādbhati rajjuryathā hi- ssvātmājñānādātmanō jīvabhāvaḥ |
āptōktyā hi bhrāntināśē sa rajju- rjīvō nā'haṃ dēśikōktyā śivōhaṃ || 2 ||
abhātīdaṃ viśvamātmanyasatyaṃ satyajñānānandarūpē vimōhāt |
nidrāmōhā-tsvapnavattanna sattyaṃ śuddhaḥ pūrṇō nitya ēkaśśivōhaṃ || 3 ||
mattō nānyatkñcidatrāpti viśvaṃ satyaṃ bāhyaṃ vastumāyōpakḷuptam |
ādarśāntarbhāsamānasya tulyaṃ mayyadvaitē bhāti tasmācchivōhaṃ || 4 ||
nā'haṃ jātō na pravr̥ddhō na naṣṭō dēhasyōktāḥ prākr̥tāssarvadharmāḥ |
kartr̥tvādi-ścinmayasyāsti nāhaṃ kārasyāiva hyātmanō mē śivōhaṃ || 5 ||
nā'haṃ jātō janmamr̥tyuḥ kutō mē nā'haṃ prāṇaḥ kṣutpipāsē kutō mē |
nā'haṃ cittaṃ śōkamōhāu kutō mē nā'haṃ kartā bandhamōkṣāu kutō mē || 6 ||
iti śrīmacchaṅkarabhavatpādācārya svāmi viracitātmapañcakam ||